“Kliun Tiduk Sambil Tegak” (Cerite: Nasib Kenek Jaman Dulu)
“Kliun Tiduk Sambil Tegak”
(Cerite: Nasib Kenek Jaman Dulu)
Waku jalan masih karut dikale…adelah sutik-due mubil jeme dusun, itu juge mubil paur merek “dodge 600” mubil palak keghas besi gale, buatan Amrika kire-kire tahun 70-an. diantare mubil tadi ade ye ndak kuceritekah disini, maklum ini mubil jeme bename waktu itu, mbak kini aghi kire-kire punye pejabat tinggi di marge itu ye disebut Pesirah, mubil Pesirah ni same ngah mubil-mubil jeme lain tu, mereknye same-same dodge, ngah biasenye kalu beghangkat beghilingahn biasenye sehempak alias kumpui, sedakde mubil di ulu tu beghangkat gale, kalu ade kawane ye rusak, ngah ade sangsangan biasenye ditunggu kudai saghi-due…sangkan ndak seghempakni ade maksudnye, pertame mangke pacak setulungan saling taghik kalu teperan, ngahnye pule takut kalu disamun garung, maklum saje waktu itu jeme nggarungngi mubil banyak, ye disebut li jeme dusun pengadangan.
Lah kukatekah tadi jalan waktu itu, karut persis luk kubangan kebau…ntah itu ape pantas dikatekah jalan, ape tepatnye dikatekah siring panjang, karne jalan mubiltu persis nelusuri siring sejajar panjang, kalu musim ujan di jalan tebingtu penuh li ayik, njadi siring… ditambah pule banyak ye lah nyadi kubangan kebau…pacak saje nyupir tu sambil makan ye penting idupkah ngah pasang gigi satu dide die pacak banye keluagh di jalan tu, kalu agak tebing nian matikah saje mesinye nangkanlah die bejalan dewik, paling-paling kalu lah gacang ige di rim dikit, kalu kah melicuk keluar jak dijalan dide kah pacak, paling-paling kalu betemu ngah kubangan kebau tadi mpai berenti…jalan tu karut nian, alaplah jalan betarghik kebau ngangkut kayu kisah dibukit. Anye keruanlah jeme “Tagug” napsu iluk, kalu mubil tulah ngulur, kalu jemenye belum kah nyerah, takaranye ngguk tekupur, dide nian pacak agi mangke berenti.
Ye jadi masalah kalu sampai pas di jalan ye lah njadi kubangan kebau, tepadat tulah ukuranye…anye tuape mubil paur merek dodge tadi…kalu tepadat di lumpur kubangan kebau, dipasang lir…talinye ditambangkah ke batang kayu…itu jueg kalu ade batang kayunye…ade juge ye dikbedie batang kayunye…tepakselah ndak mbuat kudai badah nabangkah talitu, sbenarnye dide pacak dinamekah tali titu kawat seling, luk kawat pengecaan jembatan gantungtu…diputarnye li lir mubil paur tadi…mapai pacak tedaghat di jalan ye lah njadi kubangan kebau…kalu didusntu, mpai sampai ke ujung tebingtu la hade jalan luk kubangan kebau…biasenye kami dikecik dulu nuntun mubil ye teperan tu…ndak nginai ban ye beligat anye mubilnye dide bejalan….nah inilah ye pas sebenarnye ndik judul cerite film “bernapas dalam Lumpur”. Ini ngguk nianye benapas dalam lumpur.
Sebenarnye jarak pejalanan dide jauh ige paling-paling empat puluh kiloan, anye titu ndak ditempuh paling gacang duaghi due malam, kadang-kadang pacak seminggu… ye pacak due malam tu kalu musim kemaghau…ade sebagian jalan ye keghing. kalu dide ade kerusakan ngah tanah teghebis , maklumlah jalan digunung ade ye tebing palang itu juge ndak dipasang lir tadi mangke tenaik.
Biasenye setiap satu mubil tade ade tige ughang paling dikit, ye ngikut di mubil tu..sughang supir, sughang kenek, sugang namenye setukar. Tugasnye sesuai ngah namenye tadi..kalu supi ye nyupir mubiltu..kalu setukar, disamping die ngenik biasenye lah pacak juge nyupir, kalu supir lah payah ngah ngantuk nian biasenye diajungkah setukar nggantikanye…kire-kire sopir sirap lah jabatanye..nah kalu kenek tugasnye lah keruanlah…dietulah ye paling berat, terutame kalu betemu ngah jalan telumpur tadi..tugas keneklah naghik tali lir ngah nambangkanye ke batang kayu…setukar biasenye mbantu supir nginai jalan saje…
Nah ye kukatekah tadi ade mubil paur ndik pesirah kepale marge…die ni ade kenek bukan jeme ye beasal jak didusntu, katenye beasal dari jawe, namenye Keliun…sebenarnye name aslinye ndik keruan…mungkin saje namenyetu “Kliwon” luk name aghi base Jawe…Kliun atau Kliwon lah lame nian ngikutkah mubil Pesirah ni..entah dide keruan dimane die datang…kalu kate pesirah die nemu di jalan simpang mio…nginai ade budak kecik disitu luk tesesat diajaklah li Pesirah tadi ye merangkap supir mubil paur ye nenye tulah.
Karene ngikut saje tiap pesirah ndak beghangkat mbawe daganganye…lame-lame Kliun ni jadi Kenek…retinye die betugas, tukang ganjal, tukang naghik tali lir ngah nambangkanye ke batang kayu, kalu lah udim mpai setukar mandu supir bejalan, terus …kidaukah dikit, kananakah agi, luk itulah kumando setukar…lah dikatekah tadi bejalan beminggu-minggu ndik keruan agi pule beghape kubangan kebau ye ndak dilalui, ngah nye pule dide tiap kubangan tu ade batang kayu, kalu dikbedie badah nambangkah kayu tadi, ndak dibuatkah pating badah nambangkanye, biasenye besi besak luk tiang lapangan voli..titu ndak ditutus ngah peranti mbelah batu tu…betaturlah titu ditutusi ngguk tepada mangke kuat penambngan tali lir tadi…bemalam sianglah kerje luk itu.
Tuape kalu lah kepayahan ngah dide betiduk ige…betemulah ngah kubangan agi…lah keran tugasnye kenik, kliun lah beguyur pule narik tali, karne dikbedie badah nambangkanye…mangke dibuatlah pating besi tadi…betaturlah Kliun nutus…Tuk..tuk..tuk…terus ditutus, lame-lame suaghe tutusan tadi tambah kecik saje, lame-lame dide bedie suaghenye agi..tuape pikir supir ngah setukar, kalu lagi ngebatkah tali lir tu…anye lah abis rukuk siung setak…belum die ngatekah…lah udim bejalanlah…biasenye luk itu…akh…pikir supirnye kalu payah nambangkannye…ngudut agi supirni..ngah setukar…lah ndak abis pule rukuk ye nyambung tadi ni…tepikiklah supir…Kliuuuun…lah udim ditambangkah…dide pule die njawab…nah agak ade curiga supir ngah setukarni...ade ape tini, ad erase rendut supirni, maklum malam bute, badah ditengah utan…langsung supir ngomong ngah setukar…kabah kinai kudai keliun…ngape lame kiamat lah udim..ape belum…berenggutlah setukar ni, ndatangai badah Kliun…Oi…kliun lah udim kabah tambangkah…ngape lame palang ni jeme dibelakang tu ndak bejalan pule…ndiam saje kliuni…dikbedie timbalanye… ai kate setukar, blum ditambangkanye tali ni…ujunge masih disini…kliun tambangkalah tali tu…masih die ndiam…diparak inye nian li setukar…tuape amu dikinai asat-asat…rupenye Kliun lah tiduk sambil tegak… sambil bepaut meluk besi pating pating besi….nah itulah mangke ceritenye sampai kedusun, bahwe Kliun Pacak Tiduk sambil Tegak….entahlah mbak kini, jalan lah iluk aspal itam…dide pule tedengagh agi ye namenye “Kliun” tu…Kliun-kliun alangkah ibat kabah…pacak tiduk sambil tegak….heheheh
(Cerite: Nasib Kenek Jaman Dulu)
Waku jalan masih karut dikale…adelah sutik-due mubil jeme dusun, itu juge mubil paur merek “dodge 600” mubil palak keghas besi gale, buatan Amrika kire-kire tahun 70-an. diantare mubil tadi ade ye ndak kuceritekah disini, maklum ini mubil jeme bename waktu itu, mbak kini aghi kire-kire punye pejabat tinggi di marge itu ye disebut Pesirah, mubil Pesirah ni same ngah mubil-mubil jeme lain tu, mereknye same-same dodge, ngah biasenye kalu beghangkat beghilingahn biasenye sehempak alias kumpui, sedakde mubil di ulu tu beghangkat gale, kalu ade kawane ye rusak, ngah ade sangsangan biasenye ditunggu kudai saghi-due…sangkan ndak seghempakni ade maksudnye, pertame mangke pacak setulungan saling taghik kalu teperan, ngahnye pule takut kalu disamun garung, maklum saje waktu itu jeme nggarungngi mubil banyak, ye disebut li jeme dusun pengadangan.
Lah kukatekah tadi jalan waktu itu, karut persis luk kubangan kebau…ntah itu ape pantas dikatekah jalan, ape tepatnye dikatekah siring panjang, karne jalan mubiltu persis nelusuri siring sejajar panjang, kalu musim ujan di jalan tebingtu penuh li ayik, njadi siring… ditambah pule banyak ye lah nyadi kubangan kebau…pacak saje nyupir tu sambil makan ye penting idupkah ngah pasang gigi satu dide die pacak banye keluagh di jalan tu, kalu agak tebing nian matikah saje mesinye nangkanlah die bejalan dewik, paling-paling kalu lah gacang ige di rim dikit, kalu kah melicuk keluar jak dijalan dide kah pacak, paling-paling kalu betemu ngah kubangan kebau tadi mpai berenti…jalan tu karut nian, alaplah jalan betarghik kebau ngangkut kayu kisah dibukit. Anye keruanlah jeme “Tagug” napsu iluk, kalu mubil tulah ngulur, kalu jemenye belum kah nyerah, takaranye ngguk tekupur, dide nian pacak agi mangke berenti.
Ye jadi masalah kalu sampai pas di jalan ye lah njadi kubangan kebau, tepadat tulah ukuranye…anye tuape mubil paur merek dodge tadi…kalu tepadat di lumpur kubangan kebau, dipasang lir…talinye ditambangkah ke batang kayu…itu jueg kalu ade batang kayunye…ade juge ye dikbedie batang kayunye…tepakselah ndak mbuat kudai badah nabangkah talitu, sbenarnye dide pacak dinamekah tali titu kawat seling, luk kawat pengecaan jembatan gantungtu…diputarnye li lir mubil paur tadi…mapai pacak tedaghat di jalan ye lah njadi kubangan kebau…kalu didusntu, mpai sampai ke ujung tebingtu la hade jalan luk kubangan kebau…biasenye kami dikecik dulu nuntun mubil ye teperan tu…ndak nginai ban ye beligat anye mubilnye dide bejalan….nah inilah ye pas sebenarnye ndik judul cerite film “bernapas dalam Lumpur”. Ini ngguk nianye benapas dalam lumpur.
Sebenarnye jarak pejalanan dide jauh ige paling-paling empat puluh kiloan, anye titu ndak ditempuh paling gacang duaghi due malam, kadang-kadang pacak seminggu… ye pacak due malam tu kalu musim kemaghau…ade sebagian jalan ye keghing. kalu dide ade kerusakan ngah tanah teghebis , maklumlah jalan digunung ade ye tebing palang itu juge ndak dipasang lir tadi mangke tenaik.
Biasenye setiap satu mubil tade ade tige ughang paling dikit, ye ngikut di mubil tu..sughang supir, sughang kenek, sugang namenye setukar. Tugasnye sesuai ngah namenye tadi..kalu supi ye nyupir mubiltu..kalu setukar, disamping die ngenik biasenye lah pacak juge nyupir, kalu supir lah payah ngah ngantuk nian biasenye diajungkah setukar nggantikanye…kire-kire sopir sirap lah jabatanye..nah kalu kenek tugasnye lah keruanlah…dietulah ye paling berat, terutame kalu betemu ngah jalan telumpur tadi..tugas keneklah naghik tali lir ngah nambangkanye ke batang kayu…setukar biasenye mbantu supir nginai jalan saje…
Nah ye kukatekah tadi ade mubil paur ndik pesirah kepale marge…die ni ade kenek bukan jeme ye beasal jak didusntu, katenye beasal dari jawe, namenye Keliun…sebenarnye name aslinye ndik keruan…mungkin saje namenyetu “Kliwon” luk name aghi base Jawe…Kliun atau Kliwon lah lame nian ngikutkah mubil Pesirah ni..entah dide keruan dimane die datang…kalu kate pesirah die nemu di jalan simpang mio…nginai ade budak kecik disitu luk tesesat diajaklah li Pesirah tadi ye merangkap supir mubil paur ye nenye tulah.
Karene ngikut saje tiap pesirah ndak beghangkat mbawe daganganye…lame-lame Kliun ni jadi Kenek…retinye die betugas, tukang ganjal, tukang naghik tali lir ngah nambangkanye ke batang kayu, kalu lah udim mpai setukar mandu supir bejalan, terus …kidaukah dikit, kananakah agi, luk itulah kumando setukar…lah dikatekah tadi bejalan beminggu-minggu ndik keruan agi pule beghape kubangan kebau ye ndak dilalui, ngah nye pule dide tiap kubangan tu ade batang kayu, kalu dikbedie badah nambangkah kayu tadi, ndak dibuatkah pating badah nambangkanye, biasenye besi besak luk tiang lapangan voli..titu ndak ditutus ngah peranti mbelah batu tu…betaturlah titu ditutusi ngguk tepada mangke kuat penambngan tali lir tadi…bemalam sianglah kerje luk itu.
Tuape kalu lah kepayahan ngah dide betiduk ige…betemulah ngah kubangan agi…lah keran tugasnye kenik, kliun lah beguyur pule narik tali, karne dikbedie badah nambangkanye…mangke dibuatlah pating besi tadi…betaturlah Kliun nutus…Tuk..tuk..tuk…terus ditutus, lame-lame suaghe tutusan tadi tambah kecik saje, lame-lame dide bedie suaghenye agi..tuape pikir supir ngah setukar, kalu lagi ngebatkah tali lir tu…anye lah abis rukuk siung setak…belum die ngatekah…lah udim bejalanlah…biasenye luk itu…akh…pikir supirnye kalu payah nambangkannye…ngudut agi supirni..ngah setukar…lah ndak abis pule rukuk ye nyambung tadi ni…tepikiklah supir…Kliuuuun…lah udim ditambangkah…dide pule die njawab…nah agak ade curiga supir ngah setukarni...ade ape tini, ad erase rendut supirni, maklum malam bute, badah ditengah utan…langsung supir ngomong ngah setukar…kabah kinai kudai keliun…ngape lame kiamat lah udim..ape belum…berenggutlah setukar ni, ndatangai badah Kliun…Oi…kliun lah udim kabah tambangkah…ngape lame palang ni jeme dibelakang tu ndak bejalan pule…ndiam saje kliuni…dikbedie timbalanye… ai kate setukar, blum ditambangkanye tali ni…ujunge masih disini…kliun tambangkalah tali tu…masih die ndiam…diparak inye nian li setukar…tuape amu dikinai asat-asat…rupenye Kliun lah tiduk sambil tegak… sambil bepaut meluk besi pating pating besi….nah itulah mangke ceritenye sampai kedusun, bahwe Kliun Pacak Tiduk sambil Tegak….entahlah mbak kini, jalan lah iluk aspal itam…dide pule tedengagh agi ye namenye “Kliun” tu…Kliun-kliun alangkah ibat kabah…pacak tiduk sambil tegak….heheheh
Komentar
Posting Komentar