KI JERABUN SAKTI JAK DIDUSUN..... BAG. II “SAUNG JERABUN DI JERAMBAH BIDIT”
KI JERABUN SAKTI JAK DIDUSUN..... BAG. II
“SAUNG JERABUN DI JERAMBAH BIDIT”
Mangke nyambung cerite ni, aku ingatkah dikit cerite Ki Jerabun Bag. I, dimane kesaktiannye pacak nyetop api sampai dibadahe tegak waktu dusun tu kemutungan, sambil tegak cagak pinggang api ye njilatijilat besak kiamat tu dide laju agi berenti pas dibadah jerabun tegak tulah.
Di bagian ke II ni aku ndak ceitekah bahwa Ki jerabun waktu dusun abis mutung mpai ni, die mbuat sahung di pangkal Jerambah “Bidit” iligh dusun...nah tambah jeme curiga gale, ngape Ki Jerabun ni luk Jeme Mesre, tambah jadi saje perangai nye, kapuh berusah tiap akap ke Jerambah Bidit mbawe Pacul ngah tembilang...ape ndak ngiluki jalan ape ndak ngiluki siring ye ayeknye tiap musim ujan melumbab ke jalan tu...ternyate kanye itu gawinye...kerjenye tiap aghi beghilighan tu...mbuat lubang besak pas di pingkulan palak jerambah bidit...
Lubang besak ye dibuat Ki Jerabun tu, dikicikah jeme sahung jerabun..ade pule ye ngatekah itu saung “Manan” aku dide ndak ceriteka Manan itu nining jeme mungkin nyelah titu saung Manan badah lain, ini lain pule ceritenye, anye hayalan saje...kele anak cucunge marah kalu ku tulis saung manan...kalu Ki Jerabun...asenye dide jeme kah maraha....heheheh, kecuali cucung-cucung Ki Jerabun nian...luk Selan, Arwin Alifiah, Jamhir, Darwin, Sahrut, Rib dll.
Kire-kire sebulan lah Ki Jerabun mbuat saung tu...keruanlah li kite kalu tiap aghi begawi selame sebulan, besak nian saung ye dibuatnye...di dalam sahung tu dibuatnye badah duduk luk bangku panjang, pacak pule kalu ndak tiduk-tiduk dari tanah tulah bukan dari kayu...di depan badah duduk tu ade pule tebat kecik...diuculinye li Ki Jerabun ngah ikan Mas...anye udim mbuat saung tu ki jerabun dide ngulanginye agi, jeme ye lalu tulah nginainye ngah nebasi pinggirnyr kalu lah seghut.
Sahung Jerabun ni nyadi badah beghaduan jeme dusun ye bejalan kakai jak berayak di dusun lain, atau balik jak di kalangan Senin, anye dide amu beghani nian masuk kedalam, maklum takut, kalu-kalu ade penyaitnye..
Singkat cerite, sate lah beberape tahun ternyate Jepang masuk ke daerah Marge itu...ade perintah dari penguase marge, bahwe setiap ghumah didusun diharuskah, mbuat sahung di bawah ghumah...karne akan tejadi peperangan, Jepang melawan Belande, takut ade peluru ye nysasar... Kepale Marge juge, ngingatkah kalu ade letupan senampang...sedakde pengisi rumah besak kecik, lanang betine, tue muda gegancang masuk saung bawah ghumah masing-masing...perintah kepale Marge ni...di kenungkah di setiap dusun di Marge tu...biasenye di sampaikah li Pengawe...sambil nutus Kenung...Nung-nung..nung...luk itulah suaghenye...mangke Pengawe ngumung bias palang sambil bejalan...Nung-nung skabe...kamu rurung ini...aku diajung Rie bekenung...setiap ghumah wajib mbuat sahung gale...karne kah perang besak...Jepang Ngah Belande...mbak kini Jepang lah ndak naik...dibadah kapuh kamu besimbut...kalu ade peluru nyasar...tuape lah dikenungkah...nurut gale jeme dusun mbuat saung gale.
Rupenye ade ye ngaitkah perintah Kepale marge ni ngah Ki Jerabun ye mbuat sahung di palak jerambah bidit. Mungkin saje Ki Jerabun ngasih petunjuk melalui gawianye, agar sedakde jeme dusun tu dide kah lame agi kah mbuat saung gale. Tambah banyak ye pecaye ngah Ki Jerabun tu “Keramat” tapi tetap saje adeye ngatekah ki Jerabun tu jeme “Ngetayagh”...entahlah tapi kejadian didusun dikale luk itu ceritenye. Besambung.
“SAUNG JERABUN DI JERAMBAH BIDIT”
Mangke nyambung cerite ni, aku ingatkah dikit cerite Ki Jerabun Bag. I, dimane kesaktiannye pacak nyetop api sampai dibadahe tegak waktu dusun tu kemutungan, sambil tegak cagak pinggang api ye njilatijilat besak kiamat tu dide laju agi berenti pas dibadah jerabun tegak tulah.
Di bagian ke II ni aku ndak ceitekah bahwa Ki jerabun waktu dusun abis mutung mpai ni, die mbuat sahung di pangkal Jerambah “Bidit” iligh dusun...nah tambah jeme curiga gale, ngape Ki Jerabun ni luk Jeme Mesre, tambah jadi saje perangai nye, kapuh berusah tiap akap ke Jerambah Bidit mbawe Pacul ngah tembilang...ape ndak ngiluki jalan ape ndak ngiluki siring ye ayeknye tiap musim ujan melumbab ke jalan tu...ternyate kanye itu gawinye...kerjenye tiap aghi beghilighan tu...mbuat lubang besak pas di pingkulan palak jerambah bidit...
Lubang besak ye dibuat Ki Jerabun tu, dikicikah jeme sahung jerabun..ade pule ye ngatekah itu saung “Manan” aku dide ndak ceriteka Manan itu nining jeme mungkin nyelah titu saung Manan badah lain, ini lain pule ceritenye, anye hayalan saje...kele anak cucunge marah kalu ku tulis saung manan...kalu Ki Jerabun...asenye dide jeme kah maraha....heheheh, kecuali cucung-cucung Ki Jerabun nian...luk Selan, Arwin Alifiah, Jamhir, Darwin, Sahrut, Rib dll.
Kire-kire sebulan lah Ki Jerabun mbuat saung tu...keruanlah li kite kalu tiap aghi begawi selame sebulan, besak nian saung ye dibuatnye...di dalam sahung tu dibuatnye badah duduk luk bangku panjang, pacak pule kalu ndak tiduk-tiduk dari tanah tulah bukan dari kayu...di depan badah duduk tu ade pule tebat kecik...diuculinye li Ki Jerabun ngah ikan Mas...anye udim mbuat saung tu ki jerabun dide ngulanginye agi, jeme ye lalu tulah nginainye ngah nebasi pinggirnyr kalu lah seghut.
Sahung Jerabun ni nyadi badah beghaduan jeme dusun ye bejalan kakai jak berayak di dusun lain, atau balik jak di kalangan Senin, anye dide amu beghani nian masuk kedalam, maklum takut, kalu-kalu ade penyaitnye..
Singkat cerite, sate lah beberape tahun ternyate Jepang masuk ke daerah Marge itu...ade perintah dari penguase marge, bahwe setiap ghumah didusun diharuskah, mbuat sahung di bawah ghumah...karne akan tejadi peperangan, Jepang melawan Belande, takut ade peluru ye nysasar... Kepale Marge juge, ngingatkah kalu ade letupan senampang...sedakde pengisi rumah besak kecik, lanang betine, tue muda gegancang masuk saung bawah ghumah masing-masing...perintah kepale Marge ni...di kenungkah di setiap dusun di Marge tu...biasenye di sampaikah li Pengawe...sambil nutus Kenung...Nung-nung..nung...luk itulah suaghenye...mangke Pengawe ngumung bias palang sambil bejalan...Nung-nung skabe...kamu rurung ini...aku diajung Rie bekenung...setiap ghumah wajib mbuat sahung gale...karne kah perang besak...Jepang Ngah Belande...mbak kini Jepang lah ndak naik...dibadah kapuh kamu besimbut...kalu ade peluru nyasar...tuape lah dikenungkah...nurut gale jeme dusun mbuat saung gale.
Rupenye ade ye ngaitkah perintah Kepale marge ni ngah Ki Jerabun ye mbuat sahung di palak jerambah bidit. Mungkin saje Ki Jerabun ngasih petunjuk melalui gawianye, agar sedakde jeme dusun tu dide kah lame agi kah mbuat saung gale. Tambah banyak ye pecaye ngah Ki Jerabun tu “Keramat” tapi tetap saje adeye ngatekah ki Jerabun tu jeme “Ngetayagh”...entahlah tapi kejadian didusun dikale luk itu ceritenye. Besambung.
Komentar
Posting Komentar