“ENDUNG TAGUK”

“ENDUNG TAGUK”
Pacak nian Taguk sughangni ngarang gerawean, ade-ade saje randaianye ndak ngajung jeme tetawe…, Cerite ni lucu pule…Nah mulailah Tagug becerite…. waktu die dikecik dikale, masih di dusun, biaselah di dusun dang kumpul sekeluarge besak, ade ntue, ade ading gadisnye ye betandang pule, bapang ngah endung, muanai ngah ipaghanye, ngah ading bujange ye bungsu dang balik disekulah pesantren di Jawe, mpuk nining bugagh masih ade pule, ditambah tu kemeranjalani, penuh seghumah keribangan gale, jarang pacak betunggal luk malam ni.
Tuape ame dang kumpul banyak seghumah gaye, luk kah pecah paun ghumah tu…sate makan seindangan panjang…sambil makan nak beranak, cung becucung tadi…puku’e seghempak gale makantu, kate ning bugaghnye…makan seghempak jangan bedulu-bekedian kite makan bejemaah…cak-ciraklah makan tadi, nyantukah landeghan, segale adelah macam penggulaianye…dipandakah ceritenye…dang dedeghap…makan sambil ulam jeghing mude, ye dibeli di endunng Taguk akap tadi, dikalangan sabtu parak Mesjid…lemak palang makan…nah…dide sadar endung Taguk tadi tekentut …..Tuuut, luk itulah suaghenye, nyariing luk bunyi suling lubang lime, dide amu bias, anye ade ye ndengagh…diam saje jeme banyaktu…bekinaan saje…dide keruan nian dimane suaghenye tu anye kire-kire ye duduk di tempuan tulah…Tuape amu endung Taguk ni, mpuk anak’e lah due, masih dibudak bedangh umurnye, mpai tamat MIN, lah dipadikah ngah Bapang Taguk, dieni ngangkit, karne bapang Taguk tige beghading bughagh gale, Endung Taguk ni masih kerbai budak amu base dusun, kire-kire umur bebelasan tahun lah…Taguk tu, anake ye tue…mpai umur-umur kire-kire empat taunlah, ading Tagug, ye dinamekah Puput ni, masih gadis kecik, calon tunggu tubang kire-kire umur due tahun setengah…nah belum lame be detuut tadi…mimburlah titu…keruanlah li kamu banyakni, amu makan ulam jeghing ngah sambal kembuhung…dide keembauan agi, pokoknye lah luk mbau jeghing di lahangkah…becengisanlah titu..nginai keadaan agak kah…manjang…bedeghutlah kibitnye Taguk tadi..li endunge… tuape amu budak kecik ngah penangis die…teceghik peci udim…sambil nangis ngah tesembal nasi ye masih dimulutu…anye jeme pantaran Taguk, belum pacak pembuhung, dide die kah mikirkah ape jeme kah maluan, apekah besingkuh…sambil njeribi…ngiciklah die ni…ngape….mak ngikibit aku, aku dide besalah…awak mak ye kentut tadi…kedenganghan li ku…sambil masih dedenge nangistu…
Ndengangh, kiciaan Taguk tadi, abang mumbulah dayi endung Taguk tadi, persis luk cabi besak masak, mane abang mane angat,…nengaghi kiciaan Tagug luk itu…awu dide pacak agi ndak pembuhung, jeme seidangantu lah nginai die gale, ade ye senyum-senyum saje, ade ye nunduk saje, anye ninge tadi…tuape amu jeme calak banyak pengalaman…udelah kabah Tagug..kabahtulah galak luk itu…kabah galak tiduk ngah aku luk itulah saje…anye keruan li nininge bangse tekentut tadi bukan Taguk…anye endung Tagug…nginai tagug masih nagis…li nininge tadi lumpatkanyelah…balung ayam ye dipinggan gualinye…nah negelah kabah nangis, makanlah…balung ayamni sengutlah dikabah…Nining dide te sengut agi….diam Taguk, sate dilumpatkah balung ayam, bekunyalah die…ngulang agi cerite ye lain…luk biase saje…anye endung Taguk tadi masih ndiam saje…anu kate bapang Taguk…kalu diade ghebusan ni tambahai agi…mpai beghani beghangat ndung taguk…aman dalam mati ndung Tagug, ade alasan ndak beghangkat…dide maluan nian …heheheh.... Ndung Tagug-ndung Taguk, Kerbai Ngangkit

Komentar

  1. imam.iain bengkulu4 Februari 2017 pukul 21.59

    Ngangkit artinya pengalihan hak Tunggu Tubang kepada anak laki2 tertua karena tidak ada anak perempuan..

    BalasHapus

Posting Komentar

Postingan populer dari blog ini

Cerita Rakyat "NAGE DEDAUP" Bg.-19

CERITE NAGE DEDAUP EDISI “PERAPIAN BADAH BAGU’AN” Persiapan bagua’an lah biris kanye gale li nage Anak Belai ye dipimpin oleh Nage Jokoh Jeghing, bangsal badah bentendak tetamu agung ye besaknye m’bak lapangan bola Batu Tiking, temasuk reranggiannye, lah udim gale, mulai jak di panggung hiburan samapi badah duduk pelaminan Daghe Puteh ngah Pangeran Parbu Milih, la keminyau kuning luk di tumpahi cat aik emas, badah duduk undangan ngah badah melunjuwkah ikuk, ye jumlahnye ndik tehitung agi li budak kecik, lah cukup pule, Kalu dibandingkah nggak m’bak kini aghi kire2 same ngah panggung waktu Ibas nikah ngah Aliya, ye masih keturunan Nage Musi tu. temasuk juge lambang adat marge Nage Dedap ye tepampang di pintu masuk utame ye melambangkah Tunggu Tubang seperti, Kujur artinye Lurus, Jujur dide galak pembuhung ngangagh, mudah tebungkak, Guci maknenye, teguh nyimpan resie, ye busuk-busuk n’dik kembauan li jeme, Jale maksudnye pacak ngipati, kecik besak dihimpun gale, boleh j
Baca selengkapnya

DAFTAR PUSTAKA

DAFTAR PUSTAKA 1.      BUKU DAN HASIL PENELITIAN Abdul Hakim Garuda Nusantara dan Nasroen Jasabari, Beberapa Pemikiran Pembangunan Hukum di Indonesia , Bandung: Alumni, 1980. Achmad Ali, Menguak Teori Hukum (Legal Theory) dan Teori Peradilan (Judicialprudence): Termasuk Interpretasi Undang-undang (Legisprudence) , Jakarta: Prenda Media Group, 2009). Ahmad Azhar Basyir, Hukum Islam di Indonesia dari Masa ke Masa, dalam Dadan Muttaqin et, al. (eds), Peradilan Agama & Kompilasi Hukum Islam dalam Tata Hukum Indonesia , Yogyakarta: UII Press, 1999. Adnan Buyung Nasution, Aspirasi Pemerintahan Konstitusional di Indonesia: Studi Sosio Legal atas Konstituante 1956-1959, Jakarta: Grafito, cet. Pertama 1995. Ahmad Azhar Basyir, Hukum Islam di Indonesia dari Masa ke Masa, dalam Dadan Muttaqin et, al. (eds), Peradilan Agama & Kompilasi Hukum Islam dalam Tata Hukum Indonesia , Yogyakarta: UII Press, 1999. Akmal Boedianto , Pembentukan Peraturan Daerah tent
Baca selengkapnya

SAMBUTAN DEKAN ACARA YUDISIUM FAK. SYARI’AH IAIN BENGKULU

SAMBUTAN DEKAN ACARA YUDISIUM FAK. SYARI’AH IAIN BENGKULU السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ ALHAMDULILAHIRABBILAALAMIN, ASSALATUWASSALA MU’ALA ASHRAFIL AMBIAYA’ WAL MURSALIIN WA’ALA ALIHI WASABBIHI AJJMAIIN. Segala puji bagi Allah Sang Penguasa alam semesta. Semoga salawat serta keselamatan tercurahkan selalu kepada Nabi dan Rasul termulia. Berserta keluarga dan sahabat-sahabatnya, semuanya . Amiin. Pertama – tama marilah kita sampaikan rasa puji dan syukur kita kehadirat Allah SWT, Tuhan Semesta Alam yang tak henti–hentinya telah memberikan hidayah dan nikmatnya sehingga kita semua dapat berkumpul dalam ruangan ini tanpa halangan sedikitpun dan dalam kondisi sehat walafiat. Tak lupa marilah kita sanjungkan shalawat serta salam kepada junjungan kita, Nabi Besar Muhammad SAW yang telah membawa kita ke luar dari zaman kegelapan menuju zaman yang terang benderang saat ini. Semoga kita diberikan syafaatnya pada yaumil akhir kelak amin. Yang terhorm
Baca selengkapnya