Cerita Rakyat "NAGE DEDAUP" Bg.-19
CERITE NAGE DEDAUP EDISI “PERAPIAN BADAH BAGU’AN”
Persiapan bagua’an lah biris kanye gale li nage Anak Belai ye dipimpin oleh Nage Jokoh Jeghing, bangsal badah bentendak tetamu agung ye besaknye m’bak lapangan bola Batu Tiking, temasuk reranggiannye, lah udim gale, mulai jak di panggung hiburan samapi badah duduk pelaminan Daghe Puteh ngah Pangeran Parbu Milih, la keminyau kuning luk di tumpahi cat aik emas, badah duduk undangan ngah badah melunjuwkah ikuk, ye jumlahnye ndik tehitung agi li budak kecik, lah cukup pule, Kalu dibandingkah nggak m’bak kini aghi kire2 same ngah panggung waktu Ibas nikah ngah Aliya, ye masih keturunan Nage Musi tu. temasuk juge lambang adat marge Nage Dedap ye tepampang di pintu masuk utame ye melambangkah Tunggu Tubang seperti, Kujur artinye Lurus, Jujur dide galak pembuhung ngangagh, mudah tebungkak, Guci maknenye, teguh nyimpan resie, ye busuk-busuk n’dik kembauan li jeme, Jale maksudnye pacak ngipati, kecik besak dihimpun gale, boleh juge disebut bijak sane, Tebat, diartikah marge Nage dedaup bahwe, mpuk lagi marah n’dik Nampak ngah jeme, temasuk pule pantangan ngancakkah rebit rumah tangge ngah jeme luagh, kinailah aik tebat tu, tenang dide beomabk luk aik laut, ye kate jeme tu aik belage, padehal isi tebat tu kalu di bubus krungkuk-mungkuk isinye segale ade, ade batu, ade unjagh, ade pule ghendaman pelupuh, diterimenye gale li tebat tu, mungkin kalu diringkaskah, tebat, maknenye Sabar, ye terakhir, Kapak melambangkah, bahwe kalu merintah, didie nunjuk nuai, anye di sesuai ng’gak badahe, mbak itu pule kalu di perintah segere di gawikah, kalu base manusie disebut Adil.
Persiapan ye la lengkap ngah alap tu, sebanding pulu ngah undangan ye datang, hampir jehuman Nage Dedaup ye di antatkah li nage Jokoh Jeghing datang Gale…ye n’dik datang ngirimkah ampaw ngah karangan bunge ye bediret, persis ucapan slamat waktu pelantikan Gubernur Ahok di Balai Kota DKI Jakarta. Sedakde saudagar di Betawi ngirimkah bunge gale ade juge ye ngirimkah nasi tumpeng ntah jak dimane datange, mungkin jak di penguase kalijuduh Marunde atau jak di Belitung Timur, mungkin juge jak di haji Lulung.
Ye paling istimiwa ngah menjadi adat leluhur n’dik pacak ditinggalkah, ye merias pengantin ngah merapikah kamarnye, kalu urusan ini diserahkah li Ratu Pancuw Ringkih permaisuri Nage Dedaup ngah ipaghaanye bename Ratu Nage Lungkang Kule, permaisuri Nage Berinsang ye teambik anak di Muare Sawung. Ceritenye nage Beringsai ni beasal jak di marge semende dahat, singgah di Kisam, (dulunye beasal jak di besemah libagh ngah semende panjang gale, tungguk itu), anye jeme kaur khususnye di Padang Guci nyebutnye Pangeran Nage Rantai, Karne aneh ade nage ye mpai datang bekalung rantai, sate sampai pangeran Nage Beringsai ni ye ading numur due Ratu Pancuw Ringkih, besemedi di lubuk saung, parak muare, mangke daerahnye tu di sebut muare sahung. (Khusus cerite Muara Sahung, akan di kisahkan dalam edisi Khusus judulnye “Nage Depati Peghapaw di Cuko Nau”). Anye banyak nian cerite jak di Marge Nage Dedaup ni, kalu di bangse manusie di iabaratkah ngah suku semende ye ade dimane2, ade semende mekakau, ade semende kaur, ade semende, way kanan lampung, ade semende dahat ye kite misalkah m'bak kini, dide kah urung agi ade pule semende jawe, semende kalimantan ngah semende sulawisi, kalu semende papua kurase dide cucuk, asenye sulit jeme semende ye puteh2 ngah gumbak lughus, (maklum keturunan Tiongkok) nyatu ngah jeme papua, anye ntah lah, katenye di pulau Irian, masih banyak utan, kalu titu parak ngah kenderaan ade ye gacang, atau Menteri Transmigarasi, jeme semende, (anye sampai kini blum tedengahg jeme semende jadi menteri, kalu jadi mantri lah banyak, temasuk mantri cucuk cabut alias penyulu pertanian) ai n'dik kah urung agi jeme semende nebas nebang mbuat kebun kawe, sekalian belajagh tari papua ye tekenal tari Musyoh, Tari Sajojo, Tari Yospan, biase jeme semende kalu anih die n'dak nginak, kalu lah nginak n'dak belajgh, kalu la pacak n'dak ngajar...itu filusufis jeme semende nian, masih makai sampai m'bak kini aghi.
Panggung hiburan lah disiapkan pule, ye nyumbang tarian datang jak Brazil sane, ye kenal ngah tarian “samba de Roda” atau tarian belighat, temasuk penarinye, ye alap2, licin, masih daghe, anye besisik, temasuk ngah peralatanye luk strumen perkusi seperti tamborin, juge instrumen tiup seperti trombone, terompet, choro, flute, dan klarinet. maklum Nage Dedaup anak angkat Nage Raje Anak Kodah. Tarian sambah, lah tekenal di jagad dunie ngah lah dijadikah warisan budaye li Unesco, takut kalu diambik negare tetangge, seperti Tarian Riok Ponorogo ye n’dak diambik li negare tetangge nusantare.
Au …Cung masi panjang cerite nii…kite gheghadu kudai…(alias bersambung).
Persiapan bagua’an lah biris kanye gale li nage Anak Belai ye dipimpin oleh Nage Jokoh Jeghing, bangsal badah bentendak tetamu agung ye besaknye m’bak lapangan bola Batu Tiking, temasuk reranggiannye, lah udim gale, mulai jak di panggung hiburan samapi badah duduk pelaminan Daghe Puteh ngah Pangeran Parbu Milih, la keminyau kuning luk di tumpahi cat aik emas, badah duduk undangan ngah badah melunjuwkah ikuk, ye jumlahnye ndik tehitung agi li budak kecik, lah cukup pule, Kalu dibandingkah nggak m’bak kini aghi kire2 same ngah panggung waktu Ibas nikah ngah Aliya, ye masih keturunan Nage Musi tu. temasuk juge lambang adat marge Nage Dedap ye tepampang di pintu masuk utame ye melambangkah Tunggu Tubang seperti, Kujur artinye Lurus, Jujur dide galak pembuhung ngangagh, mudah tebungkak, Guci maknenye, teguh nyimpan resie, ye busuk-busuk n’dik kembauan li jeme, Jale maksudnye pacak ngipati, kecik besak dihimpun gale, boleh juge disebut bijak sane, Tebat, diartikah marge Nage dedaup bahwe, mpuk lagi marah n’dik Nampak ngah jeme, temasuk pule pantangan ngancakkah rebit rumah tangge ngah jeme luagh, kinailah aik tebat tu, tenang dide beomabk luk aik laut, ye kate jeme tu aik belage, padehal isi tebat tu kalu di bubus krungkuk-mungkuk isinye segale ade, ade batu, ade unjagh, ade pule ghendaman pelupuh, diterimenye gale li tebat tu, mungkin kalu diringkaskah, tebat, maknenye Sabar, ye terakhir, Kapak melambangkah, bahwe kalu merintah, didie nunjuk nuai, anye di sesuai ng’gak badahe, mbak itu pule kalu di perintah segere di gawikah, kalu base manusie disebut Adil.
Persiapan ye la lengkap ngah alap tu, sebanding pulu ngah undangan ye datang, hampir jehuman Nage Dedaup ye di antatkah li nage Jokoh Jeghing datang Gale…ye n’dik datang ngirimkah ampaw ngah karangan bunge ye bediret, persis ucapan slamat waktu pelantikan Gubernur Ahok di Balai Kota DKI Jakarta. Sedakde saudagar di Betawi ngirimkah bunge gale ade juge ye ngirimkah nasi tumpeng ntah jak dimane datange, mungkin jak di penguase kalijuduh Marunde atau jak di Belitung Timur, mungkin juge jak di haji Lulung.
Ye paling istimiwa ngah menjadi adat leluhur n’dik pacak ditinggalkah, ye merias pengantin ngah merapikah kamarnye, kalu urusan ini diserahkah li Ratu Pancuw Ringkih permaisuri Nage Dedaup ngah ipaghaanye bename Ratu Nage Lungkang Kule, permaisuri Nage Berinsang ye teambik anak di Muare Sawung. Ceritenye nage Beringsai ni beasal jak di marge semende dahat, singgah di Kisam, (dulunye beasal jak di besemah libagh ngah semende panjang gale, tungguk itu), anye jeme kaur khususnye di Padang Guci nyebutnye Pangeran Nage Rantai, Karne aneh ade nage ye mpai datang bekalung rantai, sate sampai pangeran Nage Beringsai ni ye ading numur due Ratu Pancuw Ringkih, besemedi di lubuk saung, parak muare, mangke daerahnye tu di sebut muare sahung. (Khusus cerite Muara Sahung, akan di kisahkan dalam edisi Khusus judulnye “Nage Depati Peghapaw di Cuko Nau”). Anye banyak nian cerite jak di Marge Nage Dedaup ni, kalu di bangse manusie di iabaratkah ngah suku semende ye ade dimane2, ade semende mekakau, ade semende kaur, ade semende, way kanan lampung, ade semende dahat ye kite misalkah m'bak kini, dide kah urung agi ade pule semende jawe, semende kalimantan ngah semende sulawisi, kalu semende papua kurase dide cucuk, asenye sulit jeme semende ye puteh2 ngah gumbak lughus, (maklum keturunan Tiongkok) nyatu ngah jeme papua, anye ntah lah, katenye di pulau Irian, masih banyak utan, kalu titu parak ngah kenderaan ade ye gacang, atau Menteri Transmigarasi, jeme semende, (anye sampai kini blum tedengahg jeme semende jadi menteri, kalu jadi mantri lah banyak, temasuk mantri cucuk cabut alias penyulu pertanian) ai n'dik kah urung agi jeme semende nebas nebang mbuat kebun kawe, sekalian belajagh tari papua ye tekenal tari Musyoh, Tari Sajojo, Tari Yospan, biase jeme semende kalu anih die n'dak nginak, kalu lah nginak n'dak belajgh, kalu la pacak n'dak ngajar...itu filusufis jeme semende nian, masih makai sampai m'bak kini aghi.
Panggung hiburan lah disiapkan pule, ye nyumbang tarian datang jak Brazil sane, ye kenal ngah tarian “samba de Roda” atau tarian belighat, temasuk penarinye, ye alap2, licin, masih daghe, anye besisik, temasuk ngah peralatanye luk strumen perkusi seperti tamborin, juge instrumen tiup seperti trombone, terompet, choro, flute, dan klarinet. maklum Nage Dedaup anak angkat Nage Raje Anak Kodah. Tarian sambah, lah tekenal di jagad dunie ngah lah dijadikah warisan budaye li Unesco, takut kalu diambik negare tetangge, seperti Tarian Riok Ponorogo ye n’dak diambik li negare tetangge nusantare.
Au …Cung masi panjang cerite nii…kite gheghadu kudai…(alias bersambung).
Komentar
Posting Komentar