“NGANTAT BUNTING NUNGGU DANGAU”
“NGANTAT BUNTING NUNGGU DANGAU”
Bagian Pertame jak di lime Tulisan…..!
Biase care adat dusun, kalu lah udim nagwinkah (nikah) pengantin baru ye ngambik tunggu tubang dide kah lame ige didusun, kire-kire tige aghi paling lame seminggu, sampai seminggu tu kalau ade apik jurai sudat ye baguaan pule, kalu dik bedie nelah tige aghi tulah lah di antat kesawah kah diajung nunggu dangau disitulah die badahae, ngah ini ciri khas adat marge semende ye sampai mbak kini belum banyak ige ye beghubah, kalu die ngambik tunggu tubang.
Biasenye selame ini ye nunggu dangau tu bapange ngah endunge, ngah ading-adinge kalu ade ye masih kecik, kalu ade kakange ye bughagh badahe didusun nunggu ghumah, itu kalu die belum pule ngambik bagian, kalu lah ngambik bagian lah lain pule lah dibadah ghumah binenye. Kalu anak tue betinenye anak bungsu mungkin saje banyak kakang-kakange ye bughagh itulah ye lah masuk keghumah jeme tadi. Kebetulan ye ndak diatan kesawah ni, tunggu tubang anye umurnye masih temasuk mude mpuk pengantin bughag masih perangkat mude pule, apelagi pengantin betine, empai tamat sekulah SD, belum nerime ijazah. Empuk itu pule ye bughagh empai tamat MTS due tahun ye udim, anye dide nyambung agi, die ni diajung li bapange ngaji kepesantren iligh dusun tulah. Karne lah dapat judoh ye dicakaghkah li niningnge ndak ngambik tungu tubang pewarisan adat marge ye paling terhurmat, dikatekah terhurmat care adat kalu anaknye dide sekulah agi lah ndak antatulah keghumah jeme tunggu tubang tadi, mpai dikatekah jemetu wah gerut, kalu dide pacak diupatkah jeme dusun laman dide benapsu ngah dide tetunggu dusun laman.
Nah…bunting ye kite sebutkah tadi, pas tige malam udim kawin (nikah) lah besiap segumahtu ndak ngantatnye kesawah badahe nian ye lah tejadi turun temurun mulai jak dipuyange dikale sampai ngah bagian die mbak kini. Kebetulan ye bunting betine ni masih ade nining betine, ngah adding daghenye ye kecik kire-kire umur Sembilan tahun masih kelas tige sekulah Ibtidaiyah, tuape lah disiapkalah gale peranggian ndik nunggu dangau tadi peralatan serbu semanting, muai jak digule, minyak tanah sampai ngah pirang palak batu adegale. Kalu beghas ngah raman gulai tuape la hade gale diswah tanaman nininge di kebun Pisang kualian daghat sawah, nenege ni ye rajin kiamat, betanaman tu.
Udim makan akap, kire-kire jam tujuh lah udim bepenyap dughumah, berangkatlah jeme beempat tadi kesawah, sawahnye ni dide amu jauhnian masih sependedakan ngha dusun seberang aik suban ye galak ngampuh saje tu, kalu musim ujan lah rawang, anye kalu musim kemahaw ayiknye lah ndak abis tinggal batu tulah cerungkuk mungkuk. belum sejam lah lah sampai kesawah, nah kate nininge inilah cung…sawah mah cucung…badah nining dikale luk kamu nilah kami diantat li nduk…waktu kami njadi ngah nining bugahg kamu…entah behape tahun kami disawah ni…sampai nggilir ngah cucung bedue. Terus cerucus nininge ngumung pas ngijakah tangge batas sawah nye ngah sawah jeme badahe dedakni…, nininge ngajak cucunge betigetu…beghadu kudai di pucuk batu libagh…pinggir sawah tu.
Ape lade cucung sampai kesawah ini…kate nining, mpai duduk beghadu di pinggir batu libagh tu…belum nek, kate cucung barunye, sambil cangighat ngambin Beghunang, ye lah disebutkah tadi segale ade isinye….aku la hade keataghan sawah ini, anye belum sampai ke sawah ini, kate cucung nge…ye mapai masuk keghumah itu…au tuape cung…sawahni rengkuh, kinailah seghut kiamat, tuape amu beguyur Alhamdulillah, kami ngah neneng bughagh kamu die masih idup dikale, teguyur kilah njawatnye, luk itulah pule ndung Yati ni, lame pule disawah….ndiam saje Daluk ni nengahi nininge becelatu…Anye tepikir di Daluk name lengkapnye Darmudin, biasenye didusun di pantau Daluk. …ai..ai, langkah libaghe sawah mah Yati…lukmane nggawikanye tini…, lah dikicikkanye li endung Daluk, waktu ndak ngawinkah die tu, bahwe sawah mah Yati tu, libagh palang…kabah kalu masuk kehumah itu, dide pacak malas-malas, jurainyetu jeme galak ngaguk…jangan kabah luk masih disini, bepak kulu kiligh ndik keruan aguaan…, tehingat li Daluk, pesan endunge, nampaknye nguknian gale, tuturan endunge ni….lah teghase rendut ndak ngadapi sawah tunggu tubang, lah tepikir li die, ye namenye tungu tubang sawah ndak dijawat, dide pacak diparukah kapuh,..akh pikir Daluk, ngape jeme jadi gale, kelelah mikirkanye…ye penting aku lah sampai kesawah, badahku nian, sambil njeling ngah Yati…ye dide ngumung dikit kilah,…anye belum begahni nian ndak becerite…masih maluan ade niningeni, paling-paling nengul adinye ye ngikut kesawah tadi…ye nenancat sambil belaghi-laghi pinggir siring, Lis…jangan gacangige kabah bejalantu kalu telabuh…masuk siring dalamtu kele…anye belum nian die galak ngumung ngah Daluk, pecaknyetu maluan saje, biaselah jeme masih budak gale, maklum pule care adat besingkuh, duduk parak saje ndik behani kalu ade jeme lain…namenye masih kecik…lah bepadik.
Seakali-sekali Daluk, betanye ngah nininge, sape tuan pisangantu nek…rupanye dibawah utan daghat sawahtu ade kebun pisang,…itu masih punye cucung…itulah ye galak ku kurusahi kesawah, sambil nulungi ndung Yati ni njawat, aku mbuat kebunan pisang,…yak ning neman kebun kamutu..libagh titu, dide cung didikit titu, kate nininge, padahal memang libagh ndik ukuran jeme dusun, lah ndak seliabgh lapangan bula kaki, anye agak tebing…anu cung, kate nininge agi, titu ndik peringkih parak sawah nilah, mangke die bersih pinggir-pinggir tu…kale pisangtu bebuah banyak…la hade jeme nganduninye ndak beli buahnye…dide aku ngambine agi kedusun…kele teserah ngah cucung, ape ndak dibawe kedusun, ape jeme nganduninye teserah…aku lah kuniatkah nian kalu lah sampai ngantat cucung, dide agi aku ndak ngusrusnye…uruslah li cucung tulah ngah Yati…Ai, pikir Daluk, belukak niningni duitnye pasti banyak titu…mahal benagh pisang didusun mbak kini aghi…awu mbak kini la hade gale regenye…lain luk jaman bapang kite dulu, pisang sampai busuk di tandan dide temakan agi, jeme minta jarang…tuape ade gale batange…ngah ndak batak kedusun regenye murah palang…dide beregelah…kalu pisang standan dide cukup ndik beli rukuk Kaisir…sebungkus. Besambung
Bagian Pertame jak di lime Tulisan…..!
Biase care adat dusun, kalu lah udim nagwinkah (nikah) pengantin baru ye ngambik tunggu tubang dide kah lame ige didusun, kire-kire tige aghi paling lame seminggu, sampai seminggu tu kalau ade apik jurai sudat ye baguaan pule, kalu dik bedie nelah tige aghi tulah lah di antat kesawah kah diajung nunggu dangau disitulah die badahae, ngah ini ciri khas adat marge semende ye sampai mbak kini belum banyak ige ye beghubah, kalu die ngambik tunggu tubang.
Biasenye selame ini ye nunggu dangau tu bapange ngah endunge, ngah ading-adinge kalu ade ye masih kecik, kalu ade kakange ye bughagh badahe didusun nunggu ghumah, itu kalu die belum pule ngambik bagian, kalu lah ngambik bagian lah lain pule lah dibadah ghumah binenye. Kalu anak tue betinenye anak bungsu mungkin saje banyak kakang-kakange ye bughagh itulah ye lah masuk keghumah jeme tadi. Kebetulan ye ndak diatan kesawah ni, tunggu tubang anye umurnye masih temasuk mude mpuk pengantin bughag masih perangkat mude pule, apelagi pengantin betine, empai tamat sekulah SD, belum nerime ijazah. Empuk itu pule ye bughagh empai tamat MTS due tahun ye udim, anye dide nyambung agi, die ni diajung li bapange ngaji kepesantren iligh dusun tulah. Karne lah dapat judoh ye dicakaghkah li niningnge ndak ngambik tungu tubang pewarisan adat marge ye paling terhurmat, dikatekah terhurmat care adat kalu anaknye dide sekulah agi lah ndak antatulah keghumah jeme tunggu tubang tadi, mpai dikatekah jemetu wah gerut, kalu dide pacak diupatkah jeme dusun laman dide benapsu ngah dide tetunggu dusun laman.
Nah…bunting ye kite sebutkah tadi, pas tige malam udim kawin (nikah) lah besiap segumahtu ndak ngantatnye kesawah badahe nian ye lah tejadi turun temurun mulai jak dipuyange dikale sampai ngah bagian die mbak kini. Kebetulan ye bunting betine ni masih ade nining betine, ngah adding daghenye ye kecik kire-kire umur Sembilan tahun masih kelas tige sekulah Ibtidaiyah, tuape lah disiapkalah gale peranggian ndik nunggu dangau tadi peralatan serbu semanting, muai jak digule, minyak tanah sampai ngah pirang palak batu adegale. Kalu beghas ngah raman gulai tuape la hade gale diswah tanaman nininge di kebun Pisang kualian daghat sawah, nenege ni ye rajin kiamat, betanaman tu.
Udim makan akap, kire-kire jam tujuh lah udim bepenyap dughumah, berangkatlah jeme beempat tadi kesawah, sawahnye ni dide amu jauhnian masih sependedakan ngha dusun seberang aik suban ye galak ngampuh saje tu, kalu musim ujan lah rawang, anye kalu musim kemahaw ayiknye lah ndak abis tinggal batu tulah cerungkuk mungkuk. belum sejam lah lah sampai kesawah, nah kate nininge inilah cung…sawah mah cucung…badah nining dikale luk kamu nilah kami diantat li nduk…waktu kami njadi ngah nining bugahg kamu…entah behape tahun kami disawah ni…sampai nggilir ngah cucung bedue. Terus cerucus nininge ngumung pas ngijakah tangge batas sawah nye ngah sawah jeme badahe dedakni…, nininge ngajak cucunge betigetu…beghadu kudai di pucuk batu libagh…pinggir sawah tu.
Ape lade cucung sampai kesawah ini…kate nining, mpai duduk beghadu di pinggir batu libagh tu…belum nek, kate cucung barunye, sambil cangighat ngambin Beghunang, ye lah disebutkah tadi segale ade isinye….aku la hade keataghan sawah ini, anye belum sampai ke sawah ini, kate cucung nge…ye mapai masuk keghumah itu…au tuape cung…sawahni rengkuh, kinailah seghut kiamat, tuape amu beguyur Alhamdulillah, kami ngah neneng bughagh kamu die masih idup dikale, teguyur kilah njawatnye, luk itulah pule ndung Yati ni, lame pule disawah….ndiam saje Daluk ni nengahi nininge becelatu…Anye tepikir di Daluk name lengkapnye Darmudin, biasenye didusun di pantau Daluk. …ai..ai, langkah libaghe sawah mah Yati…lukmane nggawikanye tini…, lah dikicikkanye li endung Daluk, waktu ndak ngawinkah die tu, bahwe sawah mah Yati tu, libagh palang…kabah kalu masuk kehumah itu, dide pacak malas-malas, jurainyetu jeme galak ngaguk…jangan kabah luk masih disini, bepak kulu kiligh ndik keruan aguaan…, tehingat li Daluk, pesan endunge, nampaknye nguknian gale, tuturan endunge ni….lah teghase rendut ndak ngadapi sawah tunggu tubang, lah tepikir li die, ye namenye tungu tubang sawah ndak dijawat, dide pacak diparukah kapuh,..akh pikir Daluk, ngape jeme jadi gale, kelelah mikirkanye…ye penting aku lah sampai kesawah, badahku nian, sambil njeling ngah Yati…ye dide ngumung dikit kilah,…anye belum begahni nian ndak becerite…masih maluan ade niningeni, paling-paling nengul adinye ye ngikut kesawah tadi…ye nenancat sambil belaghi-laghi pinggir siring, Lis…jangan gacangige kabah bejalantu kalu telabuh…masuk siring dalamtu kele…anye belum nian die galak ngumung ngah Daluk, pecaknyetu maluan saje, biaselah jeme masih budak gale, maklum pule care adat besingkuh, duduk parak saje ndik behani kalu ade jeme lain…namenye masih kecik…lah bepadik.
Seakali-sekali Daluk, betanye ngah nininge, sape tuan pisangantu nek…rupanye dibawah utan daghat sawahtu ade kebun pisang,…itu masih punye cucung…itulah ye galak ku kurusahi kesawah, sambil nulungi ndung Yati ni njawat, aku mbuat kebunan pisang,…yak ning neman kebun kamutu..libagh titu, dide cung didikit titu, kate nininge, padahal memang libagh ndik ukuran jeme dusun, lah ndak seliabgh lapangan bula kaki, anye agak tebing…anu cung, kate nininge agi, titu ndik peringkih parak sawah nilah, mangke die bersih pinggir-pinggir tu…kale pisangtu bebuah banyak…la hade jeme nganduninye ndak beli buahnye…dide aku ngambine agi kedusun…kele teserah ngah cucung, ape ndak dibawe kedusun, ape jeme nganduninye teserah…aku lah kuniatkah nian kalu lah sampai ngantat cucung, dide agi aku ndak ngusrusnye…uruslah li cucung tulah ngah Yati…Ai, pikir Daluk, belukak niningni duitnye pasti banyak titu…mahal benagh pisang didusun mbak kini aghi…awu mbak kini la hade gale regenye…lain luk jaman bapang kite dulu, pisang sampai busuk di tandan dide temakan agi, jeme minta jarang…tuape ade gale batange…ngah ndak batak kedusun regenye murah palang…dide beregelah…kalu pisang standan dide cukup ndik beli rukuk Kaisir…sebungkus. Besambung
Komentar
Posting Komentar