“KI JERABUN SAKTI JAK DI DUSUN….?”
“KI JERABUN SAKTI JAK DI DUSUN….?”
Gi kecik dikale, lah lupe-lupe ingat anye pernah dengagh cerite “Ki Jerabun” ape nduk ceritekanye ape jeme lain, ye jelas didusun ade jeme gerot ye diadakah “Jerabun”, kire-kire manusie nyentriklah kalu base mbak kini aghi ye ngatekah jerabuntu keramat, itulah mangke tulisan jerabun di judul ceritenyetu ku tambah awalnye ngah “Ki” mangke lemak mabcenye, ngah ngurmati jeme tuwe, sebenarnye didusun dik bedie panggilan “Ki”, ndak bughagh nadak betine kalu lah tuwe dipanggil “ninik” gale, nyentriktu base lain pule ye tepat “nyelih” kalu dikina’i kelakuannye ngah tampilanye saghi-aghi di dusun laman, bebeda ngah jeme kebanyakan nah itulah keselihanye.
Ki Jerabun tu dide pule keruan nian ape namenye jak di kecik, ape pengadakanye saje. Ye jelas Ki Jerabun tu bughag jak dikecik sampai tuwe tinggal di dusun tula, iye dide semegi ngah jeme banyak alias nyelih tu, cirinye gumbak’e panjang kiamat, luk ndak nyerapah ketanah anye kurang dikit, pas ngah tumite. Ghumbak panjangnye tu sesekali ligatkanye luk betine besanggul, cerite jeme banyak pule kutu digumbaknyetu, sengaje diternakanye, heheheh…entah nguknian ape tambahan jeme saje. Entah dibesak-besakah ceritenye, …kalu ade kutunye ye umban die ambiknye agi, pikanye ke gumbak’e, kalu ditanyekah ngah ye besangkutan…ngape luk itu nik…, nakanlah kalu kutu lah umban…kate nenek Jerabun, oi cung ghumbak tu ghumah kutu, ngape kite ngusir tu benyeawe, di ghumahnye…dide benagh kabahni, kualat…, cukah kabah kalu diusir jeme, digumah kabah diwik, pacak ngamuk…, luk itu pule kutu ni, sambil diputighinye kuktu-kutu tu pikkanye agi sikuk-sikuk, …digumbaknye ye panjang ngah ikal tu kemane badahe agi kalu lah dicapakah, kate Jerabun agi, …hah... tekejut bujang ye batanye tadi… ai..kate bujang …dide nian waras ninik ni, pantas diadakah jeme Ki jerabun cis-cis, ade saje jawabanye,… ade pule ceritenye…Ki Jerabun…marahai budak kecik ye…meghuja’i sangkagh semut bawah salangan puntung…, jangah kabah gurak semut tu…diyetu ndak beghadu disangkaghe…payah semut tu…mbuat ghumah…kabah saje dide pacak mbuat ghumah, semuat lah begumah iluk ndak kabah rusak…kisitlah kabah disitu…tuape kalu budak kecik, dide ditengul saje li Ki Jerabun lah Takut…ape lagi di ajung kisit, nitiran belaghi ketakutan.
Bujang ni sebenarnye dide pule keruan Ki jerabun tu namenye ape pengadakanye saje, biaselah jeme didusun …banyak ye diadak-adakah, ade ye diadakah Gubir, ade diadakah ko’ok, ade pule ye diadakah kemenyar…titu adegale retinye, kalu jeme kughus diadakan Duncul, kale jeme bunguk buntak diadakah “drum tentak”, kalu ndak ngumung saje diadakah “ngerucak”, hampir sedakde jeme tue adegale pengadakannye, kalu die pacak nukang diadakan “nganimar”, kalau jeme nakal galak maling, jayeh, macam-macamlah kerje ye dik iluk diadakah “jabalan” atau “bertih”… kalu luk itu mungkin Jerabun tu namenye nian, name jeme bahaghi ye ndik keruan li kite tuape retinye.
kerjenye Ki Jerabun ni, ye nyelih lainye, ngah jeme banyak di dusun ni, jeme banyakni, tuape kebanyaan masih mbatang aguk, akap subuh lah kemelecaghan dalak kerje, ade kesawah, kekebun, ye bedagang lah nyiapkah daganganye, ye ndak dibatak kalangan saghini, ye guru lah siap-siap ndak pegi ngajar, ye jeme tuwe lah pekir banyaktu lah ndak beguyur tughun jak dighumah ndak bejemuw aghi dipinggir jalan besak lah ndak ngambin mataghi, alias bejemugh aghi…, macam-macamlah kualghan jeme didusun, pokoknye perisuk tiap aghi, ade saje ndak digawikah, paling keciknian pengawianye nyighati kandang buluh…parak ghumah, itulah mangke jeme dusun tu temasuk seluruh dusun di semerge angat tu, ngease rugi nian kalu ndik ngaguk, pokok’e banyak rubitanye, kale base kite mbak kini aghi didusun dikatekah jeme “kerencal”, kadang-kadang ade pule ye ngatekah jeme dusun tu diadakah jurai ilok kalu galak majuh tanah, artinye jeme benapsu bukan bekunyah masukah tanah kemulut, pacak bengkelan, kalu majuh tanah nian, maksudnye ndak bagawi saje. ye pemalas ngah budi pacalan, masih ade juge biasenye jeme lah ngaguk gale, die masih begelung dibadah tiduk besehungkup ngah bente tebal. Empai cuguk di tiduk lah jam Sembilan, mpai semimbung selimut gantung pegi ke ayik pancuw behusap, dide pule kah mandi, alasanye dingin, awu die kalu didusun bawah gunung dingin die, anye jeme luk itulah gale.
Ki Jerabun tu, mpuk la tuwe memang agak aneh, dide die galak ngambin mataghi, luk batin tuwe penunggu dusun tu, kalu akhi lah siang kebiaseannye bejalan beulu-beilighan, belembak-bedhaatan ngelilingi Dusu ye libagh palang tu…, anye pas sampai di muke Mesjid besak tu, beghadu die tu, cungak ke menare tinggi, entah tuape dibacenye, kemimut, mungkin bedu’a…mangke ngelipat agi balik keghumahnye. Anye kalu pas aghi kalangan die lum sate balik ngguk kalangan lah lebar, biasenye die di kalangan mbeli gunjing, ape kecepul, pukoknye makananlah, die beli dide dikit takaranye se bakul, kalu die dang makan jangan nian dipintai li budak kecik, pacak di liyuwinye, nangkanlah die makan…biaselah budak kecik, kalu tekinak ngah jeme makanan katah, dipintainye tulah…anye jeme banyak lah paham gale dide kah dipintai, kalu dide dipintak, dikina’i saje diye majuh…, sate budak kecik lalu wah depan dayinye, dienjukinye gale, sape kilah pegi titu, kalu ade ye belum ghulih belikanye agi, entah pule dimane pule Ki jerabun ghulih duit, ngaguk dide, bedagang dide, anye duitnye banyak, tiap kalangan belanje katah palang, belanjenyetu dibagi-bagikanye pule ngah budak kecik…kalu warisan bapange entahlah…?
Kalu bejalan akap tu hampir tiap akhi die gawikah, kalau dide ujan lah tentu nian die bejalan saje, ngah pule dide tedengagh Ki Jerabun tu bidapan, mungkin karne dietu bejalan tiap akap, same ngah jeme mbak kini, namenye ulah rage. Tuape Ki jerabuntu dide bedie pengawaian luk jeme banyakni, ye bekerje kalu lah siang kesawa atu kekebun, dietu nunggu dusun tulah, lah sampai tue dide beanak-bebini, idup sughang, wajar saje kalu didusun dide kah laku kalu bugagh bejebai dide pernah begunting, entah ape mandi-ape didie dide pule keruan nian liku ceritenye.
Nenek Jerabuntu kire-keri lahir tahun dibawah tahun 1900 lah, ini terkaan saje, karne pas ade penyakit wabah “cacar” kalu didusun dikatekah penyakit “Wabak” ye nyerang dusun itu dikale, ye masih ade tande-tandenye jeme kene penyakit itu biase digelari DRS. (Dayi Regik Sabal), nah…itulah jangan bangga nian jeme mbak kini begelar Drs. Itu engkas penyakit wabak (maaf jangan tesinggung, kalu ade ye luk itu, bukan ncelakekah ndak jelas kanye saje ngah istilah itu belaku di dusun saje, ye waktu itu dide bedie begelar sekulahan), penyakit wabak ni di dusun ye banyak jeme matik tu kire-kire abis PKI, tahun 1965/1966, Ki Jerabun lah masuk tue lah anye masih gagah, masih bejalan kulu-kiligh luk gawinye selame ini. Apeagi aku dide nian kah keruan ughange, mpuk aku lah lahir mpai bebulanan belum kah umur setaun. Itulah mangke aku anye pacak ceritekanye saje, ape nguk nian ape dide, dide keruan liku, anye ingatanku masih nyambar angin, samar-samar kire-kire luk itulah, jadi kalu adik sanak ade cerite ye lain ngah bebeda ngah kutulisni gila ditambahi cerite aku ni, atau di elukilah, ye mane ye benagh.
Tuape pule kesaktian Ki Jerabun tu…nah inilah ye ndak kuceritekah ngah adik sanak sedakdenye, lah kukatekah kisah dipangkal tadi…bahwe aku dapat ceriteni Cuma mucung saje, alias ngingat-ingat cerite waktu dikecik dikale, dikisahkah li jeme becerite tu…dusun ye badah kelahiran jerabun sampai die matik pernah kemutungan besak, setak dusun abis, mulai jak dipucuk tebing sampai simpang tige tengah dusuntu…rate ngah tanah di pajuh api. mase itu jerabun masih gagah, masih ulu iligh, luk dululah…pas api besak lah ndak sampai kesimpang tige tengah dusun, tegaklah Ki jerabun tu di tengah-tengah simpang tu… entah tuape dibacenye...pukunye die kemimut saje luk dukun banyakni, sambil ngentang pinggang alis becakak pinggang anye dide luk jeme bedua ngangkat tangan… ntah karne ade baceannye, ape ade musabab lain, ngape apitu dide pacak melaui simpangtu…ape angin lah behubah arah…pokoknye pas sampai simpang tige tengah dusuntu apitu lah ngecik ngejut…dide pacak nyeberang jalan…pindiknye ye ghumah kemutungantu mulai dari badah betegak Ki Jerabun beghilighan abis jadi aghang ngah abu, tinggal beghamburan sing bughuk ngah besi-besi lah luk kerupuk gale, warnenye lah ngalih itam, kalu ye sebangse kayu dide nian bedie agi ye betegak.
Ade juge batin ye beghani nengulnye, waktu die tegak disimpang tigetu…oi Ki Jerabun njauhlah disitu, kalu sambare li api tu…abis ghumbaktu kele…tuape kalu ditengul, Ki Jerabun ade gale jawabannye…apitu dide ndak njujul jeme…ndak ngbisi ghumah saje…dikah pacak die melalui aku tegakni…jeme lain dide pule nengule agi, lah keruan li jeme banyakni, dide pacak ditengul titu ndak kendak’e saje, kalu ditengul tambah di lawanye, kalau didiamkah saje beghadu diwik diye tu.
Kalu ditelusuri nian pejalanan Ki Jerabun, sebenarnye biase-biase saje dide bedie ye pacak dijadikah alasan kalu Ki Jerabun jeme sakti apelagi keramat, bedah ngah cerite-cerite jak di jawe sane, biasenye jeme sakti tu digambarkah, pernah betapa, keturunan wali atau dapat wangsit, sampai mbak kini aghi aku belum dapat cerite ye luk itu, entah kalu ade cerite lain. Lagi pule kalau dalam akidah Islam dide ditemukah ade unsur-unsur syirik di tampilkah li Ki Jerabun, anye nyelih saje. Aku dide pule dapat ceritenye apekah Ki Jerabun ni ngerjekah kewajiban luk didusun tu paling banyak ye taat agame ngah ibadat dide tinggal. Entahlah…mungkin kalu di cerite jawe kire-kire mirip luk cerite syech Siti Jenar atu Lemah Abang… atau Ki Saridin di Jawe, mpuk dide sehibat itu nian, kire-kire gambaranye luk itulah.
Bagi kite ye beagame, sebenarnye gampang saje ndak nginai kelakuan Ki Jerabun ni sesat ape dide, kalu die njalankah ajaran ageme sesui pentujuk ye benagh dide nambah apelagi ngurangi syariat, bearti Ki Jerabun jeme iluk, anye kalu lah ngurangi empuknye pule lah nambahi ye diajarkan oleh baginde Rasulullah, berarti lah nyimpang, kalu dide gile berarti dietu syirik, ini perlu ditelusuri asat-asat nian.
Ai…mungkin wajar saje, dide pacak melalui simpang tige tu, karne ade batas jalan, dide tejilat li api, kalu itu alasanye dide tepat, karne sekitar empat buah ghumah beghilighan ade simpang tige pule…batas jalanye lebih libagh, masih dilaluinye li api, ghumah empat ijatu angus pule…nah disinilah keanehanye…ngape titu…? yak aku dide pacak jelaskanye…anye bebehape tahun ye lalu kire-kire due puluh tahun yang lalu ghumah bahaghi, masih ade di ulu simpang tige tu, kalu ndik salah ade tige buah ghumah…ghumahnye persis luk ghumah minang ye penjughingnye tinggi kiamat…anye sayang ghumahtu lah dibungkar…diiluk’i…anye dirubah bentuk baru…ghumah lame tu abis pule…bukan karne kebakaran anye dibungkar saje…sayang kalu menurut aku…tapi luk mane ghumah jeme…alasanye payah ngatapinye…tinggi palang…entahlah tanyekah ngah ye besangkutan, masih idup anak cucunge.
Nah adik sanak, ceitenye masih banyak…luk Ki Jerabun mbuat saung di jerambah bidit…, Ki Jerabun nyetop mobil Belande juge ade ceritenye, waktu Ki Jerabun mati…ade empat puluh oghang pule jeme dusuntu mati sehempak, kele aku ceritekah agi, ini mpai pembukannye saje…besambung
Gi kecik dikale, lah lupe-lupe ingat anye pernah dengagh cerite “Ki Jerabun” ape nduk ceritekanye ape jeme lain, ye jelas didusun ade jeme gerot ye diadakah “Jerabun”, kire-kire manusie nyentriklah kalu base mbak kini aghi ye ngatekah jerabuntu keramat, itulah mangke tulisan jerabun di judul ceritenyetu ku tambah awalnye ngah “Ki” mangke lemak mabcenye, ngah ngurmati jeme tuwe, sebenarnye didusun dik bedie panggilan “Ki”, ndak bughagh nadak betine kalu lah tuwe dipanggil “ninik” gale, nyentriktu base lain pule ye tepat “nyelih” kalu dikina’i kelakuannye ngah tampilanye saghi-aghi di dusun laman, bebeda ngah jeme kebanyakan nah itulah keselihanye.
Ki Jerabun tu dide pule keruan nian ape namenye jak di kecik, ape pengadakanye saje. Ye jelas Ki Jerabun tu bughag jak dikecik sampai tuwe tinggal di dusun tula, iye dide semegi ngah jeme banyak alias nyelih tu, cirinye gumbak’e panjang kiamat, luk ndak nyerapah ketanah anye kurang dikit, pas ngah tumite. Ghumbak panjangnye tu sesekali ligatkanye luk betine besanggul, cerite jeme banyak pule kutu digumbaknyetu, sengaje diternakanye, heheheh…entah nguknian ape tambahan jeme saje. Entah dibesak-besakah ceritenye, …kalu ade kutunye ye umban die ambiknye agi, pikanye ke gumbak’e, kalu ditanyekah ngah ye besangkutan…ngape luk itu nik…, nakanlah kalu kutu lah umban…kate nenek Jerabun, oi cung ghumbak tu ghumah kutu, ngape kite ngusir tu benyeawe, di ghumahnye…dide benagh kabahni, kualat…, cukah kabah kalu diusir jeme, digumah kabah diwik, pacak ngamuk…, luk itu pule kutu ni, sambil diputighinye kuktu-kutu tu pikkanye agi sikuk-sikuk, …digumbaknye ye panjang ngah ikal tu kemane badahe agi kalu lah dicapakah, kate Jerabun agi, …hah... tekejut bujang ye batanye tadi… ai..kate bujang …dide nian waras ninik ni, pantas diadakah jeme Ki jerabun cis-cis, ade saje jawabanye,… ade pule ceritenye…Ki Jerabun…marahai budak kecik ye…meghuja’i sangkagh semut bawah salangan puntung…, jangah kabah gurak semut tu…diyetu ndak beghadu disangkaghe…payah semut tu…mbuat ghumah…kabah saje dide pacak mbuat ghumah, semuat lah begumah iluk ndak kabah rusak…kisitlah kabah disitu…tuape kalu budak kecik, dide ditengul saje li Ki Jerabun lah Takut…ape lagi di ajung kisit, nitiran belaghi ketakutan.
Bujang ni sebenarnye dide pule keruan Ki jerabun tu namenye ape pengadakanye saje, biaselah jeme didusun …banyak ye diadak-adakah, ade ye diadakah Gubir, ade diadakah ko’ok, ade pule ye diadakah kemenyar…titu adegale retinye, kalu jeme kughus diadakan Duncul, kale jeme bunguk buntak diadakah “drum tentak”, kalu ndak ngumung saje diadakah “ngerucak”, hampir sedakde jeme tue adegale pengadakannye, kalu die pacak nukang diadakan “nganimar”, kalau jeme nakal galak maling, jayeh, macam-macamlah kerje ye dik iluk diadakah “jabalan” atau “bertih”… kalu luk itu mungkin Jerabun tu namenye nian, name jeme bahaghi ye ndik keruan li kite tuape retinye.
kerjenye Ki Jerabun ni, ye nyelih lainye, ngah jeme banyak di dusun ni, jeme banyakni, tuape kebanyaan masih mbatang aguk, akap subuh lah kemelecaghan dalak kerje, ade kesawah, kekebun, ye bedagang lah nyiapkah daganganye, ye ndak dibatak kalangan saghini, ye guru lah siap-siap ndak pegi ngajar, ye jeme tuwe lah pekir banyaktu lah ndak beguyur tughun jak dighumah ndak bejemuw aghi dipinggir jalan besak lah ndak ngambin mataghi, alias bejemugh aghi…, macam-macamlah kualghan jeme didusun, pokoknye perisuk tiap aghi, ade saje ndak digawikah, paling keciknian pengawianye nyighati kandang buluh…parak ghumah, itulah mangke jeme dusun tu temasuk seluruh dusun di semerge angat tu, ngease rugi nian kalu ndik ngaguk, pokok’e banyak rubitanye, kale base kite mbak kini aghi didusun dikatekah jeme “kerencal”, kadang-kadang ade pule ye ngatekah jeme dusun tu diadakah jurai ilok kalu galak majuh tanah, artinye jeme benapsu bukan bekunyah masukah tanah kemulut, pacak bengkelan, kalu majuh tanah nian, maksudnye ndak bagawi saje. ye pemalas ngah budi pacalan, masih ade juge biasenye jeme lah ngaguk gale, die masih begelung dibadah tiduk besehungkup ngah bente tebal. Empai cuguk di tiduk lah jam Sembilan, mpai semimbung selimut gantung pegi ke ayik pancuw behusap, dide pule kah mandi, alasanye dingin, awu die kalu didusun bawah gunung dingin die, anye jeme luk itulah gale.
Ki Jerabun tu, mpuk la tuwe memang agak aneh, dide die galak ngambin mataghi, luk batin tuwe penunggu dusun tu, kalu akhi lah siang kebiaseannye bejalan beulu-beilighan, belembak-bedhaatan ngelilingi Dusu ye libagh palang tu…, anye pas sampai di muke Mesjid besak tu, beghadu die tu, cungak ke menare tinggi, entah tuape dibacenye, kemimut, mungkin bedu’a…mangke ngelipat agi balik keghumahnye. Anye kalu pas aghi kalangan die lum sate balik ngguk kalangan lah lebar, biasenye die di kalangan mbeli gunjing, ape kecepul, pukoknye makananlah, die beli dide dikit takaranye se bakul, kalu die dang makan jangan nian dipintai li budak kecik, pacak di liyuwinye, nangkanlah die makan…biaselah budak kecik, kalu tekinak ngah jeme makanan katah, dipintainye tulah…anye jeme banyak lah paham gale dide kah dipintai, kalu dide dipintak, dikina’i saje diye majuh…, sate budak kecik lalu wah depan dayinye, dienjukinye gale, sape kilah pegi titu, kalu ade ye belum ghulih belikanye agi, entah pule dimane pule Ki jerabun ghulih duit, ngaguk dide, bedagang dide, anye duitnye banyak, tiap kalangan belanje katah palang, belanjenyetu dibagi-bagikanye pule ngah budak kecik…kalu warisan bapange entahlah…?
Kalu bejalan akap tu hampir tiap akhi die gawikah, kalau dide ujan lah tentu nian die bejalan saje, ngah pule dide tedengagh Ki Jerabun tu bidapan, mungkin karne dietu bejalan tiap akap, same ngah jeme mbak kini, namenye ulah rage. Tuape Ki jerabuntu dide bedie pengawaian luk jeme banyakni, ye bekerje kalu lah siang kesawa atu kekebun, dietu nunggu dusun tulah, lah sampai tue dide beanak-bebini, idup sughang, wajar saje kalu didusun dide kah laku kalu bugagh bejebai dide pernah begunting, entah ape mandi-ape didie dide pule keruan nian liku ceritenye.
Nenek Jerabuntu kire-keri lahir tahun dibawah tahun 1900 lah, ini terkaan saje, karne pas ade penyakit wabah “cacar” kalu didusun dikatekah penyakit “Wabak” ye nyerang dusun itu dikale, ye masih ade tande-tandenye jeme kene penyakit itu biase digelari DRS. (Dayi Regik Sabal), nah…itulah jangan bangga nian jeme mbak kini begelar Drs. Itu engkas penyakit wabak (maaf jangan tesinggung, kalu ade ye luk itu, bukan ncelakekah ndak jelas kanye saje ngah istilah itu belaku di dusun saje, ye waktu itu dide bedie begelar sekulahan), penyakit wabak ni di dusun ye banyak jeme matik tu kire-kire abis PKI, tahun 1965/1966, Ki Jerabun lah masuk tue lah anye masih gagah, masih bejalan kulu-kiligh luk gawinye selame ini. Apeagi aku dide nian kah keruan ughange, mpuk aku lah lahir mpai bebulanan belum kah umur setaun. Itulah mangke aku anye pacak ceritekanye saje, ape nguk nian ape dide, dide keruan liku, anye ingatanku masih nyambar angin, samar-samar kire-kire luk itulah, jadi kalu adik sanak ade cerite ye lain ngah bebeda ngah kutulisni gila ditambahi cerite aku ni, atau di elukilah, ye mane ye benagh.
Tuape pule kesaktian Ki Jerabun tu…nah inilah ye ndak kuceritekah ngah adik sanak sedakdenye, lah kukatekah kisah dipangkal tadi…bahwe aku dapat ceriteni Cuma mucung saje, alias ngingat-ingat cerite waktu dikecik dikale, dikisahkah li jeme becerite tu…dusun ye badah kelahiran jerabun sampai die matik pernah kemutungan besak, setak dusun abis, mulai jak dipucuk tebing sampai simpang tige tengah dusuntu…rate ngah tanah di pajuh api. mase itu jerabun masih gagah, masih ulu iligh, luk dululah…pas api besak lah ndak sampai kesimpang tige tengah dusun, tegaklah Ki jerabun tu di tengah-tengah simpang tu… entah tuape dibacenye...pukunye die kemimut saje luk dukun banyakni, sambil ngentang pinggang alis becakak pinggang anye dide luk jeme bedua ngangkat tangan… ntah karne ade baceannye, ape ade musabab lain, ngape apitu dide pacak melaui simpangtu…ape angin lah behubah arah…pokoknye pas sampai simpang tige tengah dusuntu apitu lah ngecik ngejut…dide pacak nyeberang jalan…pindiknye ye ghumah kemutungantu mulai dari badah betegak Ki Jerabun beghilighan abis jadi aghang ngah abu, tinggal beghamburan sing bughuk ngah besi-besi lah luk kerupuk gale, warnenye lah ngalih itam, kalu ye sebangse kayu dide nian bedie agi ye betegak.
Ade juge batin ye beghani nengulnye, waktu die tegak disimpang tigetu…oi Ki Jerabun njauhlah disitu, kalu sambare li api tu…abis ghumbaktu kele…tuape kalu ditengul, Ki Jerabun ade gale jawabannye…apitu dide ndak njujul jeme…ndak ngbisi ghumah saje…dikah pacak die melalui aku tegakni…jeme lain dide pule nengule agi, lah keruan li jeme banyakni, dide pacak ditengul titu ndak kendak’e saje, kalu ditengul tambah di lawanye, kalau didiamkah saje beghadu diwik diye tu.
Kalu ditelusuri nian pejalanan Ki Jerabun, sebenarnye biase-biase saje dide bedie ye pacak dijadikah alasan kalu Ki Jerabun jeme sakti apelagi keramat, bedah ngah cerite-cerite jak di jawe sane, biasenye jeme sakti tu digambarkah, pernah betapa, keturunan wali atau dapat wangsit, sampai mbak kini aghi aku belum dapat cerite ye luk itu, entah kalu ade cerite lain. Lagi pule kalau dalam akidah Islam dide ditemukah ade unsur-unsur syirik di tampilkah li Ki Jerabun, anye nyelih saje. Aku dide pule dapat ceritenye apekah Ki Jerabun ni ngerjekah kewajiban luk didusun tu paling banyak ye taat agame ngah ibadat dide tinggal. Entahlah…mungkin kalu di cerite jawe kire-kire mirip luk cerite syech Siti Jenar atu Lemah Abang… atau Ki Saridin di Jawe, mpuk dide sehibat itu nian, kire-kire gambaranye luk itulah.
Bagi kite ye beagame, sebenarnye gampang saje ndak nginai kelakuan Ki Jerabun ni sesat ape dide, kalu die njalankah ajaran ageme sesui pentujuk ye benagh dide nambah apelagi ngurangi syariat, bearti Ki Jerabun jeme iluk, anye kalu lah ngurangi empuknye pule lah nambahi ye diajarkan oleh baginde Rasulullah, berarti lah nyimpang, kalu dide gile berarti dietu syirik, ini perlu ditelusuri asat-asat nian.
Ai…mungkin wajar saje, dide pacak melalui simpang tige tu, karne ade batas jalan, dide tejilat li api, kalu itu alasanye dide tepat, karne sekitar empat buah ghumah beghilighan ade simpang tige pule…batas jalanye lebih libagh, masih dilaluinye li api, ghumah empat ijatu angus pule…nah disinilah keanehanye…ngape titu…? yak aku dide pacak jelaskanye…anye bebehape tahun ye lalu kire-kire due puluh tahun yang lalu ghumah bahaghi, masih ade di ulu simpang tige tu, kalu ndik salah ade tige buah ghumah…ghumahnye persis luk ghumah minang ye penjughingnye tinggi kiamat…anye sayang ghumahtu lah dibungkar…diiluk’i…anye dirubah bentuk baru…ghumah lame tu abis pule…bukan karne kebakaran anye dibungkar saje…sayang kalu menurut aku…tapi luk mane ghumah jeme…alasanye payah ngatapinye…tinggi palang…entahlah tanyekah ngah ye besangkutan, masih idup anak cucunge.
Nah adik sanak, ceitenye masih banyak…luk Ki Jerabun mbuat saung di jerambah bidit…, Ki Jerabun nyetop mobil Belande juge ade ceritenye, waktu Ki Jerabun mati…ade empat puluh oghang pule jeme dusuntu mati sehempak, kele aku ceritekah agi, ini mpai pembukannye saje…besambung
Komentar
Posting Komentar