CERITE RAKYAT NAGE DEDAUP Edisi ke-27
“Persiapan Belage Tanding Nage Dedaup Ngah Nage Musi”
Pengantar Redaksi:
Adik sanak sekalian, mohon maaf cerite rakyat “Nage Dedaup” mapai pacak aku teruskah agi, maklum selame bulan puse aku dide sempat nulis cerite ye luk ini, aku banyak nulis ye bekaitan ngah ibadah wajib kite sebulan tu, terakhir aku tulis edisi ke-26 tanggal 29 Mei 2016 ye lalu. Nah mpai aku teruskah ceritenye, selamat menikmati kisah-kisah selanjutnye.
Ini Ceritenye:
Luk lah kuceritekah ditulisan ye mpai udim, Pangeran Nage Dedaup, mangke teghingat dikit ku kutipkah pangkal ceritenye …”Di edisi ye lalu, ritual nyambut ilmu tungkat sulaiman mpai udim sebabak ye tapa beghendam, babak ini kah diceritekah penggawian kedue Puase Tapa Geni, berupe duduk begelung di daratan sambil mbacekah mantera-mantera ye ade di buku sighat tungkat sulaiman Bab kedue halaman 1323, dalam buku itu termaktub bahwe, paling lame Sembilan aghi biasenye lah dapat kekendaan berupe tungkat sakti ye dikendai.
Udim ngadekah tirakat atau tapa beghendam di lubuk nipis, ulu remantai pelaluan ndik ke Datagh Libagh bawah jemabatan gantung parak aik cughup, lah dapat ye dikekendai li Pangeran Nage Dedaup. Singkat kate lah lengkaplah ajian-ajian ye ndak dituntutnye tungkat sulaiman lah disimpannye, matera-mantera jak di Nage Senior lah diapalkannye gale, rasenye dik bedie agi ye ketinggalan ape lagi ilmu-ilmu kedikdayaan ye lah dikuasainye dari jak merantau di Amazon dikale, rasenye dikbedie agi kerendutan die nak ngadapi Raje Nage Musi ye tekenal Grut kiamat tu.
Anye Pangeran Nage Dedaup ni, bukan nage semabarangan luk nage senior dulu, ye gagal gale ndak jajal kesaktian nage musi ye karut majuh ngah sumbung kiamat tu, Nage Dedaup pelajirinye kudai sedakde riwayat kegagalan nage ye pernah betarung ngah Nage Musi, anye die ndik dapat petunjuk ye jitu, maklum nage-nage senior ye katenye lah jajal kesaktian nage Musi dibedie ye langsung behadapan, luk nage senior nage Ugan, mpai tekinak ngah ijat matenye lah bekawai ngajak pasukannye ngelipat ke sungai Komering, mbai itu pule Nage Inim, mpai kinaan ghinihe saje lah ngcimcim belaghi ketakutan besimbun di lubuk Bedegung, luk itu pule Nage Lematang, mpai tekinak ngah kumis nage Musi lah ngelipat pule jeghemun di lubuk Kebugh iligh Lahat.
Ai pikir Pangeran Nage Dedaup, luk mane aku ndak ngetahui kelemahan Nage Musi ye sekendaknye saje tu, percume saje kalu aku minta pendapat ngah nage-nage senior jak di ulu ni, nage-nage seniorni kicikannye saje gerut palang, ngangagh gale nage uluni pikir nage Dedaup. Kalau ndak minta petuah ngah bapang angkatnye di negeri Amazon sane jelas dide kah disetujuinye, karne nage Amazon ndik pernah nyetujui rencane ndak melawan nage penguase. Dang befikir ngah mirip ngelamun nage Dedaup teghingat ngah pepatah nage baghaghi dikale, kalu ndak ngalahkah musuh…”cakahi dimane die belajagh, tuape kebiasaannye atau keghemarannye, kebile die lingah, mpai keruan kelemahannye…” Ai…Pikir Nage Dedaup, ndka belajar sejarah keturunan nage musi kudai kalu luk itu…nage mane nian keturunan nage musi ni…
Mulailah nage Dedaup belajagh tembe nage musi, luk lah diceritekah ye lah udim, nage Dedaup ni keluaran sekolah luar negeri, kalu urusan cakhai tembe atau kalu base manusie ngadekah penelitian sejarah, lah biase dilakukannye, kalu sebangse manusie kire-kire kepintaran nage dedaup sekelas jeme hibat luk, Micail Paradi penemu listrik, Carles babange penemu kumputar, Al-Jarazi penemu Robot, Al-Kharizmi penemu logaritma dan al-jabar, Peter Henlien penemu jam tangan, Chai Lun penemu kertas, Pak Mujair penemu ikan Mujair, WC Rontgen penemu sinar Rontgen, sampai ngah penemu Facebook Mark Zuckerberg kire-kire sekelaslah ngah Nage Dedaup ye banyak penemuanye ye di terapkah didunie penagean ye dide pacak dirasekah li dunie manusie.
Dalam tembe nage Musi, berdasarkah penelusurannye ditemukalah bahwe Nage Musi keturunannye beasal dari darah Ci Tarum ngah Sungai Barito, nenenge ye betine beasal dari leluhur Kerajaan nage Sungai barito Kalimantan ngah ninig lanange keturunan Sungai (Ci) Tarum di tanah Jawe bagian ujung barat, bapange begelar Dalam Kitab Suawit-awit, dikisahkan bahwa Pangeran Penumbak Rase adelah anak ketige dari Prabu garrang yang menguasai Kerajaan Tujah Semidang Babat Tanah Jawe. Pangeran Penumbak Rase kemudian melanjutkan kepemimpinan ayahnya, Prabu garrang sebagai Raje Tujah Semidang Babat tanah Jawe. Di tengah memimpin kerajaan Tujah Semidang Babat Tanah Jawe, Prabu Penumbak Rase ghapat bekeliling ke berbagai penjuru mate angin. Suatu aghi die beghusik nyeberang lautan sampailah die ke daerah baru, dipilihnye badah betendak ye paling iluk, karene lame die becakagh mangke badehe betendaktu li anak buahe dinamekahlah daerah pilihan prabu, lame-kelamaan namenye beghubah Prabu milih atau sekarang disebut “Prabumulih”, Prabu Penumbak Rase dalam pesinggahannye betendak di daerah baru ngah sempat kawin ngah nage penguase setempat dari keturunan Laput Bente Hyang Sri Jayenage dan melahirkan keturunan nage ye die nameka Pangeran nage Musi, dinamekan Musi banyak ceritenye menurut legenda sewaktu permaisuri Pangeran Penumbak Rase, ngidam selalu ndak makan teluw ayam, entah karene kesaktian Pangeran Penumbak Rase atau kebetulan saje ayam peliharaanye selalu beteluw dide suti-sutik anye sempak sepuluh kadang-kadang bebelasan dalam base setempat kalau ayam banyak beteluw dinamakan Mu Ci, anye name anaknye dirubah dikit jadi Pengeran nage Musi, mungkin juge ndak ngingatkah keturunan dari nenenge jak dari sungai Barito ye juge disebut “Nangei Musini” berdasarkan bahasa asli Suku Bayan Bintang Ninggi di Kalimantan artinya Muara Musini, entahlah ini baru rekaan penulis saja, silahkan teliti yang benar.
Jadi nage Musi keturan jak diendunge masih keturunan penguase asli sungai musi leluhur Laput Bente Hyang Sri Jayenage sedangkan jak bapange beasal dari keturunan raje Sunda/Jawe yakni Parbu Penumbak Rase keturunan Parabu Garrang, jadi dari silsilah memang Pangeran nage Musi adelah titisan darah biru penagean nusantare, ai...kate nage dedaup wajar kalu luk itu nage musi ni grut kiamat lah mewarisi ilmu-ilmu kesaktian jak dimane-mane, kalu luk itu dide pacak sembarangan melawan die tu. Aku, kate nage dedaup ndak beguru kudai ngah Nage-nage penguase Ci Tarum ngah Penguase Barito, mangke pacak nginai tuape kelemahannye.
Yak…ning alalangkah lamenye…Pangeran Nage Dedaup, belum blage-blage ngah RaJe Nage Musi, kate kamu tadi ceritenye persiapan lah ndak belage…Au Cung kalu lah belage abis ceritenye….kele ku sambung agi.
Ceruk Kamar, 18 Juli 2016
“Persiapan Belage Tanding Nage Dedaup Ngah Nage Musi”
Pengantar Redaksi:
Adik sanak sekalian, mohon maaf cerite rakyat “Nage Dedaup” mapai pacak aku teruskah agi, maklum selame bulan puse aku dide sempat nulis cerite ye luk ini, aku banyak nulis ye bekaitan ngah ibadah wajib kite sebulan tu, terakhir aku tulis edisi ke-26 tanggal 29 Mei 2016 ye lalu. Nah mpai aku teruskah ceritenye, selamat menikmati kisah-kisah selanjutnye.
Ini Ceritenye:
Luk lah kuceritekah ditulisan ye mpai udim, Pangeran Nage Dedaup, mangke teghingat dikit ku kutipkah pangkal ceritenye …”Di edisi ye lalu, ritual nyambut ilmu tungkat sulaiman mpai udim sebabak ye tapa beghendam, babak ini kah diceritekah penggawian kedue Puase Tapa Geni, berupe duduk begelung di daratan sambil mbacekah mantera-mantera ye ade di buku sighat tungkat sulaiman Bab kedue halaman 1323, dalam buku itu termaktub bahwe, paling lame Sembilan aghi biasenye lah dapat kekendaan berupe tungkat sakti ye dikendai.
Udim ngadekah tirakat atau tapa beghendam di lubuk nipis, ulu remantai pelaluan ndik ke Datagh Libagh bawah jemabatan gantung parak aik cughup, lah dapat ye dikekendai li Pangeran Nage Dedaup. Singkat kate lah lengkaplah ajian-ajian ye ndak dituntutnye tungkat sulaiman lah disimpannye, matera-mantera jak di Nage Senior lah diapalkannye gale, rasenye dik bedie agi ye ketinggalan ape lagi ilmu-ilmu kedikdayaan ye lah dikuasainye dari jak merantau di Amazon dikale, rasenye dikbedie agi kerendutan die nak ngadapi Raje Nage Musi ye tekenal Grut kiamat tu.
Anye Pangeran Nage Dedaup ni, bukan nage semabarangan luk nage senior dulu, ye gagal gale ndak jajal kesaktian nage musi ye karut majuh ngah sumbung kiamat tu, Nage Dedaup pelajirinye kudai sedakde riwayat kegagalan nage ye pernah betarung ngah Nage Musi, anye die ndik dapat petunjuk ye jitu, maklum nage-nage senior ye katenye lah jajal kesaktian nage Musi dibedie ye langsung behadapan, luk nage senior nage Ugan, mpai tekinak ngah ijat matenye lah bekawai ngajak pasukannye ngelipat ke sungai Komering, mbai itu pule Nage Inim, mpai kinaan ghinihe saje lah ngcimcim belaghi ketakutan besimbun di lubuk Bedegung, luk itu pule Nage Lematang, mpai tekinak ngah kumis nage Musi lah ngelipat pule jeghemun di lubuk Kebugh iligh Lahat.
Ai pikir Pangeran Nage Dedaup, luk mane aku ndak ngetahui kelemahan Nage Musi ye sekendaknye saje tu, percume saje kalu aku minta pendapat ngah nage-nage senior jak di ulu ni, nage-nage seniorni kicikannye saje gerut palang, ngangagh gale nage uluni pikir nage Dedaup. Kalau ndak minta petuah ngah bapang angkatnye di negeri Amazon sane jelas dide kah disetujuinye, karne nage Amazon ndik pernah nyetujui rencane ndak melawan nage penguase. Dang befikir ngah mirip ngelamun nage Dedaup teghingat ngah pepatah nage baghaghi dikale, kalu ndak ngalahkah musuh…”cakahi dimane die belajagh, tuape kebiasaannye atau keghemarannye, kebile die lingah, mpai keruan kelemahannye…” Ai…Pikir Nage Dedaup, ndka belajar sejarah keturunan nage musi kudai kalu luk itu…nage mane nian keturunan nage musi ni…
Mulailah nage Dedaup belajagh tembe nage musi, luk lah diceritekah ye lah udim, nage Dedaup ni keluaran sekolah luar negeri, kalu urusan cakhai tembe atau kalu base manusie ngadekah penelitian sejarah, lah biase dilakukannye, kalu sebangse manusie kire-kire kepintaran nage dedaup sekelas jeme hibat luk, Micail Paradi penemu listrik, Carles babange penemu kumputar, Al-Jarazi penemu Robot, Al-Kharizmi penemu logaritma dan al-jabar, Peter Henlien penemu jam tangan, Chai Lun penemu kertas, Pak Mujair penemu ikan Mujair, WC Rontgen penemu sinar Rontgen, sampai ngah penemu Facebook Mark Zuckerberg kire-kire sekelaslah ngah Nage Dedaup ye banyak penemuanye ye di terapkah didunie penagean ye dide pacak dirasekah li dunie manusie.
Dalam tembe nage Musi, berdasarkah penelusurannye ditemukalah bahwe Nage Musi keturunannye beasal dari darah Ci Tarum ngah Sungai Barito, nenenge ye betine beasal dari leluhur Kerajaan nage Sungai barito Kalimantan ngah ninig lanange keturunan Sungai (Ci) Tarum di tanah Jawe bagian ujung barat, bapange begelar Dalam Kitab Suawit-awit, dikisahkan bahwa Pangeran Penumbak Rase adelah anak ketige dari Prabu garrang yang menguasai Kerajaan Tujah Semidang Babat Tanah Jawe. Pangeran Penumbak Rase kemudian melanjutkan kepemimpinan ayahnya, Prabu garrang sebagai Raje Tujah Semidang Babat tanah Jawe. Di tengah memimpin kerajaan Tujah Semidang Babat Tanah Jawe, Prabu Penumbak Rase ghapat bekeliling ke berbagai penjuru mate angin. Suatu aghi die beghusik nyeberang lautan sampailah die ke daerah baru, dipilihnye badah betendak ye paling iluk, karene lame die becakagh mangke badehe betendaktu li anak buahe dinamekahlah daerah pilihan prabu, lame-kelamaan namenye beghubah Prabu milih atau sekarang disebut “Prabumulih”, Prabu Penumbak Rase dalam pesinggahannye betendak di daerah baru ngah sempat kawin ngah nage penguase setempat dari keturunan Laput Bente Hyang Sri Jayenage dan melahirkan keturunan nage ye die nameka Pangeran nage Musi, dinamekan Musi banyak ceritenye menurut legenda sewaktu permaisuri Pangeran Penumbak Rase, ngidam selalu ndak makan teluw ayam, entah karene kesaktian Pangeran Penumbak Rase atau kebetulan saje ayam peliharaanye selalu beteluw dide suti-sutik anye sempak sepuluh kadang-kadang bebelasan dalam base setempat kalau ayam banyak beteluw dinamakan Mu Ci, anye name anaknye dirubah dikit jadi Pengeran nage Musi, mungkin juge ndak ngingatkah keturunan dari nenenge jak dari sungai Barito ye juge disebut “Nangei Musini” berdasarkan bahasa asli Suku Bayan Bintang Ninggi di Kalimantan artinya Muara Musini, entahlah ini baru rekaan penulis saja, silahkan teliti yang benar.
Jadi nage Musi keturan jak diendunge masih keturunan penguase asli sungai musi leluhur Laput Bente Hyang Sri Jayenage sedangkan jak bapange beasal dari keturunan raje Sunda/Jawe yakni Parbu Penumbak Rase keturunan Parabu Garrang, jadi dari silsilah memang Pangeran nage Musi adelah titisan darah biru penagean nusantare, ai...kate nage dedaup wajar kalu luk itu nage musi ni grut kiamat lah mewarisi ilmu-ilmu kesaktian jak dimane-mane, kalu luk itu dide pacak sembarangan melawan die tu. Aku, kate nage dedaup ndak beguru kudai ngah Nage-nage penguase Ci Tarum ngah Penguase Barito, mangke pacak nginai tuape kelemahannye.
Yak…ning alalangkah lamenye…Pangeran Nage Dedaup, belum blage-blage ngah RaJe Nage Musi, kate kamu tadi ceritenye persiapan lah ndak belage…Au Cung kalu lah belage abis ceritenye….kele ku sambung agi.
Ceruk Kamar, 18 Juli 2016
Glen Mantap kang..trskan.
Glen Kudai kang amu ku bocorkah mbak kini laju dik seru agi..trs kalah kudai mangke banyak ye penasaraan xixixixixi.
Glen Sif...lah pindah ke rm baru lom kakang ??
Adi Saputra ade
desa pangkalan tarum di musi rawas, tepatnye di kecamatan bulang tengah
suku ulu...kalu2 peninggalan nage musi kang...he..he...
Komentar
Posting Komentar