CERITE RAKYAT “NAGE DEDAUP” EDISI KE-25 “Ritual Nuntut Ilmu Tungkat Sulaiman”
CERITE RAKYAT “NAGE DEDAUP” EDISI KE-25
“Ritual Nuntut Ilmu Tungkat Sulaiman”
Luk lah kuceritekah di bagian ye mpai udim, buku ajian serat tungkat sulaiman lah dinjukah li Pangeran nage Senoir Nage Inim ye tekenal ndak belagak saje, ye galak meriking luk tenggaging, biaselah nage jak di Inim sedakdenye mbesakkah lagak tulah…ye penting penampilan, mpuk kurang pajuh ngah kelepih bangkang, bedah ngah nage Ugan ye memang keturunan nage tetua yelah nurunkah anak cucunge dimane-mane ye puyang tetunye bename Sanghyang Sakti Nyata, Nage Lematang, apelagi ngah nage jak di ulu, penampilan die biase saje, anye nage Inim ni sakti palang, tekenal di jagad dunie penagean, seperti nage-nage mude ye lah mulai tekenal antarenye Nage Lawang Ngidul, Nage Darmo Gandul, Nage Padu Rase, Nage Tanjul Lalang, Nage Libak Budi, Nage Benang Betarik, Nage Mure Gule, Nage Mar Sung Sang sampai ke nage Rimbang Jale tesohor di dunie penagean ngah masih banyak lagi nage ye belum pacak kusebutkah disini…temasuk kaum manusie juge kalu jak disane tu…masih ndak belagak saje, luk itulah pule same saje care ngumungnye galak sekikil, anye baik die tu galak mbantu jeme, ngah ade perhatiannye.
Kalu nage ulu, belum banyak ye tekenal nian, karne banyak merantau luk nage Bringsang ye teambik anak di Muare Sahung, saking hibatnye nage Bringsang nil ah mbuat pesengerahan badah melembutkah tulang di Pinggir Laut ye die namekah ”istanah Nage Rantai” di Marge Kaur tu, anye mbak kini la hade juge ye muncul, luk nage Palak tanah nage gembagh ngah nage Muare Tenang, ye banyak anak cucunge merantau ke jawe, luk penguase Kanjuruhan, nage Kapitan Palak Sijat, Nage Pecahan Kace, juge lah misahkah dighi mbuat kerajean kecik ye die namekah “Kerajean Nage Lembak Semandie”, nage Tanjul Laut, juge banyak ninggalkah lubuk’e, hampir tinggal penghuni lubuk di sane, Nage Padang Ringis, Nage Bukit Balau, Nage Rekimeh Jaye ade juge ye merantau ke badah nage Bringsang, anye ade anak cucunge ye merantau ke wilayah kerajean Nage Inim, kabarnye dulu die jadi penguase kedue disane namenye Pangeran Shan-Shan, Nage Capar Kriting, Nage Tu Mutan Tujuh, Nage Tanjul Tige ngah adinge nage Merencul ye beasal jak keturunan nage Tanjul Agung, ade anak cucunge ye lah jadi hulu balang di kerajean nage sungai Musi namenye kalu ndik salah maha patih Ba Ten Lian, masih banyak pule ye belum tedata di buku tembe nage ulu, kalu keturunan nage Mahe Putre Sinar Fajar, ndik teiutung banyaknye ye merantau, ntah lah dimane-mane, temasuk lah mbuat tembe sendhighi ye dinamekah “Leluhur Goebier, itu mpai keturunan lubuk kecik saje, biaselah nage ulu ni, kalau lah merantau ndikah balik agi ngah dindak nunjukah asal le, kecuali nage Dedaup mpuk lah merantau keluar negeri masih ndak balik ke Danau Dedhuk, kalu dieni ade kekendaan sangkan balik, cite-citenye tinggi nian ndak nguasai jagad wilayah kerajean Sriwijaye ye tekenal di luar negeri tu, sampai ke Brazil badahe merantau dulu ngah disekulahkah li Bapang angkatnye ke Amrika, die selalu diingatkah li Raje diraje Amazon bapang angkatnye, bahwe dibadah kelahiran nage dedaup tu, dulu ade kerajean ye disegani li dunie pernagean mance negare, mangke itulah Nage Dedaup nekat ndak balik, anye Kerajena Sriwijaye tu lah dikuasai li Nage Sungai Musi secare turun temurun, ye sebenarnye bukan keturunan asli, anye leluhurnye datang jak di jawe asalnye masih keturunan kerajean Mujor Pailit, ntah dimane titu.
lah diapalali li nage Dedaup isi buku ajian serat tungkat sulaiman, mulai dari halaman pertame sampai terakhir mulai dari petunjuk ngah manteranye lah apal gale, mbak kini die lah mulai nyiapkah badah betapa beghendam ye lubuk paling dalam di marge ulu, ngah pule die lah udim ngadekah tirakat mandi besrsih di curup tujuh cabang di aik pelancauan tumutan tujuh parak bukit ringgit…lubuk ye dianggabnye paling dalam di wilayah marge ulu tu lah mulai dibersihkannye, Nage Dedaup milih lubuk cughup aik Lubuk nipis ye masuk wilayah kekuasaan marge kecik nage Remantai…itu juge die lah pamit ngah penguase Marge remantai ye Bename Nage Jokoh Raden Penguase Remanati ngah Siring Agung samapi ke Jurai bancung.
Karne Nage Dedaup ye ndak ngadekah petapah Beghendam di Lubuk Chukup Aik Nipis, segere nian nage jokoh Raden nyiapkah badahe, maklum nage ye ndak betapa beghendam ni adelah penguase wilayah sedakde marge ulu, ye tekenal pintar sakti, ngah lame merantau di negeri nage anak kondah, ngah baik ati lagi bijak sane mimpin marge ulu, kalu tedengau nage Dedaup ndak bekendak sedakde penguase wilayah kecik-kecik di marge ulu tu langsung begerak gale, karne disamping ngingatkah jasanye galak mbantu ngah pule takut kalu kene marah, maklumlah nage Dedaup sebenarnye adelah nage Meraje kalu tutuan di marge ulu…punduk kecik atau daun pisang anak ngah pisang sabe lah disiapkah li nage Jokoh Raden, jalan ndak masuk ke lubuktu lah disianginye, temasuk batang-batang kayu ye belingkas dalam lubuktu lah dibersihkannye gale, kerje die ni dik sepengetahuan li Nage Lain temasuk li Nage Dedaup…nginai badah lah bersih tu, nage Dedaup justru kurang setuju dengan care nage Jokoh Raden ni, anye tuape tu lah udim die diam saje….nage dedaup betutur saje ngah nage Jokoh Raden, kalu pacak tulung nian selame aku tapa begghendam, jangan ade nage ye ngetahuikah aku ade disitu, ngah pule jangan nian ade ye nyubuk ke badahku, aku minta tolong nian ngah kabah, kate nage Dedaup…Au yang mulye kate Nage Jokoh Raden, itulah aku lah mbuat punduk pinggir lubuktu, itu badahku kele nunggui pangeran Nage Dedaup selame ngadekah tirakat beghendam, kalu ade nage lain tepehacung datang ke lubuk itu…kalau luk itu akau setuju, aku ndik keruan maksud nage Jokoh Raden mbuat punduk di situ…retinye ndik itu keguneannye…au Pangeran, kate nage Jokoh Raden dengan hormatnye.
Sesuai rencane ye lah dibulatkah li Nage dedaup bahwe tapa Beghendam kah dimulai tepat waktu akap bulan, kalu itungan bangse manusia sekitar malam tujuh likor, bulan kesembilan pas musim putting beliung, nentukah ini sebenarnye pikiran Nage Dedaup saje, mangke dik banyak ige gangguan…ini lah disampaikahnye ngah Nage Jokoh Raden…Pangeran Jokoh Raden ini seenarnye bukan asli keturunan nage-nage marge ulu, die ni datang ke marge ulu ngah teambik anak ngah nage ulu, sekaligus melaksanekah adat marge tunggu tubang, die aslinye berasal jak di tanah jawe, anye dikeruan jawe mane…itulah mangke ade gelarnye Raden tu, mpuk die keturunan raje, biasenye digelari pangeran saje berikut ditambahi ngah pengadakanye, misalnye kalu die benapsu ilok, digelari “Puyang Gubir” karene mpuk gawianye banyak, kalu ade ye betanye di selalu jawab…”lah ku Gubir gale” artinye lah digawikah gale anye ade pule persi lain diadakah puyang Gubir karene die mewarisi Keris Pusaka Setan Kober jak di Arya Penangsang.
Kalu die tekenal gerut ndak belage saje diadakah “Genawan” maksutnye “Gerut ngah melawan” Kalu kerjenye galak merubit artinye banyak kepacaan diadakah “puyang kenamaran” Kalu die dindak mandi ngah dindak merapikah gumbaknye diadakah “Puyang Bejabut” kalu die pacak bekelakar ngah becerite lucu-lucu diadakah “puyang ngerucak” kalu galak ngumungkah jeme ndik keruan tuape salah jeme tu diadakah “Puyang Ceripit” kalu bejalan ndik pernah nggunekah terumaph diadakah “Puyang Telapak Tebal”, kalu die ndak mancing saje diadakah “puyang Behang Ngaw” nah ye diklemak neghae kalu die ndanguk saje diadakah “puyang Begatui”, mbak itulah pule kalu kerjenye kulu kiligh dikeruan pengawian diadakah “Puyang Jerabun cis-cis”….kalu die besak bunguk diadakah “puyang belinat lambing” kalu die ndak bebini saje diadakah “Puyang Penganggau”…hahahah… maaf kalu ade cucunge jangan tesinggung ini rekaan saje alias cerite ndik reribangan saje….kalu di marge nage ulu tu ndik bedie ye begelar Raden, apalagi Sultan, paling-paling pangeran saje…anye mpuk die datang jak di tanah seberang kalu adat marge die pacak gale ngah selalu die laksanekah, tinggal namenye saje melekat Raden, sebenarnye ndik pacak dibidahkah agi ngah kambanan nage banyak ni.
Pas hari ye lah ditentukah yakni malam tujuh likur, tengah malam bute Nage Dedaup lah besiap ndak cebur ke Lubuk Cghup aik nipis, dide lupe die mbace mantera ye lah diapalinye di buku serat ajian tungkat sulaiman njukan warangannye Nage Inim…mantera ye dibacenye lah kene gale titik ngah komanye, asenye ndik bedie agi ye salah…dengan beguyur tuhun beghaduhan takut kalu ade aik ye tetumpaha dalam lubuk tu sesuai dengan tuntunan buku, nyusplah nage Dedaup Masuk dalam Lubuk, ye lah udim die ukur pas ngah badanye…begelunglah die disitu ngah palaknye cungak kepucuk sambil tengangah neguki aik ye gemeruntuman tuhun jak dipucuk bukit datangh libagh tu…ndik pule lupe sebelum di nyusup tadi nyempal buntute ngah batang kayu manis itu pule ade petunjuk jak di buku serat tungkat sulaiman…batang kayu manis sengaje die ambik jak dibukit matang Baling ye tekenal batang kayu manis besak ngah angat tu.
Pae dikate, tapa beghendam belangsung dari malam kemalam, aghi ke ahgi, jam ke jam, bahkan detik-kedietik teghus Pangeran Nage Dedaup Ngisapi aik dilubuktu ngah ye ncurat jak dipucuk, mapai saghi semalam, aiktu lah mulai besususut, ikan-iakan ngah binatang penunggu lubuktu lah gelisah gale ngape aik lubukni bekurangni pikirnye, belum pernah terjadi mpuk kemahau panjang aik di lubuk ni bekurang…seiring ngah bekurang aik di lubuktu…badan nage Dedaup ye Tekenal besak Panjang Lincin lah mbesak pule…makmane ndik besak aik lah masuk gaele dalam pehutnye…ngah buntutnye disempal batang kayu manis, kalu mpai masuk tengah malam tujuh likur tadi…badah beghendamtu nage Dedaup Pas di tengah-tengah ndik kinaan badannye…di malam ke Sembilan likur badannye lah hampir mnuhi Lubuk…anye ndik tehase li Nage Dedaup…Pangeran Jokoh radin ye ngintip jak dipunduk pucuktu keheranan…ngape badan nage Dedaup lah besak palangtu, kalu gelungannye mbak kini kalu dimisalkah lah sebesak bukit tampaan…Nage Dedaup ndik keruan li die mpuk badanye lah telintuk besak palang terus kumat-kamit mbacekah mantera…sambil ngingatkah lah behape aghi die behendamni, sesuai dengan buku petujuk lamenye ndik ditentukah…sampai aik lubuktu keghing…
Dipindikah ceritenye…mpai sekitar tige-akhi tige malam itungan nage…aik lubuktu lah kehing gale…temasuk aik ye celucuw jak di pucuktu lah beghenti pulu…langau-langau lah mulai inggap dibadan Nage Dedaup…mpai sadar li nage Dedaup bahwe aik lah kehing…sesuai ngah buku serat tungkat sulaiman kalu langau lah inggab dibadanye tande aik lah kehing ngah tapa beghendam lah behasil…mulailah nage Dedaup beguyur mbuka geluangannye…rencanenye nadak ndaghat…mangke nadak neruskah ritual selanjutnye pause pati geni…anye alangkah tekejutnye nage dedaup ketike die jegilkah matenye…badannye lah mbesak dik tehitung bekali lipat, sehingge lubuhtu lah penuh libadannye gale…anehnye nage Dedaup Di tehase beghat mpik badanye lah luk itu…behaduhan die naik ke pucuk pematang…mpai sampai kepucuk ikuknye tekeluar di lubuktuk…kinaan li die batu krungkuk mungkuk dalam lubuktu nadekah aik lah kehing gale, pikir nage Dedaup mudah2an kereje betapah beghendamni dikbedie kesalahan….Jokoh raden keheranan nginai badan nage Dedaup lah Besak palng tu…sambil nyilahkan nage Dedaup betendak dipunduk buatannye, tenyate nage Dedaup ndik temuat dalam pinduk tu, die begelung saje di luadh smabil kumat-kamit mabcekah mantera terakhir tapa beghendam…..mapai abis bacennye tanpa disadierinye batang kayu manis ye nyempal buntute keluar dengan sendirinye, mangke cucuanlah aik luk kebanjiran keluar dibadannye ngulang agi menuhi lubuk…ngah ayik ye dipucuk bukit ngulang agi gemeruntuman tughun, mungkin Cuma itungan detik lubuk lah penuh agi…luk antakah nage dedaup beghendam…
Nage Jokoh Raden rupenye lah nyiapkah makanan…lah keruan nian li die tuape kesenangan nage Dedaup maklum lah ghapat tunggal…biasenye kalu betemu ngah makanan kebilannye nage Dedaup ndik keruan agi langsung telutup negui makanan…anye aneh udim beghendam ngah aik lah keluagh gale dibadanye…luk dikbedie kebilan ndak makan…behape kali nage Jokoh Radin nawari makanan, nage Dedaup anye ngaguk saje, sambil ngucapkah terime kasih pakai bahase nage…nage Jokoh Raden memaklumi…mungkin ade larangannye, mangke dide die makan tu…Nage dedaup ngicikah bahwe sebenarnye die dik bedie pantangan makan…anye dalam buku serat ajian tungkat sulaiman…kalu tahan mangke langsung saje nerapkah ritual kedue…yakni ajian pause mate geni, itu belum dipahami li Nage Raden, mpuk Nage Raden beasal jak di tanah seberang sane, biase nage jak diseberang sane ye merantau tu dide calak gale, ade ye semudur, kepacaannye majuh tanah tula, anye hibatnye nage jak diseberang ni kalu lah betemu saling tulungi nian, kalu die lah bekedudukan dikit oi bahaye, bayenge saje ndik pajak diijakah, kalu istilah manusie tu “kalu lah pacak besepatu ncipak” ndik keruan agi asalnye dulu, ngedudui, bejapih neguk’i buah lengguguw tulah kepacaannye, mungkin juge nage Jokoh Raden masih keturunan Puyang Lurus Sambung Ati dari gunung Puyung Banten Selatan Jabar, entahlah.
Nengagh kate Nage Dedaup luk itu, nage Jokoh Raden memakluminye, makanan ye lah disiapkah tadi, die ibatkah agi, siape tahu kalu nage Dedaup ndak makannye, kalu dide kah dimakan ndak die bawe balik, ka dibagikah ngah rakyatnye di Rematai ngah Siring Agung.
Nage Dedaup ngucapkah terime kasih lah jange die betapa beghendam, sehingge die dide teganggu, ngah pule lah nyiapkah makanan ngah punduk, karene badanye lah ngulang normal mangke die masuk punduk besame ngah Nage Jokoh Raden, nage dedaup ngatekah bahwe die ndak neruskah ritualnye...ade satu lagi ritual ye ndak dilaksanekannye..yakni pause tujuh aghi-tujuh malam sambil betapah, die ndak minjam punduk ni, kalu dik keberatan Nage Jokoh Raden untuk ninggalkah die sendirian ngah ngawasi jak dijauh saje, makananni tulung kabah jauhkah kudai takut kele aku dik sengaje cekulnye…au kate Nage Jokoh Raden dengan hormatnye…ngah jangan nian ganngu aku kate Pangeran nage Dedaup…aku butuh Sembilan akhi-sembilan malam pause mate geni…au kate nage Jokoh raden…aku siap nunggu Pangeran jak jauh…kalu ade ye ngganggu petapahan pangeran…terime kasih kalu luk itu, kate pangeran Penguase Marge Ulu Nage Dedaup.
Nampaknye…sesuai petunjuk dalam buku serat tungkat sulaiman, petapahan nage Dedaup langsung diteruskannye, mpuk didalam buku kitab sakti serat tungkat sulaiman sebenarnye bolehlah abis tapa beghendam tadi, makan sekedar ngganjal pehut bangkakng, anye kalu tahan langsungkan saje pause…nampaknye pangeran Nage dedaup masih tahan…neruskah ritual selanjutnya.
Nah Udim kudai Cung…ceritenye, panjang ige…kele aku sambung agi.
Au Ning…aku tunggu cerite selanjutnye.
Alias Besambung.
“Ritual Nuntut Ilmu Tungkat Sulaiman”
Luk lah kuceritekah di bagian ye mpai udim, buku ajian serat tungkat sulaiman lah dinjukah li Pangeran nage Senoir Nage Inim ye tekenal ndak belagak saje, ye galak meriking luk tenggaging, biaselah nage jak di Inim sedakdenye mbesakkah lagak tulah…ye penting penampilan, mpuk kurang pajuh ngah kelepih bangkang, bedah ngah nage Ugan ye memang keturunan nage tetua yelah nurunkah anak cucunge dimane-mane ye puyang tetunye bename Sanghyang Sakti Nyata, Nage Lematang, apelagi ngah nage jak di ulu, penampilan die biase saje, anye nage Inim ni sakti palang, tekenal di jagad dunie penagean, seperti nage-nage mude ye lah mulai tekenal antarenye Nage Lawang Ngidul, Nage Darmo Gandul, Nage Padu Rase, Nage Tanjul Lalang, Nage Libak Budi, Nage Benang Betarik, Nage Mure Gule, Nage Mar Sung Sang sampai ke nage Rimbang Jale tesohor di dunie penagean ngah masih banyak lagi nage ye belum pacak kusebutkah disini…temasuk kaum manusie juge kalu jak disane tu…masih ndak belagak saje, luk itulah pule same saje care ngumungnye galak sekikil, anye baik die tu galak mbantu jeme, ngah ade perhatiannye.
Kalu nage ulu, belum banyak ye tekenal nian, karne banyak merantau luk nage Bringsang ye teambik anak di Muare Sahung, saking hibatnye nage Bringsang nil ah mbuat pesengerahan badah melembutkah tulang di Pinggir Laut ye die namekah ”istanah Nage Rantai” di Marge Kaur tu, anye mbak kini la hade juge ye muncul, luk nage Palak tanah nage gembagh ngah nage Muare Tenang, ye banyak anak cucunge merantau ke jawe, luk penguase Kanjuruhan, nage Kapitan Palak Sijat, Nage Pecahan Kace, juge lah misahkah dighi mbuat kerajean kecik ye die namekah “Kerajean Nage Lembak Semandie”, nage Tanjul Laut, juge banyak ninggalkah lubuk’e, hampir tinggal penghuni lubuk di sane, Nage Padang Ringis, Nage Bukit Balau, Nage Rekimeh Jaye ade juge ye merantau ke badah nage Bringsang, anye ade anak cucunge ye merantau ke wilayah kerajean Nage Inim, kabarnye dulu die jadi penguase kedue disane namenye Pangeran Shan-Shan, Nage Capar Kriting, Nage Tu Mutan Tujuh, Nage Tanjul Tige ngah adinge nage Merencul ye beasal jak keturunan nage Tanjul Agung, ade anak cucunge ye lah jadi hulu balang di kerajean nage sungai Musi namenye kalu ndik salah maha patih Ba Ten Lian, masih banyak pule ye belum tedata di buku tembe nage ulu, kalu keturunan nage Mahe Putre Sinar Fajar, ndik teiutung banyaknye ye merantau, ntah lah dimane-mane, temasuk lah mbuat tembe sendhighi ye dinamekah “Leluhur Goebier, itu mpai keturunan lubuk kecik saje, biaselah nage ulu ni, kalau lah merantau ndikah balik agi ngah dindak nunjukah asal le, kecuali nage Dedaup mpuk lah merantau keluar negeri masih ndak balik ke Danau Dedhuk, kalu dieni ade kekendaan sangkan balik, cite-citenye tinggi nian ndak nguasai jagad wilayah kerajean Sriwijaye ye tekenal di luar negeri tu, sampai ke Brazil badahe merantau dulu ngah disekulahkah li Bapang angkatnye ke Amrika, die selalu diingatkah li Raje diraje Amazon bapang angkatnye, bahwe dibadah kelahiran nage dedaup tu, dulu ade kerajean ye disegani li dunie pernagean mance negare, mangke itulah Nage Dedaup nekat ndak balik, anye Kerajena Sriwijaye tu lah dikuasai li Nage Sungai Musi secare turun temurun, ye sebenarnye bukan keturunan asli, anye leluhurnye datang jak di jawe asalnye masih keturunan kerajean Mujor Pailit, ntah dimane titu.
lah diapalali li nage Dedaup isi buku ajian serat tungkat sulaiman, mulai dari halaman pertame sampai terakhir mulai dari petunjuk ngah manteranye lah apal gale, mbak kini die lah mulai nyiapkah badah betapa beghendam ye lubuk paling dalam di marge ulu, ngah pule die lah udim ngadekah tirakat mandi besrsih di curup tujuh cabang di aik pelancauan tumutan tujuh parak bukit ringgit…lubuk ye dianggabnye paling dalam di wilayah marge ulu tu lah mulai dibersihkannye, Nage Dedaup milih lubuk cughup aik Lubuk nipis ye masuk wilayah kekuasaan marge kecik nage Remantai…itu juge die lah pamit ngah penguase Marge remantai ye Bename Nage Jokoh Raden Penguase Remanati ngah Siring Agung samapi ke Jurai bancung.
Karne Nage Dedaup ye ndak ngadekah petapah Beghendam di Lubuk Chukup Aik Nipis, segere nian nage jokoh Raden nyiapkah badahe, maklum nage ye ndak betapa beghendam ni adelah penguase wilayah sedakde marge ulu, ye tekenal pintar sakti, ngah lame merantau di negeri nage anak kondah, ngah baik ati lagi bijak sane mimpin marge ulu, kalu tedengau nage Dedaup ndak bekendak sedakde penguase wilayah kecik-kecik di marge ulu tu langsung begerak gale, karne disamping ngingatkah jasanye galak mbantu ngah pule takut kalu kene marah, maklumlah nage Dedaup sebenarnye adelah nage Meraje kalu tutuan di marge ulu…punduk kecik atau daun pisang anak ngah pisang sabe lah disiapkah li nage Jokoh Raden, jalan ndak masuk ke lubuktu lah disianginye, temasuk batang-batang kayu ye belingkas dalam lubuktu lah dibersihkannye gale, kerje die ni dik sepengetahuan li Nage Lain temasuk li Nage Dedaup…nginai badah lah bersih tu, nage Dedaup justru kurang setuju dengan care nage Jokoh Raden ni, anye tuape tu lah udim die diam saje….nage dedaup betutur saje ngah nage Jokoh Raden, kalu pacak tulung nian selame aku tapa begghendam, jangan ade nage ye ngetahuikah aku ade disitu, ngah pule jangan nian ade ye nyubuk ke badahku, aku minta tolong nian ngah kabah, kate nage Dedaup…Au yang mulye kate Nage Jokoh Raden, itulah aku lah mbuat punduk pinggir lubuktu, itu badahku kele nunggui pangeran Nage Dedaup selame ngadekah tirakat beghendam, kalu ade nage lain tepehacung datang ke lubuk itu…kalau luk itu akau setuju, aku ndik keruan maksud nage Jokoh Raden mbuat punduk di situ…retinye ndik itu keguneannye…au Pangeran, kate nage Jokoh Raden dengan hormatnye.
Sesuai rencane ye lah dibulatkah li Nage dedaup bahwe tapa Beghendam kah dimulai tepat waktu akap bulan, kalu itungan bangse manusia sekitar malam tujuh likor, bulan kesembilan pas musim putting beliung, nentukah ini sebenarnye pikiran Nage Dedaup saje, mangke dik banyak ige gangguan…ini lah disampaikahnye ngah Nage Jokoh Raden…Pangeran Jokoh Raden ini seenarnye bukan asli keturunan nage-nage marge ulu, die ni datang ke marge ulu ngah teambik anak ngah nage ulu, sekaligus melaksanekah adat marge tunggu tubang, die aslinye berasal jak di tanah jawe, anye dikeruan jawe mane…itulah mangke ade gelarnye Raden tu, mpuk die keturunan raje, biasenye digelari pangeran saje berikut ditambahi ngah pengadakanye, misalnye kalu die benapsu ilok, digelari “Puyang Gubir” karene mpuk gawianye banyak, kalu ade ye betanye di selalu jawab…”lah ku Gubir gale” artinye lah digawikah gale anye ade pule persi lain diadakah puyang Gubir karene die mewarisi Keris Pusaka Setan Kober jak di Arya Penangsang.
Kalu die tekenal gerut ndak belage saje diadakah “Genawan” maksutnye “Gerut ngah melawan” Kalu kerjenye galak merubit artinye banyak kepacaan diadakah “puyang kenamaran” Kalu die dindak mandi ngah dindak merapikah gumbaknye diadakah “Puyang Bejabut” kalu die pacak bekelakar ngah becerite lucu-lucu diadakah “puyang ngerucak” kalu galak ngumungkah jeme ndik keruan tuape salah jeme tu diadakah “Puyang Ceripit” kalu bejalan ndik pernah nggunekah terumaph diadakah “Puyang Telapak Tebal”, kalu die ndak mancing saje diadakah “puyang Behang Ngaw” nah ye diklemak neghae kalu die ndanguk saje diadakah “puyang Begatui”, mbak itulah pule kalu kerjenye kulu kiligh dikeruan pengawian diadakah “Puyang Jerabun cis-cis”….kalu die besak bunguk diadakah “puyang belinat lambing” kalu die ndak bebini saje diadakah “Puyang Penganggau”…hahahah… maaf kalu ade cucunge jangan tesinggung ini rekaan saje alias cerite ndik reribangan saje….kalu di marge nage ulu tu ndik bedie ye begelar Raden, apalagi Sultan, paling-paling pangeran saje…anye mpuk die datang jak di tanah seberang kalu adat marge die pacak gale ngah selalu die laksanekah, tinggal namenye saje melekat Raden, sebenarnye ndik pacak dibidahkah agi ngah kambanan nage banyak ni.
Pas hari ye lah ditentukah yakni malam tujuh likur, tengah malam bute Nage Dedaup lah besiap ndak cebur ke Lubuk Cghup aik nipis, dide lupe die mbace mantera ye lah diapalinye di buku serat ajian tungkat sulaiman njukan warangannye Nage Inim…mantera ye dibacenye lah kene gale titik ngah komanye, asenye ndik bedie agi ye salah…dengan beguyur tuhun beghaduhan takut kalu ade aik ye tetumpaha dalam lubuk tu sesuai dengan tuntunan buku, nyusplah nage Dedaup Masuk dalam Lubuk, ye lah udim die ukur pas ngah badanye…begelunglah die disitu ngah palaknye cungak kepucuk sambil tengangah neguki aik ye gemeruntuman tuhun jak dipucuk bukit datangh libagh tu…ndik pule lupe sebelum di nyusup tadi nyempal buntute ngah batang kayu manis itu pule ade petunjuk jak di buku serat tungkat sulaiman…batang kayu manis sengaje die ambik jak dibukit matang Baling ye tekenal batang kayu manis besak ngah angat tu.
Pae dikate, tapa beghendam belangsung dari malam kemalam, aghi ke ahgi, jam ke jam, bahkan detik-kedietik teghus Pangeran Nage Dedaup Ngisapi aik dilubuktu ngah ye ncurat jak dipucuk, mapai saghi semalam, aiktu lah mulai besususut, ikan-iakan ngah binatang penunggu lubuktu lah gelisah gale ngape aik lubukni bekurangni pikirnye, belum pernah terjadi mpuk kemahau panjang aik di lubuk ni bekurang…seiring ngah bekurang aik di lubuktu…badan nage Dedaup ye Tekenal besak Panjang Lincin lah mbesak pule…makmane ndik besak aik lah masuk gaele dalam pehutnye…ngah buntutnye disempal batang kayu manis, kalu mpai masuk tengah malam tujuh likur tadi…badah beghendamtu nage Dedaup Pas di tengah-tengah ndik kinaan badannye…di malam ke Sembilan likur badannye lah hampir mnuhi Lubuk…anye ndik tehase li Nage Dedaup…Pangeran Jokoh radin ye ngintip jak dipunduk pucuktu keheranan…ngape badan nage Dedaup lah besak palangtu, kalu gelungannye mbak kini kalu dimisalkah lah sebesak bukit tampaan…Nage Dedaup ndik keruan li die mpuk badanye lah telintuk besak palang terus kumat-kamit mbacekah mantera…sambil ngingatkah lah behape aghi die behendamni, sesuai dengan buku petujuk lamenye ndik ditentukah…sampai aik lubuktu keghing…
Dipindikah ceritenye…mpai sekitar tige-akhi tige malam itungan nage…aik lubuktu lah kehing gale…temasuk aik ye celucuw jak di pucuktu lah beghenti pulu…langau-langau lah mulai inggap dibadan Nage Dedaup…mpai sadar li nage Dedaup bahwe aik lah kehing…sesuai ngah buku serat tungkat sulaiman kalu langau lah inggab dibadanye tande aik lah kehing ngah tapa beghendam lah behasil…mulailah nage Dedaup beguyur mbuka geluangannye…rencanenye nadak ndaghat…mangke nadak neruskah ritual selanjutnye pause pati geni…anye alangkah tekejutnye nage dedaup ketike die jegilkah matenye…badannye lah mbesak dik tehitung bekali lipat, sehingge lubuhtu lah penuh libadannye gale…anehnye nage Dedaup Di tehase beghat mpik badanye lah luk itu…behaduhan die naik ke pucuk pematang…mpai sampai kepucuk ikuknye tekeluar di lubuktuk…kinaan li die batu krungkuk mungkuk dalam lubuktu nadekah aik lah kehing gale, pikir nage Dedaup mudah2an kereje betapah beghendamni dikbedie kesalahan….Jokoh raden keheranan nginai badan nage Dedaup lah Besak palng tu…sambil nyilahkan nage Dedaup betendak dipunduk buatannye, tenyate nage Dedaup ndik temuat dalam pinduk tu, die begelung saje di luadh smabil kumat-kamit mabcekah mantera terakhir tapa beghendam…..mapai abis bacennye tanpa disadierinye batang kayu manis ye nyempal buntute keluar dengan sendirinye, mangke cucuanlah aik luk kebanjiran keluar dibadannye ngulang agi menuhi lubuk…ngah ayik ye dipucuk bukit ngulang agi gemeruntuman tughun, mungkin Cuma itungan detik lubuk lah penuh agi…luk antakah nage dedaup beghendam…
Nage Jokoh Raden rupenye lah nyiapkah makanan…lah keruan nian li die tuape kesenangan nage Dedaup maklum lah ghapat tunggal…biasenye kalu betemu ngah makanan kebilannye nage Dedaup ndik keruan agi langsung telutup negui makanan…anye aneh udim beghendam ngah aik lah keluagh gale dibadanye…luk dikbedie kebilan ndak makan…behape kali nage Jokoh Radin nawari makanan, nage Dedaup anye ngaguk saje, sambil ngucapkah terime kasih pakai bahase nage…nage Jokoh Raden memaklumi…mungkin ade larangannye, mangke dide die makan tu…Nage dedaup ngicikah bahwe sebenarnye die dik bedie pantangan makan…anye dalam buku serat ajian tungkat sulaiman…kalu tahan mangke langsung saje nerapkah ritual kedue…yakni ajian pause mate geni, itu belum dipahami li Nage Raden, mpuk Nage Raden beasal jak di tanah seberang sane, biase nage jak diseberang sane ye merantau tu dide calak gale, ade ye semudur, kepacaannye majuh tanah tula, anye hibatnye nage jak diseberang ni kalu lah betemu saling tulungi nian, kalu die lah bekedudukan dikit oi bahaye, bayenge saje ndik pajak diijakah, kalu istilah manusie tu “kalu lah pacak besepatu ncipak” ndik keruan agi asalnye dulu, ngedudui, bejapih neguk’i buah lengguguw tulah kepacaannye, mungkin juge nage Jokoh Raden masih keturunan Puyang Lurus Sambung Ati dari gunung Puyung Banten Selatan Jabar, entahlah.
Nengagh kate Nage Dedaup luk itu, nage Jokoh Raden memakluminye, makanan ye lah disiapkah tadi, die ibatkah agi, siape tahu kalu nage Dedaup ndak makannye, kalu dide kah dimakan ndak die bawe balik, ka dibagikah ngah rakyatnye di Rematai ngah Siring Agung.
Nage Dedaup ngucapkah terime kasih lah jange die betapa beghendam, sehingge die dide teganggu, ngah pule lah nyiapkah makanan ngah punduk, karene badanye lah ngulang normal mangke die masuk punduk besame ngah Nage Jokoh Raden, nage dedaup ngatekah bahwe die ndak neruskah ritualnye...ade satu lagi ritual ye ndak dilaksanekannye..yakni pause tujuh aghi-tujuh malam sambil betapah, die ndak minjam punduk ni, kalu dik keberatan Nage Jokoh Raden untuk ninggalkah die sendirian ngah ngawasi jak dijauh saje, makananni tulung kabah jauhkah kudai takut kele aku dik sengaje cekulnye…au kate Nage Jokoh Raden dengan hormatnye…ngah jangan nian ganngu aku kate Pangeran nage Dedaup…aku butuh Sembilan akhi-sembilan malam pause mate geni…au kate nage Jokoh raden…aku siap nunggu Pangeran jak jauh…kalu ade ye ngganggu petapahan pangeran…terime kasih kalu luk itu, kate pangeran Penguase Marge Ulu Nage Dedaup.
Nampaknye…sesuai petunjuk dalam buku serat tungkat sulaiman, petapahan nage Dedaup langsung diteruskannye, mpuk didalam buku kitab sakti serat tungkat sulaiman sebenarnye bolehlah abis tapa beghendam tadi, makan sekedar ngganjal pehut bangkakng, anye kalu tahan langsungkan saje pause…nampaknye pangeran Nage dedaup masih tahan…neruskah ritual selanjutnya.
Nah Udim kudai Cung…ceritenye, panjang ige…kele aku sambung agi.
Au Ning…aku tunggu cerite selanjutnye.
Alias Besambung.
Komentar
Posting Komentar