Cerite Rakyat “Nage Dedaup” Edisi 26 Ritual Puase Tapa Geni

Cerite Rakyat “Nage Dedaup” Edisi 26

Ritual Puase Tapa Geni

                Di edisi ye lalu, ritual nyambut ilmu tungkat sulaiman mpai udim sebabak ye tapa beghendam, babak ini kah diceritekah penggawian kedue Puase Tapa Geni, berupe duduk begelung di daratan sambil mbacekah mantera-mantera ye ade di buku sighat tungkat sulaiman Bab kedue halaman 1323, dalam buku itu termaktub bahwe, paling lame Sembilan aghi biasenye lah dapat kekendaan berupe tungkat sakti ye dikendai.

                Puase Tapa Geni dikerjekah ngah semangat serte keyakinan bulat li Nage Dedaup. Pas udim ritual pertame tapa beghendam di lubuk aik nipis, wilayah kekuasean Nage Jokoh Raden, ye die jalani  anye cume tige aghi lah udim, padehal kalu dalam buku petunjuk jak di Nage Inim penguase Cughup Bedegung, waktunye pacak bebulan-bulan bahkan betahun-tahun…mungkin karene kesaktian Nage Dedaup tige akhi lubuktu lah keghing.

                Badah Nage Dedaup melaksanekah Pati Geni, lah disiapkah li nage Jokoh Raden, berupe punduk atap daun pisang anak ngah pisang sabe, tiange buluh betung ngah buluh mayan, kerangke atapnye juge dari buluh kapal ngah buluh nipis, ye dikebat ngah akagh batang banagh, persis luk punduk, buatan bangse manusie waktu cakagh rejeki masang tali jehat mangse di bukit ringgit, anye ukurannye lebih besak, pukoknye muatlah kalu bangse manusie ndak ngadekah pantauan setalang kecik.

                Nage Dedaup begelung di dalam punduk tu, anye palaknye dide agi cungak ke pucuk luk tapa beghendam, palaknye disandangh kah saje ngah tumpuan gelungannye, anye tetap matenye tepejam jangah jegil dikit kilah, ape lagi sempat nginai tuape saje, mpuk itu gangguan besak, ngah ndik pule pacak ndak ngibaskah ikunye, mpuk ade pendengaghan ye aneh-aneh tetap diam saje, kalu di dalam buku sighat tungkat sulaiman, halaman 32851, tande-tande kah behasil Puase Tapa Geni, mulut nage lah ndak ngangah saje, mpuk ditahani masih ndak tengngah tula. Sehaghi, due aghi, lah dijalankah li Nage dedaup, pas akhi kelime mulailah mulutnye lah bejapih ndak tebukak saje, nah…pikir nage Dedaup kalu nguk nian kah kelaughlah tungkat sakti sulaiman…anye nage Dedaup tetap diam saje, padahal tehase di ikuknye ade ye ngigit-ngigit dikit, entah tuape ape tikus, mesang, ape setue dide dipikirkannye li nage Dedaup, ini gangguan saje pikir nage Dedaup, die terus mbace mantera yelah diapalinye dalam buku sighat tungkat sulaiman. ………………pas akhi ketujuh, mulutnye tebukak nian, ngah tehase li nage Dedaup taring ye lah diganti ngah bende tekehas tu lah manjang, anye matenye belum behani die buka, nuruti buku petunjuk, dide lame tambah panjang-tambah panjang gigi taringe sebelah kanan tu, ntah apaitungan detik ape sekejap mate ndik keruan pokoknye gacang kiamat, die juluw keluar…dan langsung lepas  giginye tadi, mpai itulah matenye jegil kanye, sate jenggil tekinaklah li nage dedaup benda panjang alap luk tungkat persis ye digambarkah dalam buku sighat tungkat sulaiman…kalu pembace ndak bayangkah tungkatnye ndik bejauhan ngah tungkat emas ye di filmkah li….ngah dibintangi li Rezah Ardian ngah Nicholas Saputra, bentuk palaknye persis bunge teratai mapai ndak ngembang tebukak dikit, dibawahe ade getatnye dikhiasi berlian nage lime ye jadi rebutan bangse manusie tu, kalu tungkatnye beukiran nage Geurut jak di Tingkok, panjange kire-kire setengah badan nage Dedaup, besaknye kire-kire sebesak batang pinang utan,  yak kate nage dedaup luk mane mbawe tini, anye tehingat li die dalam buku petunjuk bagain terakhir, kalu lah keluagh tungkat sakti suliaman, parakkah saje ngungus, mangke tungkatu kah ngcik langsung ngah ngulang jadi gigi taring ngah langsung melekat luk taring biase, kalu tepakse tinggal panggil saje mangke tungkat tu langsung keluagh ngah pacak digunekah ndik melawan musuh, kalu lah tepakse kekuatan lain ndik mempan agi, itu petunjuk dalam buku tu.

                Bukan main riange Pangeran Nage Dedaup sate dapat tungkat tu, saking kah gembiranye ikunye ngepas-ngempas ke tanah, sehingge punduk badahe tapa geni rubuh, ngah lah tekisal gale beamburan lah kemane-mane, nginai kelakuan nage dedaup luk itu, nage Jokoh Raden, ketakutan lah ndak belaghi, anye keruan li nage dedaup, mangke dipantaunyelah nage ye setie nungguinye tu…mpai ngancap nage Jokoh Raden…sate la parak mpai nage Dedaup ngumung…maaf nage Jokoh raden, aku lah merusak punduk buatan kabah, aku tadi dide sadar saking riangnye ndik keruan bahwe aku dibawah punduk buatan kabah ni,…kate nage Jokoh raden…ndik ngape punduk tu sengaje aku buat ndik tuan Pangeran Nage dedaup…itulah ye pacak aku siapkah…anye aku tadi agak ngeri nginai Pangeran nage Penguase Marge, ngape pas aghi kelime sampai akhi ke Tujuh mulut Pangeran Nage tengangah saje…aku kesian bukan Pangeran nage Kehausan ngah kelapanghan belum makan lah ndak setengah bulan jaj mulai beghendam tadi…anye aku takut pule pangeran nage dedaup lah bepesan ndik boleh diganggu li tuape saje…mangke aku diam saje….Au, kate nage dedaup terime kasih ngah bantuan serte kesetiaan kabah lah njagei aku di sini…dide kah tebalas budi iluk kabahni…Aku…kate nage Jokoh Raden ye merase terhurmat, tuan Pangeran nage Dedaup Raje penguase Marge Ulu sudi dibadahku ye sepi ngah karut ni sampai agak lame…anye aku boleh betanye…sebenarnye tuape ye Pangeran Gawikah di sini, abis Beghendam sampai lubuk aik nipis tekehing, udimtu langsung begelung dalam punduk ni…

Sambil ngisap napas panjang Pangeran Nage Dedaup penguase marge ulu ye bijaksane ngah sangat bewibawe ngicik….ngape ndak keruan nian kabah…kate nage dedaup sambil tesenyum riang…au kate nage Jokoh raden…juge sangat riang nginai, rajenye sumeringah luk itu…akh…kate nage Dedaup…mane makanan ye kabah siapkah…maaf Pangeran nage Dedaup…aku hampir lupe nyembawekannye…masih ade Pangeran…kuperikse saje masih iluk gale, aku ibatkah ngah daun pisang belapis-lapis ngah kutimbun pasir di sebelah tu…aku ambik kudai Pangeran….au ambiiklah sambil makan kele aku ceritekah…ndik ngcik agi nage Jokoh Raden langsung sausut naghik ibatan ye besaknye hampir mbak tengkiang tunggu tubang parak dusun…sate sampai dilekhainye gale kebatanye ngah pembungkusnye…bkan main riangnye Pangeran Nage Dedaup nginai makanan kegemarannye, tuape panggangan mangse Badas ngah kebau Cukuw, …waw kate Pangeran Nage dedaup dimane kabah gulih tini…pacak nian kabahni ngah makanan kesuakaan ku…au Pangeran, aku pecak lame ngabdi di badah pangeran di Kerajaan Tebat Dedhuk…mpuk bukan bagian aku nyiapkah makanan pangeran anye aku tanyekah tuape kebilan pangeran tu…calak nian kabahni kate pangeran Nage Dedaup…aku sangke semudur luk kebanyaan jurai kabah di seberang sane…au pangeran kate nage Jokoh Raden sambil nyilahkan Pangeran nage dedaup makan…

Sambil jilati badanye Nage Dedaup, ndak mulai majuh….betatktuplah Nage Dedaup makan pajuhan lemak tu…dide lame lah banci iabatan tu lah ngeliat-ngeliat…Pageran nage Dedaup kekenyangan…Hampir lupe pule janji Pangeran Nage dedaup ndak ceritekah tuape gawinye bebehape aghi di wilayah Nage Jokoh Raden…anu…kate nage Jokoh Raden…kate Pangeran ndak ceritekah tuape gawian di badah kami ni…hahaah…tetawe ngakak Pangeran Nage Dedaup… kabah ni pintar nian dide lupe tuape ndak ditanyekah…aku kate nage dedaup…abis baguan dibadah aku waktu ngawinkah anakku ngah Ratu daghe Putih Ngah Pangeran Prabu Milih…anak Nage Senior Nage Inim…mintak ilmu kesktian ngah warangan ku…nah saratnye dalam buku ini…sambil ngancakkah buku tebal palang tu…ndak ngadekah ritual ye lah ku jalani tadi…dan sykur lah udim gale temasuk aku lah ndapatkah tungkatnye…yak kate nage Jokoh Raden…mane tungkatnye dide tekinak li ku…itulah namenye tungkat sakti sulaiman…dide sedakde jeme pacak nginainye…tungkatnye la hade ngah aku…tambah tengangah nage jokoh raden…diceritekah ade tungkat…menurut die selame die nunggui pangeran betapa…dikbide tungkat…tapi pangeran Nage Jokoh raden ndik behani nanyekanye…Ai…kate nage Jokoh Raden, syukurlah kalu luk itu…Pangeran ye tekenal sakti berarti lah nambah agi kesaktiannye, tambah aman daerah kiteni pangeran…Mudah2an kate Pangeran Nage Dedaup…singkat cerite, udim itu pangeran Nage Dedaup ndak pamit balik…kele curigah pule ratu Pancur Ringkih bininye kalu lah lame ige ngelam… penuh hormat nage jokoh Raden mempersilahakn pangeran Nage Dedaup Balik ke badahe di Istana danau Dedkhuk….

Nah…Cung Kele aku ceritekah ye lebih seru agi…jadilah kudai, aku ndak tiduk.

Au…Ning…terime kasih,

Kamsia Apresiasi

Ceruk Kamar, 28 Mei 2016.