Cerite Rakyat "NAGE DEDAUP" Bg.KE-21.
CERITE NAGE DEDAUP “BAGUA’AN BESAK” Bg.-21
Luk
la udim di ceritekah waktu persiapan pernikahan, mpuk mendadak acaranye, anye
persiapan luar bease, tuape kalu di kerjekah li Pangeran Jokoh Jeghing ye punye
usahe Weadding Organizet (WO), tekenal mance negare, mane alap ngah gancang.
Lah ku ceritekah ngalahka persiapan pernikahan Ibas ngah Aliya, kalu acere
Gibran ngah Silvi, masih jauh nian tinggal, mpuk Gibran tu punye usahe hibat di
Solo ye ahli mbuat martabak booth Markobar, anye kate sultan HB Ke IX telalu
manis banyak ige gule. Namenye martabak pasti manis, kalu n’dik manis namenye
“serabi” tuan Raje, anye lain lidah lain pule peraseanye, same ngah jeme sunda
bekawan ngah jeme Padang, kate jeme sundah alangkah pedasnye sambal lado jeme
padang, cabi ijau di tutus-tutus saje, mangke dimakan, kate jeme padang blum
sebehape, masih hibatlah jeme sunda, beli tahu sebuah ngambik cabi embun segengam
batin besak. Anye kalu bangse nage biase saje die makan sambal tepedas di dunie
ye namenye Pure Capsaicin ye ukuran pedasnye 16 juta SHU (Scoville Heat Units),
ye sedang ukuran jeme semende ngah besemah sambal calok panggang ngah tungdire ngah
cabi embun tutus, ukuranye paling tinggi kire-kire 5 juta SHU, kalu ditambah
ngah sahang mpai kire-kire 7-8 juta SHU, sate makanye lah becucuan peluh dikening,
sampai ke selang balung, ngah lah sentak-sentul pule, idunge luk jeme bidapan
selme, seghambal ni di idangkah pule di acare baguan nage ni, ye khusus di
buatkah li bini Nage Bringsang, keturunan nage Marsaung.
Selesai
acere makan besame ngah ndo’a selamat abis Ijab Kabul, dik bejedah agi pesta
rakyat para nage langsung saje, protukul ye lah tekenal pangeran Angse Due,
pacak nian pule nyusun acare ngah ngajung para nage tekakak-tekikik, au n’die
Pangeran Angse Due juare stand up komedi dunie, kalu ukuran Dudit, Radit,
Mungul ye name aslinye Runi Imannul, Suleh Sulehun, Rian, Irnis ye meragami
Gibran di acare Mate Najwe, Kemal, Babe, Fikuh, Gilang, Ari Kriting, Achuk, Buris
si kundektur, kecik nian kalu dibandingkah ngah Pangeran Nage Angse Due, paling
mpai beimbang kalu di parakah ngah Russel, Cak Luntung, Eddi Griffin, Jim
Jeffiris, louis C.K, atau ngah Panji Pragi.
Pangereran
nage Angse Due, langsung crucus mbuka acere resepsi pernikahan… Sedakde tamu undangan yang ku hurmati ngah kedue ikuk nage
mempelai ye berbahagie ngah saling jelling saje, persis luk nage juling ngintif
mangse, belanjut ngah due besan, ye lah ngapit kidau kanan, kate Nage Angse Due…alangke
baiknye acare ye amat sakral luk ini
kite mulai saje.
Hadirin tetamu
ye saling hurmati, malam ye indah penuh suke-cite ye kite rasekah, karne pade
malam ni. Nage seniur, tuan agukan ngah pihak warangan ngah undangan parak-jauh
sedakdenye pacak nunggu’i aguakan ye sangat rami, ye diadekah li Pangeran Nage
Dedaup ngah bininye Ratu Pancuw Ringkih.
Anande Pangeran Nage Prabu Milih Putri tetue jak nage
Seniur Paduke Tuan Nage Inim, ye n’dak ujug belagak saje ngah endunge Ratu
Pandan Ulang jak di Cughup Bedegung menikahi Anande Ratu Daghe Putih, anak
sughang semate wayang ye mulye paduka tuan Pangeran Nage Dedaup ngah
endunge Ratu Pancuw Ringkih di danau Dedughuk ni..
Udim Ijab
Kabul tadi mereke lah bejanji “Menjage rase cinte untuk terus besame di atas
rase sayang ngah bejalan ngah rase rindu
ngah terus menyatu, mbulat luk anak batu ngah lekaghe, aku n’dak besame mu nuju
cite ngah ase, nuju harapan ye
nguk-nianye untuk mendapat rase setuju rakyat marge”, Sungguh indah ngah mulye cinte ye lah mereka bine.
Hadirin, para
nage ye lah jelantui ngah tejuluw lidahe, nginai pendaian alap Putri Jelite
Nage Daghe Putih ye tetap kami hurmati, tulung kinai dikit singgasane calon
raje ngah calun ratunye iluk, alap ngah ringkih luk di negeri luar sane, ini
buatan kedue mempelai dalam memadu cinte,
selame Pangeran Nage Prabu Milih Betandang di Marge Ulu ni.
Hadirin ye
mulye, dide banyak agi acare ye di tampilkah di acere ini, karne ye pukuk-pukuk
lah di adekah waktu Ijab Kabul tadi, anye ade dikit permintaan jak di tuan agukan,
tadi die minta tolong sampaikah ngah nage banyak ni, bahwe ade tamu jauh jak di
negeri Amazon sane, ye arungnye dide same ngah kebanyakan nage di sini, beska
bulat panjang, besisik ngah warne kulitnye ijau tu, kebetulan die sempat datang, n’dak becerite
sekalian ngasih semangat ngah kite sedakdenye di bumi ulu aik marge Dedaup ni…nah
aku n’dak minta pesetujuan ngah nage sedakdenye..ape diajungkah Pangeran Nage
Ijau Kakang angkat Nage Tuan Agukan….? Ku ulangi agi…kate Pangeran Nage Angse
Due minta kesediaan waktu ngah para nage seniur, nage marge ngah undangan…apekah
diajungkah nage Ijau ngumungi kite banyak ni…?, sehempak para nage ye duduk
bebaris di bawah bangsal tu…n’jawab….setuju,…setuju…, persis luk mase kampanye bangse
manusie, ye lah udim di kasih ibatan duit li kandidat ye n’dak urasi, ade juge
ye nyeltuk di belakang…nampaknye Pangeran Nage Tumutan Tojoh…nambihi…setuju,
anye jangah lame ige…la lapagh…, nenghagh jejehan Pangeran Nage Tumutan Tojoh
ye dik kekelah majuh ilok tu…ye lain tekakak gale.
Ai…ning lame
nage Ijau tu…pidatoh…Lame biase nage calak, kalu ngumung..dik udim-udim..anye
lemak neghaghe…kalu luk itu aku ning…istirahat kudai…pagi n’dak sekulah akap…au
tiduklah Cung…(Alias Bersambung).
Komentar
Posting Komentar