“TUAGHAN KEGHAK NASI” Penyebab Si Pahit Lidah Takut Ngah Puyang Semende”

“TUAGHAN KEGHAK NASI”
Penyebab Si Pahit Lidah Takut Ngah Puyang Semende”
Kalu mbace cerite legenda atau hikayat ntah juge mitos atau mungkin fakte…di Sumatera Bagian Selatan hampir sedakdenye keruan ngah puyang sakti “si Pahit Lidah”, apelagi lmbak kini aghi lah difilmkah tambah banyak jeme pacak ngah puyang sakti Mandarguna, ye pacak dawaikah tuape kilah jadi batu, kalu dikicik kanye njadi batu mangke dide pacak agi betangguh, langsung njadi batu. Lah banyak buktinye ye lah njadi batu, ade ye sedusun jadi batu gale, karne pas puyang si pahit lidah singgah di dusun itu dikbedie ye bebase ndak ngajaknye singgah, ape lagi ngajak temalam ngah nyuguhi makan, ade pule ye dang ngilik anak dawai kanye pule njadi batu, ini ceritenya lain lagi, ye ibat lagi setue…dawai kanye pule nyadi batu pule…, bukan ye benyawe saje ye didwaikanye nyadi batu, ye dide benyawe pacak pule nyadi batu.
Ade cerite awalnye waktu si pahit lidah mpai udim betapah nuntut ilmu di bukit siguntang selame due ratus tahun sake tige, ngah hyang Maha Meru atau sebutan lain pule Hyang Maha Sakti Maha Merah, nath ye mane ye benangh…, si pahit lidah ndak ngetes, nguk nian ilmu ye dienjukah li Maha guru hyang Maha Meru ni, nah waktu beghadu di pejalan jauh, si Pahit Lidah ndak beghusap di pinggir Danau Ranau tekinaklah li die ghumput lalang beghugak saje, awak dide di embus angin,..aku cukakkah kudai ilmu ni, pacak dide kalu ghumput lalang ni kudawaikah njadi batu…, langsung si pahit lidah ndawaikah lalang ye beghimbak saje awak dide ditiup angin…tuape dikate sedakde ye kinaan diijat mate puyang si Pahit Lidah di pinggir danau Ranau tu njadi batu gale…ai…pikir si Pahit Lidah, nguknian ilmu ni…dide main-main…awaslah si Kedacal Pangeran Tebing Kele ye lah ngalahkah aku dulu, sku kslsh tu, ksrne biniku nunjukah pantanganye…ku dawaikah nyadi batu takaranye, lanang sughangtu tecungkuk tulah dide kah pacak beghimbak agi…,
nah-nah alangkah gerut puyang sughang ini..pukuknye kalu die dide ribang dawaikanye tulah langsung jadi batu…kalu adik sanak ndak nginainye berayaklah ke, Desa Pagar Alam Pagun, Kecamatan Pulau Pinang, disitu ade setue ye lah di dawaikanye nyadilah die batu, ye disebut mbak kini aghi ngah “Batu Macan”, diparaknye tu ade pule kerbai ngilik anak njadi batu pule, ceritenye kerbaitu galak nggergau anaknyetu pule, lahir dide keruan bapange…jadikanye batu saje pikir Si Pahit Lidah, betine ini dide biris nian, lagi pule si Pahit Lidah masih ade dendamnye ngah betine ye galak behianat.
Anye alangkah ruginye si Pahit lidah ni, ndawaikah gadis putrid raje Ogan ye alap palang tu…njadi batu pule, gara-gara putritu dang mandi di sungai Oagan tu, ditegur li puyang pahit lidah dide nimbal, ai pikir si Pahit Lidah alangkah langguknye betine ini luk batu..njadi pule batu putri Ogan tu…ai awak lah lame dide bebini si Pahit Lidah ni lemaklah jadikah bini saje, ngape dijadikan batu gale, alangkah ruginye…, kalu didawaikah bisu masih lemak juge, paling-paling dikicikah jeme..Cantik-cantik anye bengal….heheheh sebenarnye banyak ye lain didawaikah li puyang si-Pahit Lidah, luk jeme dang nuntuk dilesung dawaikanye pule njadi lesung batu.
Kalu diajungkah ahli purbe kale, aku yakin masih banyak peninggalan akibat kerje si Pahit Lidah ni, mbak kini tebukti banyak agi ditemukah ye lah njadi batu li kesaktian puyang ni, bahkan ade sedusun ye lah njadi batu gale (ini ndak ku ceritekah di lain episode "Dusu Lengit, Ulah si Pahit Lidah)…hampir di daerah Sumatera Bagian Selatan (temasuk Bengkulu, lampung, Jambi dan Sumsel) ade gale, mulai dari lunjur Musi, parak Gunung Dempo, sampai ke daerah pesemah libagh ade gale, di Bengkulu di daerah Gajah Mati juge ade, temasuk katenye die bekubur di situ, entahlah ade pule ye ngicikah kuburan Patih Gajah Mada, kite tunggu saje hasil penelitian ahli purbe.
Anye ade ye dide pacak dimasu’i li si pahit lidah luk daerah pegunungan semende, nah inilah ye ndak ku ceritekah ngah adik sanak, ngape di daerah itu dik bedie peninggalan kutukan si pahit lidah.
Di dalam tembe semende lame, cerite si Pahit lidah ni ade pule, luk lah kukatekah di awal tadi waktu si Pahit Lidah udim beguru ngah Hyang Maha Merah (Meru) di Bukit Si Guntang, singgah di danau ranau udimtu die ndak melanjutkah pejalan ke daerah Pesemah Libagh, badah die bekebun dulu ye nyebabkah die belage ngah lawutanye gara-gara beghebut tighaw emas tu…keruan li adik sanak pejalanantu…kalu dari danau Ranau ndak ke Besemah Libagh…pasti melalui semende Panjang…nah pas die melalui semende panjang itulah die, tekinak ngah tuaghan Keghak ye bebaris di pinggir Ayik Suban..sate tekinak ngah tuaghan keghak tu…teghingat li die pesan gurunye Hyang Maha Meru dulu…pesannye mpuk ilmu ye lah kuturunkah ngah kabah si Pahit Lidah lah tamat gale…kate gurunye…jangan nian kabah ndawai atau ngutuk makanan jadi batu…itu pantangan, au nian kalu batan bajuhan lah didawaikanye njadi batu, pacak kelapaghan gale jeme banyakni,,,temasuk ye dide besalah…ye pacak ndawaikah makanan jadi batu anye aku ye nggunekanye…ngah kalu ade berarti ilmunye lah same ngah kesaktian aku…
Ai pikir si Pahit Lidah…alangkah gerut penguase daerah ini, paling dide same ilmunye ngah guru aku di Bukit si Guntang…udelah pikir si Lidah Pahit…aku dide ndak singgah ke daerah ini…bahaye, bediamanlah die melalui daerah semende libagh tu, takut kale ade ye ngina'i, lagipule pikir si Pahit Lidah, tujuanye belum telaksane...nadak mbalas dendam ngah Pangeran Aria Tebing, ngah ndak marahi binie ye lah behianat nunjukkah pantangan kesaktianye…
Ngape pule...puyang semende ni ngarangi keghak di pinggir aik Suban tu, rupenye lah keruan di puyang semende, bahwe ade puyang sakti ye mpai njebul di wilayah batang aghi Sembilan ye gerut kiamat, tuape di didawaikanye njdai batu tulah…ai pikir puyang semende bahaye kalu luk itu, ntah takut…ape rendut dide keruan nian…anye tepikirlah li Puyang Semende…biasenye mpuk sakti kiamat pasti ade kelemahannye…mangke die beusaha ndak cakaghi kelemahan Si Pahit Lidah…lah keruan li die, guru si Pahit Lidah tu Hyang Maha Meru ye sakti kiamat tu, temasuk daerah semende panjang dibawah pengawasan Hyang Mahasakti Maha Meru..., kebetulan puyang semende ni juge punye hubugan kerabat jauh ngah Hyang Maha Sakti Maha Meru, ah kalu luk itu aku ndak minta tulung saje ngah Hyang Maha Sakti Maha Meru…kebetulan aku lah lame dide datang ke Bukit Siguntang, skalian ndak melaporkah keadaan di semende libagh, kepade hyang maha Meru…penguase seluruh dunie pesilatan di wilayah Batang Aghi Sembilan…karne waktunye lah mipit…dide mungkin agi datang ke situ…die gunekanye kesaktian bekendak jak dijauh…tuape amu same-same sakti langsung nyambung…diceritekenye galelah keadaan di Semende panjang…ngah situasi gawat ye mungkin saje tejadi di daerah kekuasaanye….langsung disampaikanye li Hyang Maha Meru…bahwe kesaktian Si Pahit Lidah…ye belum ku enjukah same dengan ye lain…bahwe die dide kah pacak kalu ndawaikaha bahan pajuhan njadi batu…nah kabah pikirkalah…kire-kire luk itulah ye kerendutan Si Pahit Lidah…
Lame temenung Puyang Semende Libagh ni…tuapelah kire-kire ye pacak diancakah ngah si Pahit Lidah mangke die ade rendutnye, ape beserungkup saje dibawah ladung padi, ape ajungkah rakyatni bebaju jeghami padi saje…pukuknye lah macam-macam renunganye…kire-kire tuape ye ndak diancakah ngah Puyang Pahit Lidah ni…disingkatkah ceritenye…ngape pule si Puyang Semende Panjang ni Tekinak ngah gantuang keghak bawah lantai di dapuwnye…nah kalu ini lah, ye pacak nangkal kesaktian…dide bepikir agi..langsung diperintahkanye rakyat di semende panjang tiap ghumah nuagh keghak ngah gantungkah di sepanjang ayik Suban…tuape amu lah diajungkah penguase, dide bedie ye beghani betanye apelagi kah nolak, ngah nye pule kerje tu dide pule sare nian…lagi ye beghat lagi di gawikanye kalu lah diperintah li penguase…itulah mangke tejarai karangan keghak sepanjang aik suban tu…wal hasil tenyate kerjenye ni terbukti mujarab…
Nah itulah adik sanak mangke di Daerah Semende Panjang tu, dikbedie peninggalan kutukan si Pahit Lidah, karne puyang si Pahit Lidah dide beghani masuk ke marge itu…heheh entahlah ini hayalan saje…dide bedie sumbernye ye luk itu.