CERITE RAKYAT NAGE DEDAUP EDISI KE-24 “Nuntut Ilmu Tungkat Sulaiman”
CERITE RAKYAT NAGE DEDAUP EDISI KE-24
“Nuntut Ilmu Tungkat Sulaiman”
Kusambungkah dikit cerite ye lalu edisi ke-23, maaf lah lame nian dide sempat ku ceritekah, maklum lagi banyak ye ndak dikerjekah, nah aku ceritekah agi kisah nage Dedaup, mangke nyambung ku ulangi dikit cerite ye lah udim…..ye ceritekah wejangan atau nasihat perkawinan ndik pangeran Parbu Milih bin Pangeran Nage Inim ye begelar Nage Senior Penguase jagad Lubuk Cughup Bedegung alias Pangeran ndak Belagak Saje ngah Ratu Daghe Putih Binti Pangeran nage Dedaup Penguase Danau Dedughuk, ye lah disampaikah li Pangeran nage Ijau alias Pangeran nage anak Konadah jak di Berazil.
Adenye nasihat panjang libagh, lah nambah ilmu ndik ke due mpali pengantin anyar ye kah menjalani kehidupan panjang suami isteri pewaris tunggal tunggu tubang di Danau dedughuk. Artinye hampir seluruh urusan baguan lah udim gale, apalegai do’a penutup lah disampaikah li Nage senior Pangeran nage lematang penguse Lubuk Kebugh ngah Pasemah Libagh lah udim pulu, mbak kini acearenya ucapan selamat jak di kerabat ngah undangan lah udim, pule seluruh tamu undangan ngah tuan rumah same-same makan besak ye lah diidangan kah li anak kandang ye dipimpin langsung li Pangeran Jokoh Jeghing ye diawasi li meraje pangeran nage Beringsang jak di Muara sahung….acara makan besak dimulai li pasangan penganten, diikuti kedue pasang jeme tua memplai serte sebagai penghormatan ngikut Pangeran Ijau ngah seluruh pangeran senior…seterusnye mpai makan para tamu undangan serte adik sanak sedakdenye….
Diacere makan besame tu, Pangeran Nage Dedaup ye separakan duduk ngah warangannye Pangeran Inim, ngulang ngingatkah keinginan die ndak nyambut ilmu tongak nabi sulaiman ye tekenal ngah Ilmu “Tongkat Sulaiaman Penebuk Bumi, Penusuk langit” ye lah dijanjikan li Pangeran nage Senior Nage nim waktu acare Beghendam di pelilihan Danau Dedughuk, antakkah baguan…
Pangeran nage Dedaup, dengan suare setengah bebisik ngah Pangeran Senior Nage Inim ngomong…Pamanda Nage Senior, mpuk mbak kini status kite lah sewarangan, anye aku masih kah betutuwan…manggil kamu dide kah bekakak luk adat kite…aku dide lemak…ngah pule aku ndak menghormati bapang aku…aku tetap…kah manggil kamu pangeran Senior,…Nage Inim nengau jijihan pangeran nage Dedaup luk itu…tambah dedengus saje idunge ngah cupinge begerak-gerak…maklum nage Inim ni tekenal ndak ujug saje…ngah lah sesuai ngah tabiatnye ndak belagak tula, ngah ndak ghulih tulah, takut nian kalu kah rugi dikit, itunganye selalu ndak untung tulah…Au..kalu kate kabah luk itu…kalu aku ni nurut saje kekendaan kabah…ngah jurai di ulu ni, kalu kate kabah luk itu aku juge tetapkah nganggab kabahtu ponaan tulah mpuk kite la sewarangan…aku juge diklemak ngah almarhum bapang kabah…kami tu sekawan nian rasenye dik pacak dipisahkah…sayang anye jeme tue kabah umur pandak…kalu die masih idup alangkah riange die pacak nunggu’I kite la sewarangan…Au kate Pangeran nage Dedaup Penuh hormat, sambil terus nyilahkah tamu undangan ngabisi makanan ye lah diidangkah…
Udimtu Panger Nage Dedaup, ngulang ngecek ngah pangeran Nage Inim…Pamanda Pangeran Penguase Cughup Bedegung Raje-diraje lawang Ngidul ye kami hormati, aku kate Pangeran Nage Dedaup…ndak ngulangi permintaan ku dulu…aku ndak ngambik ilmu kamu Tungkat Sulaiman ye lah tekenal di dunie persilatan para nage…kire-kire kalu lah udim gale urusan kite ni, Pamanda dide kah keberatan nurunkah ilmu tu ngah aku…?, Pangeran nage Inim sambil, ngambik napas panjang, ngah suare mendesah, sehingge para tamu undangan…ye lagi makan nginak gale ngah jeme sewarangan tu…mak lumlah para nage kalu ade ye serius lah jadi nalurinye, keruan li para nage tande-tandenye….nginaki kelakuan nage sewarangan tu…nage Ughan ye tekenal perangsangan ngah ndak marah saje, anye urusan iluk ngah urusan jahat, selalu ringan tangan ngah galak mbantu…sempat nyeltuk…Oi Tuape Kamu due rencanekah, sangkan serius nian bebisi’an tu…ngah tande khusu ye dipahami li nage seniur saje…nage Inim ngenjuk isyarat bahwe ndik bidie ye ndak dirisaukah…anye ngumong masalah tutuan saje…nginak isyarat luk itu…nage Ogan melanjutkah pajuhannye, ye ndik bekurang-kurang di depan badahe duduk…maklum mapai beluak dikit lah diajung tambahi li Pangeran Bringsang…lah penuh agi idangannye…lain pule ngah Nage Ijau ye datang jak di Brazil, slalu dikerubuti li tamu banyak ndak ngajak selfi (alias mbuat kenangan), maklum nage Ijau, ulasnye alap besak panjang licin luk lumut ijau menuhi tebat kraton…pukoknye nage Ijau jadi bintang di acare Baguan besak Pangeran nage Dedaup.
Anu…kate Pangeran nage Inim, lah kabah pikirkan nian akibatnye, kalu ilmu ini betemu ngah ilmu ye lebih heat lagi…akibatnye patal. Ye gunekah ilmu ini lah ku sampaikah nggak kabh waktu kite beghendam di danau Dedughuk…kalu kalah, mangke sape ye gunekanye ndik kah bereti agi, die kah jadi bantang kayu, teapung-apung di tengah sungai…anye kalu kabah lah nikat nian, teserah ye jelas ilmu ini tetap kah ku turunkah…kebetulan kabah lah minta’e, aku dide keberatan…ilmu ini dide pule banyak ige syaratnye…mpuk ade syaratnye pasti kabah pacak menuhinye…kate nage Inim meyakinkah nage Dedaup. Au, Paman…aku lah siap tuape kilah syaratnye aku penuhi,…jadi kate nage Inim…anye nunggu para tamu ni balik gale, dide lemak kite ngelam bedue tamu masih banyak…kalu tamu dalam ghumah ndik ngape…Au kate Pangeran Nage Dedaup.
Singkat cerite, para tamu nage undangan abis makan kekenyangan…lah mulai beguyur ndak pamit ngah tuan ghumah, langsung ndak pamit, karene dik bedie agi acara salama-salaman kalu adat baguan para nage, kalu lah udim negui palak, palak kebau, gajah, macan, sedakde isi bukit ngah danau tu, lah udim tandenye. Lah celucup la itu, ade ye nuju Sungai Inim, ade ye nuju Aik Suban, ade ye langsung terbang…teserah ngah para nagetu kalu urusan balik pacak gale milih ye paling gancang.
Pokoke dide lame udim acara makan besak, mulailah besusut tamu, mpuk tamu jauh, tamu parak same saje…akhirnye tinggalah panitia ngah tuan rumah ye masih tinggal, temasuk pangeran Nage Parabu Milih ngah Ratu Nage Daghe Putih, ndik keruan agi ijat matenye ntah lah kemane pule pengenten baru tu, anye para nage banyak tu lah keruan, gawianye….!. rate-rate lah bepengalaman gale, maklum lah banyak ye bekeluarge…rasenye ndik perlu kuceritekah tuape gawinnye…besingkuh gale.
Tinggalah bedue nage Inim ngah Nage Dedaup, ye sengaje dik begerak di depan idangan ye tinggal badahe saje, isinye lah keghing gale…Udelah kalu luk itu…kate Pangeran nage Inim,…kabah siapkalah syarat-syarat nye…Au..kate Nage dedaup, tuape ye ndak ku siapkah paman, sambil nunduk ngah hormat, ngah warangan barunye ni…Kabah Dengaghi iluk-iluk tuape ndak kabah siapkah, pertame…mangke dide salah urutanye kabah catat saje,…au kate nage dedaup ye ndik sabar agi ndak ndapatkah ilmu ye tekenal sakti mance negare di jagad penagean dunie tersebut…, pertame pasang niat lelaku prihatin, artinye selalu peduli ngah sedakde alam penagean,…carenye kabah ingatkah atau ilingkah, tuape ye kabah merase besalah, kalu lah teghingat, kabah niatkah dide kah ngulangi agi…itu penting nian…keruan kabah carenye, dide ndak ku tunjui agi…au kate nage Dedaup…kedue, kabah cari tuape ye menurut kabah barang atau benda ye paling keras, kalu lah dapat kabah buat persis luk gigi taring kabah, kalu lah udim kabah ganti gigi taring kabh tu ngah benda ye paling keras tadi…paham…? Au kate nage Dedaup, sambil mikir tuape pule barang ye paling keras…pukoknye au kah kudai pikir nage Dedaup, Ketige, kate nage Inim,…kabah bace buku ini, sampai tamat, sambil nage Inim ngeluarkah buku kecik, anye tebal di dalam kandulnye, ikuti tuape petunjuknye…teserah kabah…ndak kebile mulainye, kalu lah udim njuk gacang kabar…ngah aku, itulah syaratnye…dik bedie agi. Anye ku ingatkah agi ngah kabah kalu seandainye lawan kabah rasenye lebih tinggi ilmunye…lebih baik jangan digunekah ilmu ini…kabah kah jandi batang kayu…, mangke pacak njadi nage agi ngguk nage ngalahkah kabah tu kalah li nage lain….
Nah…pembaca mulai dienjukah buku itu, nage dedaup mempelajri isu buku ye di njukkah li nage Inim, ternyate buku itu, isinye bemacam-macam syarat ngah petunjuk care melakukanye, anye karne lah beniat ndak nyambut ilmu itu, Nage Dedaup ade kanye gale syaratnye ngah dibacenye gale petunjuknye,…antara lain:
Sesuai ngah adat kebiasean nage, dalam buku tersebut di ajungkah beghendam sughang di lubuk besak sampai aiyik lubuktu teghing sebab aiknye la abis diminum dik bedie batas waktunye, entah seminggu, sebulan, setahun atau lebih tserah kekuatan nage masing-masing. Ini syarat pokok dide pacak keluar di lubuk mpuk jengal saje.
Sebelum melakukan iktirat beghendam, Nage harus mandi keramas di air terjun cabang tujuh sambil membaca manteranye waktu tengah malam bute sampai tige kali musim bunge. Kalu lah udim manid keramas mpai beghendam di lubuk tadi sambil membaca manteranya sebagai berikut "Putih-putihing mripatku sayidina Kilir, ireng-irenging mripatku segale nage, Telenging mripatku Kanjeng Nage penguase jagad dunie.
Waktu melakukan tapa beghendam, nage dilarang keras ngibaskah ikuknye takut kalu ade aik ye tetumpah keluar pematang. Kalu ade ngibaskah ikuknye mangke ndak diulangi beghendam jak diawal nunggu aiknye penuh agi. Badah lubuk beghendam harus ye paling dalam di tempatnye, jadi ndak disurvey kudai atau diukur ngah panjang badan nage itu.
Nage harus begelung, ngah palaknye ncungak ke pucuk pas ditengah gelungan badanye, Mate Nage harus mejam, walaupun ade suare-suare aneh ye nakutkah, anggab saje dik bedie pendengaran. Napas harus seirama ndik buleh gacang atau lambat ige. Anus (buntut) badah missing harus disempal ngah batang kayu manis, kalu aik lah kering berarti tingkat pertame lah lulus, dilanjutkah ngah ajian tingkat kedue, yakni: Abis tapa beghendam diajungkah makan secukupnye, anye kalau tahan langsung pause selame tujuh aghi tujuh malam, kalau belum juge dapat tungkat ye keluar jak digigi taring ye tebuat dari bahan ye paling kehas, mangke puase diteruskah samapi Sembilan aghi Sembilan malam. Kalu belum juge ade tande-tandenye berati ade kesalahan, mangke harus direnungkah tuape ye nyebabkah belum ade kesaktiannye. Itulah kire-kire isi buku petunjuk ilmu tungkat Sulaiman, ye lah diturunkah ngah nage dedaup…
Udim mbace buku tu…nage Dedaup lah ncakahi badah behendam, ye lubuknye paling dalam di marge dedaup, anye nage dedaup lah keruan lubuk mane ye paling dalam di wilayah kekuasaannye….
Udim kudai ceritenye, kele ku sambung agi…au Ning
“Nuntut Ilmu Tungkat Sulaiman”
Kusambungkah dikit cerite ye lalu edisi ke-23, maaf lah lame nian dide sempat ku ceritekah, maklum lagi banyak ye ndak dikerjekah, nah aku ceritekah agi kisah nage Dedaup, mangke nyambung ku ulangi dikit cerite ye lah udim…..ye ceritekah wejangan atau nasihat perkawinan ndik pangeran Parbu Milih bin Pangeran Nage Inim ye begelar Nage Senior Penguase jagad Lubuk Cughup Bedegung alias Pangeran ndak Belagak Saje ngah Ratu Daghe Putih Binti Pangeran nage Dedaup Penguase Danau Dedughuk, ye lah disampaikah li Pangeran nage Ijau alias Pangeran nage anak Konadah jak di Berazil.
Adenye nasihat panjang libagh, lah nambah ilmu ndik ke due mpali pengantin anyar ye kah menjalani kehidupan panjang suami isteri pewaris tunggal tunggu tubang di Danau dedughuk. Artinye hampir seluruh urusan baguan lah udim gale, apalegai do’a penutup lah disampaikah li Nage senior Pangeran nage lematang penguse Lubuk Kebugh ngah Pasemah Libagh lah udim pulu, mbak kini acearenya ucapan selamat jak di kerabat ngah undangan lah udim, pule seluruh tamu undangan ngah tuan rumah same-same makan besak ye lah diidangan kah li anak kandang ye dipimpin langsung li Pangeran Jokoh Jeghing ye diawasi li meraje pangeran nage Beringsang jak di Muara sahung….acara makan besak dimulai li pasangan penganten, diikuti kedue pasang jeme tua memplai serte sebagai penghormatan ngikut Pangeran Ijau ngah seluruh pangeran senior…seterusnye mpai makan para tamu undangan serte adik sanak sedakdenye….
Diacere makan besame tu, Pangeran Nage Dedaup ye separakan duduk ngah warangannye Pangeran Inim, ngulang ngingatkah keinginan die ndak nyambut ilmu tongak nabi sulaiman ye tekenal ngah Ilmu “Tongkat Sulaiaman Penebuk Bumi, Penusuk langit” ye lah dijanjikan li Pangeran nage Senior Nage nim waktu acare Beghendam di pelilihan Danau Dedughuk, antakkah baguan…
Pangeran nage Dedaup, dengan suare setengah bebisik ngah Pangeran Senior Nage Inim ngomong…Pamanda Nage Senior, mpuk mbak kini status kite lah sewarangan, anye aku masih kah betutuwan…manggil kamu dide kah bekakak luk adat kite…aku dide lemak…ngah pule aku ndak menghormati bapang aku…aku tetap…kah manggil kamu pangeran Senior,…Nage Inim nengau jijihan pangeran nage Dedaup luk itu…tambah dedengus saje idunge ngah cupinge begerak-gerak…maklum nage Inim ni tekenal ndak ujug saje…ngah lah sesuai ngah tabiatnye ndak belagak tula, ngah ndak ghulih tulah, takut nian kalu kah rugi dikit, itunganye selalu ndak untung tulah…Au..kalu kate kabah luk itu…kalu aku ni nurut saje kekendaan kabah…ngah jurai di ulu ni, kalu kate kabah luk itu aku juge tetapkah nganggab kabahtu ponaan tulah mpuk kite la sewarangan…aku juge diklemak ngah almarhum bapang kabah…kami tu sekawan nian rasenye dik pacak dipisahkah…sayang anye jeme tue kabah umur pandak…kalu die masih idup alangkah riange die pacak nunggu’I kite la sewarangan…Au kate Pangeran nage Dedaup Penuh hormat, sambil terus nyilahkah tamu undangan ngabisi makanan ye lah diidangkah…
Udimtu Panger Nage Dedaup, ngulang ngecek ngah pangeran Nage Inim…Pamanda Pangeran Penguase Cughup Bedegung Raje-diraje lawang Ngidul ye kami hormati, aku kate Pangeran Nage Dedaup…ndak ngulangi permintaan ku dulu…aku ndak ngambik ilmu kamu Tungkat Sulaiman ye lah tekenal di dunie persilatan para nage…kire-kire kalu lah udim gale urusan kite ni, Pamanda dide kah keberatan nurunkah ilmu tu ngah aku…?, Pangeran nage Inim sambil, ngambik napas panjang, ngah suare mendesah, sehingge para tamu undangan…ye lagi makan nginak gale ngah jeme sewarangan tu…mak lumlah para nage kalu ade ye serius lah jadi nalurinye, keruan li para nage tande-tandenye….nginaki kelakuan nage sewarangan tu…nage Ughan ye tekenal perangsangan ngah ndak marah saje, anye urusan iluk ngah urusan jahat, selalu ringan tangan ngah galak mbantu…sempat nyeltuk…Oi Tuape Kamu due rencanekah, sangkan serius nian bebisi’an tu…ngah tande khusu ye dipahami li nage seniur saje…nage Inim ngenjuk isyarat bahwe ndik bidie ye ndak dirisaukah…anye ngumong masalah tutuan saje…nginak isyarat luk itu…nage Ogan melanjutkah pajuhannye, ye ndik bekurang-kurang di depan badahe duduk…maklum mapai beluak dikit lah diajung tambahi li Pangeran Bringsang…lah penuh agi idangannye…lain pule ngah Nage Ijau ye datang jak di Brazil, slalu dikerubuti li tamu banyak ndak ngajak selfi (alias mbuat kenangan), maklum nage Ijau, ulasnye alap besak panjang licin luk lumut ijau menuhi tebat kraton…pukoknye nage Ijau jadi bintang di acare Baguan besak Pangeran nage Dedaup.
Anu…kate Pangeran nage Inim, lah kabah pikirkan nian akibatnye, kalu ilmu ini betemu ngah ilmu ye lebih heat lagi…akibatnye patal. Ye gunekah ilmu ini lah ku sampaikah nggak kabh waktu kite beghendam di danau Dedughuk…kalu kalah, mangke sape ye gunekanye ndik kah bereti agi, die kah jadi bantang kayu, teapung-apung di tengah sungai…anye kalu kabah lah nikat nian, teserah ye jelas ilmu ini tetap kah ku turunkah…kebetulan kabah lah minta’e, aku dide keberatan…ilmu ini dide pule banyak ige syaratnye…mpuk ade syaratnye pasti kabah pacak menuhinye…kate nage Inim meyakinkah nage Dedaup. Au, Paman…aku lah siap tuape kilah syaratnye aku penuhi,…jadi kate nage Inim…anye nunggu para tamu ni balik gale, dide lemak kite ngelam bedue tamu masih banyak…kalu tamu dalam ghumah ndik ngape…Au kate Pangeran Nage Dedaup.
Singkat cerite, para tamu nage undangan abis makan kekenyangan…lah mulai beguyur ndak pamit ngah tuan ghumah, langsung ndak pamit, karene dik bedie agi acara salama-salaman kalu adat baguan para nage, kalu lah udim negui palak, palak kebau, gajah, macan, sedakde isi bukit ngah danau tu, lah udim tandenye. Lah celucup la itu, ade ye nuju Sungai Inim, ade ye nuju Aik Suban, ade ye langsung terbang…teserah ngah para nagetu kalu urusan balik pacak gale milih ye paling gancang.
Pokoke dide lame udim acara makan besak, mulailah besusut tamu, mpuk tamu jauh, tamu parak same saje…akhirnye tinggalah panitia ngah tuan rumah ye masih tinggal, temasuk pangeran Nage Parabu Milih ngah Ratu Nage Daghe Putih, ndik keruan agi ijat matenye ntah lah kemane pule pengenten baru tu, anye para nage banyak tu lah keruan, gawianye….!. rate-rate lah bepengalaman gale, maklum lah banyak ye bekeluarge…rasenye ndik perlu kuceritekah tuape gawinnye…besingkuh gale.
Tinggalah bedue nage Inim ngah Nage Dedaup, ye sengaje dik begerak di depan idangan ye tinggal badahe saje, isinye lah keghing gale…Udelah kalu luk itu…kate Pangeran nage Inim,…kabah siapkalah syarat-syarat nye…Au..kate Nage dedaup, tuape ye ndak ku siapkah paman, sambil nunduk ngah hormat, ngah warangan barunye ni…Kabah Dengaghi iluk-iluk tuape ndak kabah siapkah, pertame…mangke dide salah urutanye kabah catat saje,…au kate nage dedaup ye ndik sabar agi ndak ndapatkah ilmu ye tekenal sakti mance negare di jagad penagean dunie tersebut…, pertame pasang niat lelaku prihatin, artinye selalu peduli ngah sedakde alam penagean,…carenye kabah ingatkah atau ilingkah, tuape ye kabah merase besalah, kalu lah teghingat, kabah niatkah dide kah ngulangi agi…itu penting nian…keruan kabah carenye, dide ndak ku tunjui agi…au kate nage Dedaup…kedue, kabah cari tuape ye menurut kabah barang atau benda ye paling keras, kalu lah dapat kabah buat persis luk gigi taring kabah, kalu lah udim kabah ganti gigi taring kabh tu ngah benda ye paling keras tadi…paham…? Au kate nage Dedaup, sambil mikir tuape pule barang ye paling keras…pukoknye au kah kudai pikir nage Dedaup, Ketige, kate nage Inim,…kabah bace buku ini, sampai tamat, sambil nage Inim ngeluarkah buku kecik, anye tebal di dalam kandulnye, ikuti tuape petunjuknye…teserah kabah…ndak kebile mulainye, kalu lah udim njuk gacang kabar…ngah aku, itulah syaratnye…dik bedie agi. Anye ku ingatkah agi ngah kabah kalu seandainye lawan kabah rasenye lebih tinggi ilmunye…lebih baik jangan digunekah ilmu ini…kabah kah jandi batang kayu…, mangke pacak njadi nage agi ngguk nage ngalahkah kabah tu kalah li nage lain….
Nah…pembaca mulai dienjukah buku itu, nage dedaup mempelajri isu buku ye di njukkah li nage Inim, ternyate buku itu, isinye bemacam-macam syarat ngah petunjuk care melakukanye, anye karne lah beniat ndak nyambut ilmu itu, Nage Dedaup ade kanye gale syaratnye ngah dibacenye gale petunjuknye,…antara lain:
Sesuai ngah adat kebiasean nage, dalam buku tersebut di ajungkah beghendam sughang di lubuk besak sampai aiyik lubuktu teghing sebab aiknye la abis diminum dik bedie batas waktunye, entah seminggu, sebulan, setahun atau lebih tserah kekuatan nage masing-masing. Ini syarat pokok dide pacak keluar di lubuk mpuk jengal saje.
Sebelum melakukan iktirat beghendam, Nage harus mandi keramas di air terjun cabang tujuh sambil membaca manteranye waktu tengah malam bute sampai tige kali musim bunge. Kalu lah udim manid keramas mpai beghendam di lubuk tadi sambil membaca manteranya sebagai berikut "Putih-putihing mripatku sayidina Kilir, ireng-irenging mripatku segale nage, Telenging mripatku Kanjeng Nage penguase jagad dunie.
Waktu melakukan tapa beghendam, nage dilarang keras ngibaskah ikuknye takut kalu ade aik ye tetumpah keluar pematang. Kalu ade ngibaskah ikuknye mangke ndak diulangi beghendam jak diawal nunggu aiknye penuh agi. Badah lubuk beghendam harus ye paling dalam di tempatnye, jadi ndak disurvey kudai atau diukur ngah panjang badan nage itu.
Nage harus begelung, ngah palaknye ncungak ke pucuk pas ditengah gelungan badanye, Mate Nage harus mejam, walaupun ade suare-suare aneh ye nakutkah, anggab saje dik bedie pendengaran. Napas harus seirama ndik buleh gacang atau lambat ige. Anus (buntut) badah missing harus disempal ngah batang kayu manis, kalu aik lah kering berarti tingkat pertame lah lulus, dilanjutkah ngah ajian tingkat kedue, yakni: Abis tapa beghendam diajungkah makan secukupnye, anye kalau tahan langsung pause selame tujuh aghi tujuh malam, kalau belum juge dapat tungkat ye keluar jak digigi taring ye tebuat dari bahan ye paling kehas, mangke puase diteruskah samapi Sembilan aghi Sembilan malam. Kalu belum juge ade tande-tandenye berati ade kesalahan, mangke harus direnungkah tuape ye nyebabkah belum ade kesaktiannye. Itulah kire-kire isi buku petunjuk ilmu tungkat Sulaiman, ye lah diturunkah ngah nage dedaup…
Udim mbace buku tu…nage Dedaup lah ncakahi badah behendam, ye lubuknye paling dalam di marge dedaup, anye nage dedaup lah keruan lubuk mane ye paling dalam di wilayah kekuasaannye….
Udim kudai ceritenye, kele ku sambung agi…au Ning
Komentar
Posting Komentar