CERITE RAKYAT NAGE DEDAUP EDISI KE-23 “NASIHAT PERKAWINAN NAGE IJAU”
CERITE RAKYAT NAGE DEDAUP EDISI KE-23
“NASIHAT PERKAWINAN NAGE IJAU”
Lah udim di tulis di bagian ke-22 ujunge aku, kupikah dikit, mangke nyambung li ye galak mbacenye, maklum lah lame, di pacak ku ijekah banyak nian kerje ye meningkah palak ni…ini die ujung cerite idisi ye lalu:
MISTER DRACO SENIUR, POROCERES PARALGATUS. PRINCIPUM ET REGUM DRACO ARCHIPELAGO, GEMAH TERRA LOH JINAWI.
Pengantin Nage Dahe Puteh ngah Pangeran Nage Parbu Milih, khusus ngah kamu bedue ye mpai udim ijab-kabul, ye cengangas-cengingisan saling jelling saje, ade beberape pesan ye perlu ku sampaikah ngah kepunakan bedue.
Kalu lah bekeluarge, ade ye pantangan ye ndak kamu tinggalkah, ade kewajiban ye harus dilaksanakah, mpuk aku jauh di ujung dunie sane anye aku keruan adat marge, pakailah adat itu ye lah diwariskah li leluhur, terutame ndik, tunggu tubang, ade due simbul adat marge ye melakat, luk tebat, nah jage nian simbul ini, mpuk kamu dang bebantah laki-bini, jangan nian tedenganhg li lautan ape lagi li ntue meraje, kalu pacak ndik pule ndak bebantah, bukan musime agi bebantah tu…segale gawi dimusyawarahkah. Ye simbul kedua, tubang maksudnye, tuape kilah ye kah njadikah aip, kalu ade ye dengagh, mangke jangan nian di sebarkah ngah dusun laman, cukup kamu bedue saje nyimpanye. Ade juge ye ngicikah Guci, ye melambangkah pacak besimpan, anye menurut analisku, guci melambangkan kebersihan, biasenye guci di tepikah parak tangge di isi ayik, ngah disiapkah penciduke, kalu ndak naik keghumah bebasuk kudai, biasenye dulu tu jarang ye beterumpah, lain ngah jebuk ye badahe di dalam ghumah.
Ade juge pantangan bagi tunggu tubang te ambik anak, khusus ndik Pangeran Prabu milih, jangah agi mbatak adat lame jak di jurai kabah, ngikutlah adat marge betine, jangan nian kabah nampagh lautan, pacak tekambing, jangah pule mbantah umungan mentue, mpuk ndik setuju diamkah kudai kele kalu die lah udim ngumung, mpai kabah ngenjukah pendapat biasenye kalu pendapat kabahtu iluk, jeme banyak kah nurut, ye dide lemak nginae jangan nian kamu bedue tiduk ngindang aghi, mpuk ngantuk nian tahankah.
Pantangan nian tunggu tubang adat marge, ngelambukah sawah, mpuk payah kiamat anye beguyur, kalu ndik tegawi agi, ajungkah jeme lain, ndik ngape kalu diupahkah atu di paruhkah ngah jeme lain ye penting jangan kurang, majuh. Kalu jeme berayak njuk ayik angat, maksudnye buatkah kupi, kalu die lah lame, ajungkah bini kabah betanak, sembaweyi makan, mpuk die lah udim makan dibadah jeme lain, anye masih ndak diajung makan dikit jadilah. Itu namenye adat betungguan. Kalu jurai ade urusan iluk ataupun urusan sangsangan gacang ndatanginye, dide ndak pesankah kudai mpai datang.
Ai…kate pangeran nage Beringsang, alangkah paca’e Pangeran nage Anak Kondah, ceritekah adat marge, pantas Nage Dedaup ngajungkah die pidatoh. Nian gale ye di umungkanye ni. Lain pule kalu Nage Ugan jijihannye, sambil kemibuk ndik benege cekuli pajuhan ye di mijahe,…Udelah ndik pule ndak dinasihati agi, jeme duetu lah besak, sangkan la sanggup njujungkah jurai adat marge li lah ngerti gale urusanye…pacaklah ndunge nujukinye…
Nage Ijau neruskah petuahnye, kalu kami di Barzil sane, mimang ndik bedie adat marge ye luk ini, anye urusan bekeluarge tetap njadi perhatian besame, biasenye kalu di Brazil terutame adat Amazon badah kami sekeluarge, kalu ndak bebini biasenye lah disiapkah gale li calon penganten tulah, kalu ndak baguan besak, ndak besiap kudai duit banyak, jadi disane kalu ndak pesta besak luk aku kinai disini, berarti calon pengantentu jeme kaye…kalu disini aku tanyekah tadi ngah adingku Pangeran Nage dedaup…segale biaye ditanggung li bapange, berarti lah lemak ige kamu bedue ni lah disiapkah gale li ndung-bapang. Anye di Brazil mbak kini adatnye lah banyak berubah, kalu pesta besak, same ngah jeme ujukan ndak nyumbungkah bangse die tu jeme beduit, padahal gulian ngutang gale, ungkus ndik baguan tu, sate udim baguan pening pala’e banyak ye nagih utang. Mangkenye kalu pacak jagelah adat margeni, jangan sampai berubah ye nyulitkah kite tulah.
Aku lah banyak ngadiri baguan besak pernikahan…kate Nage Ijau jak di Sungai Amazon ni…muali jak di tradisional sampai ke modern, luk jeme Yahudi kalu ndak melangsungkah penikahan memplai diajung ngijakah gelas sampai pecah ye disebut “Mazel Tov” ye artinye “semoga beruntung”…luk itu pule masyarakat nage jawe pengantinnye diajung ngijakah teluw beghaduhan sampai pecah pule, maksudnye, nage pengantin bugagh harus bejuang ndik takut ngah rintangan mpuk keting lah luke gale.
Sebenarnye banyak ye ndak ku sampaikah ngah kamu bedue…anye nampaknye para nege senior la kemighuh, keruan li ku, lah gelisah…ntah ndak makan ape ndak tiduk ndik keruan li ku…mangke ku udimkah kudai jijihanku ni…mpuk beulang-ulang aku sampaikah agi…slamat bebahagia kamu bedue… Khusus ngah pengantin aku ndak bepatun:
Di dalam dulang berisi sagu
Sagu dimakan burung merpati
Jangan bimbang jangan ragu
Hidup baru kini menanti
Terime kasih lah diajungkah bejijih.
Ai…jadilah kudai Ning…aku ndak tiduk kudai…lah ngedibit mate ni. Au..Cung Tiduklah, anye basuh kudai ketingtu mangke dide bemimpian…!
“NASIHAT PERKAWINAN NAGE IJAU”
Lah udim di tulis di bagian ke-22 ujunge aku, kupikah dikit, mangke nyambung li ye galak mbacenye, maklum lah lame, di pacak ku ijekah banyak nian kerje ye meningkah palak ni…ini die ujung cerite idisi ye lalu:
MISTER DRACO SENIUR, POROCERES PARALGATUS. PRINCIPUM ET REGUM DRACO ARCHIPELAGO, GEMAH TERRA LOH JINAWI.
Pengantin Nage Dahe Puteh ngah Pangeran Nage Parbu Milih, khusus ngah kamu bedue ye mpai udim ijab-kabul, ye cengangas-cengingisan saling jelling saje, ade beberape pesan ye perlu ku sampaikah ngah kepunakan bedue.
Kalu lah bekeluarge, ade ye pantangan ye ndak kamu tinggalkah, ade kewajiban ye harus dilaksanakah, mpuk aku jauh di ujung dunie sane anye aku keruan adat marge, pakailah adat itu ye lah diwariskah li leluhur, terutame ndik, tunggu tubang, ade due simbul adat marge ye melakat, luk tebat, nah jage nian simbul ini, mpuk kamu dang bebantah laki-bini, jangan nian tedenganhg li lautan ape lagi li ntue meraje, kalu pacak ndik pule ndak bebantah, bukan musime agi bebantah tu…segale gawi dimusyawarahkah. Ye simbul kedua, tubang maksudnye, tuape kilah ye kah njadikah aip, kalu ade ye dengagh, mangke jangan nian di sebarkah ngah dusun laman, cukup kamu bedue saje nyimpanye. Ade juge ye ngicikah Guci, ye melambangkah pacak besimpan, anye menurut analisku, guci melambangkan kebersihan, biasenye guci di tepikah parak tangge di isi ayik, ngah disiapkah penciduke, kalu ndak naik keghumah bebasuk kudai, biasenye dulu tu jarang ye beterumpah, lain ngah jebuk ye badahe di dalam ghumah.
Ade juge pantangan bagi tunggu tubang te ambik anak, khusus ndik Pangeran Prabu milih, jangah agi mbatak adat lame jak di jurai kabah, ngikutlah adat marge betine, jangan nian kabah nampagh lautan, pacak tekambing, jangah pule mbantah umungan mentue, mpuk ndik setuju diamkah kudai kele kalu die lah udim ngumung, mpai kabah ngenjukah pendapat biasenye kalu pendapat kabahtu iluk, jeme banyak kah nurut, ye dide lemak nginae jangan nian kamu bedue tiduk ngindang aghi, mpuk ngantuk nian tahankah.
Pantangan nian tunggu tubang adat marge, ngelambukah sawah, mpuk payah kiamat anye beguyur, kalu ndik tegawi agi, ajungkah jeme lain, ndik ngape kalu diupahkah atu di paruhkah ngah jeme lain ye penting jangan kurang, majuh. Kalu jeme berayak njuk ayik angat, maksudnye buatkah kupi, kalu die lah lame, ajungkah bini kabah betanak, sembaweyi makan, mpuk die lah udim makan dibadah jeme lain, anye masih ndak diajung makan dikit jadilah. Itu namenye adat betungguan. Kalu jurai ade urusan iluk ataupun urusan sangsangan gacang ndatanginye, dide ndak pesankah kudai mpai datang.
Ai…kate pangeran nage Beringsang, alangkah paca’e Pangeran nage Anak Kondah, ceritekah adat marge, pantas Nage Dedaup ngajungkah die pidatoh. Nian gale ye di umungkanye ni. Lain pule kalu Nage Ugan jijihannye, sambil kemibuk ndik benege cekuli pajuhan ye di mijahe,…Udelah ndik pule ndak dinasihati agi, jeme duetu lah besak, sangkan la sanggup njujungkah jurai adat marge li lah ngerti gale urusanye…pacaklah ndunge nujukinye…
Nage Ijau neruskah petuahnye, kalu kami di Barzil sane, mimang ndik bedie adat marge ye luk ini, anye urusan bekeluarge tetap njadi perhatian besame, biasenye kalu di Brazil terutame adat Amazon badah kami sekeluarge, kalu ndak bebini biasenye lah disiapkah gale li calon penganten tulah, kalu ndak baguan besak, ndak besiap kudai duit banyak, jadi disane kalu ndak pesta besak luk aku kinai disini, berarti calon pengantentu jeme kaye…kalu disini aku tanyekah tadi ngah adingku Pangeran Nage dedaup…segale biaye ditanggung li bapange, berarti lah lemak ige kamu bedue ni lah disiapkah gale li ndung-bapang. Anye di Brazil mbak kini adatnye lah banyak berubah, kalu pesta besak, same ngah jeme ujukan ndak nyumbungkah bangse die tu jeme beduit, padahal gulian ngutang gale, ungkus ndik baguan tu, sate udim baguan pening pala’e banyak ye nagih utang. Mangkenye kalu pacak jagelah adat margeni, jangan sampai berubah ye nyulitkah kite tulah.
Aku lah banyak ngadiri baguan besak pernikahan…kate Nage Ijau jak di Sungai Amazon ni…muali jak di tradisional sampai ke modern, luk jeme Yahudi kalu ndak melangsungkah penikahan memplai diajung ngijakah gelas sampai pecah ye disebut “Mazel Tov” ye artinye “semoga beruntung”…luk itu pule masyarakat nage jawe pengantinnye diajung ngijakah teluw beghaduhan sampai pecah pule, maksudnye, nage pengantin bugagh harus bejuang ndik takut ngah rintangan mpuk keting lah luke gale.
Sebenarnye banyak ye ndak ku sampaikah ngah kamu bedue…anye nampaknye para nege senior la kemighuh, keruan li ku, lah gelisah…ntah ndak makan ape ndak tiduk ndik keruan li ku…mangke ku udimkah kudai jijihanku ni…mpuk beulang-ulang aku sampaikah agi…slamat bebahagia kamu bedue… Khusus ngah pengantin aku ndak bepatun:
Di dalam dulang berisi sagu
Sagu dimakan burung merpati
Jangan bimbang jangan ragu
Hidup baru kini menanti
Terime kasih lah diajungkah bejijih.
Ai…jadilah kudai Ning…aku ndak tiduk kudai…lah ngedibit mate ni. Au..Cung Tiduklah, anye basuh kudai ketingtu mangke dide bemimpian…!
Komentar
Posting Komentar